ازيكم يا عسولات...
واحشني مووووت، ازيك يا فليم، يحليلك و يحليل كريم ان شاالله كويسين، يا زولة ولا يهمك ربنا بسهل الأمور و ان شاالله تلقي ماما جمبك قريب و تشيل حفيدا...
رنو العسولة...1000 مبروك على البرامج الجديدة و يا بت ما تنقنقي كتير، ربنا أداك نعمة احمدي الله عليها و ربنا بحللك بالسلامة ان شاءالله و تجيبي بيبي عسولي زي حمودي.. و يا ستي لا نسابتي في السودان، حضروا العرس و رجعوا...
وطني (الأم الجديدة) كيفك و كيف كريم؟ خلاص اتعودتي على برنامج الأمومة؟ أنا كويسة و الشمارات كتيرة لكن ما عارفة ابدا من وين، فاسألوني و أنا بجاوب...
كيفك يا بلدي يا حبوب و سلامة بتك، ان شاالله بقت أحسن... أنا تمام و العرس كان حلو شديد والله..
أم صلوحي ازيك..شكرا كتير يا حبيبة على تلفونك و معليش اني ما اتمكنت أعزمك، عرسي ده كان لخمة لأنو اتحدد في شهر هو كان المفروض يكون في عيد الضحية و قدمو فجأة فاتخيلوا لخمتي و أنا شغالة كمان و ما ممكن أخد اجازة عشان أخدت اجازتي في الصيف...و الله في كم وحدة من صحباتي بره العين نسيتم في العرس و خجلانة ألاقيهم... سلامتك و سلامة صالح، انتي فعلا من كلامك شكللك مرهق، حاولي تاخدي اجازة صغيرة و ترتاحي شوية، اسمعي النصيحة...
سروية، كيفك يا عسولة...ان شاالله نتعارف أكتر و نبقى صحبات...قاعدة وين في السعودية؟
هوما اللزيزة..وين انتي و الله مشتاقة ليك شديد...اظهري ورينا أمورك...
ماريا الطيبة... يحليلك وين اختفيتي؟ مشتاقييين شديد..
ريحانة دلوعة المنتدى...اتحرمنا من ونستك، لكن كلو يهون و ترفعي راسنا بنتايجك ان شاء الله...خلي بالك من روحك و حاولي تطلي علينا قريب...
مجنونة السكرة...سلام يا عسولة، أها شعورك شنو و انتي طالبة جامعية؟ يارب تكوني مبسوطة و تقضي أحلى فترة لأنها بالجد أحلى فترة و دايما حاتتزكريها....
كيوت السكرة، ازيك ان شاالله أمورك كلها تمام، حنتعارف زيادة و أكيد حنبقى صحبات...
هدوية...كيفك و كيف ناس البيت؟ انتو في فترة محتاجين لبعض فانشاءالله راجلك يتفهم و يخليك معاهم شوية...سلمي على حياة...
يارب ما أكون نسيت زول، و اعزروني اذا حصل لأنو أنا لحدي هسه ملخومة....
أنا طالعة البريك و بجيكم تاني بعدين...
سلام شديد
على ضفاف النيل (ملتقى حواء السودان) الجزء التاني .................
متابعة النقاش، صفحة 341