صفقت ابني وندمت

الله يسلم عيالكم
عندي ولدين تؤام متطابق عمرهم 12 سنة
اشقياء ومزعجين جدا طول وقتهم
واحد منهم بعض الاحيان يكون هادئ ومنضبط والثاني شقي جدا ومايفهم الا بالضرب
امس رحت عند جارتي شوي ورجعت
لما رجعت لقيتهم يصرخون على اخوهم الكبير وواحد منهم طالع من المخزن شايل شاكوش كبير يبغى يضربه فيه والسبب انه ضحك عليهم وما اخذهم يشترون شريط اكس بوكس
خليتهم كل واحد يروح بحال سبيله ومالحقت اطلع للدرج والا شفتهم هاجمين عليه من ورا قبل مايطلع ولي ينط فوق ظهره ولي قاعد يضربه والكبير يحاول يبعدهم فقط لانه عارفهم بزران
الموضوع ماوقف هنا فقط وماضربتهم عشانه
لا الشقي رجع طلع الشاكوش وراح فيه للحوش مكان سيارة اخوه وضرب السيارة فيها هشمها من ورا ورجع للبيت يبغى يهاجم اخوه ثاني بالشاكوش
انا هنا مسكته ونزلت فيه ضرب من العصبية الين قطعته وصار يبكي وبعدها ندمت 😢😢😢 وصرت ابكي طول الليل وقاعدة جنب فراشه وهو نايم
بس والله اتعبني جدا هو بالذات من كثر ماهو شقي ومزعج
حاولت معاه بكل اساليب التربية ماجابت حل ابدا كل مايزيده ازعاج