شاركي في النقاش

سجلي الدخول لإضافة تعليق.

التعليقات

100
  1. @maalm_agyal

    صاحبة الموضوع
    ام العيال المشغولة
    راجعه لك ان شاء الله بس الوقت راح وانا اقراء والصلاه بتفوتني ------------------------------------------------------------------ عدنـــــــــــا <<<<<<<<بدري والله مو مني بس من رديت عليك قطع الاتصال <<<<<< ماقصدي شئ:22: كخخخخخخخخخخ ترى ذب…
    (بكت والبوك أحمد)يعني عدت والعود أحمد بس من مصطلح كلمة باااااااااااك <<<ياشين اللي بيكشخ ومايعرف

    المهم رجعنا نرد بعد ماطرت من الفرح عشان التميز من شفت اللي تشر وأنا محلقة بالسماء أهلي مافشلوا إلا من الجيران ا مير ماردهم إلا النعال جمعهوهن وسواا مسابقة باللي يصيدن أول مير من أول تصويبة والنعلة بكرشتي <<<<بلا من دبابتك تلقينك حاجبة الشمس يحسبونه كسوف

    ربيع عرعر
    الله يصلح قلبتس مابتس صبر أتلي كلامي!!!!


    (¯·._.·(كافي لاتيه )·._.·¯)

    ماش يبي لكم درس موضوعه يكون عن حسن الإنصات
    كان أعوذ بالله الواحد مايقدر يكمل هرجته إلا أنتن مرتزات بوجهه


    ماقصرتي وش عقبه


    مير أنتي صبرتي الله يصلحتس مير أدواك النوبة الثانية بنزل موضوع وخلي المشرفات يقفلونه<<<<ياشين اللي فاهم خطأ


    يصلح يربون أوادم!!!


    يقولون إن الغنم ماتواجه قدام الناس فشيلة الواحد تعبان وقاعد يربي وبالأخير غنم


    الشرهة ميب عليه على الراعي اللي مطلقهن والا هين هو بهيمة ماعليه شرهه

    المشكه نحط حديد نحط حواجز QUOTE]
    أنتي معهم يوم يحطوون!؟


    هين بيتر مير البلا بجد هايدي ياويلي مامداو يتهنى بحفيدته


    عندنا محل أبوريالين يمدحونه والناس عليه يكبون كب كان عندتس ناقه بحلتن به تعالي بيعيه هناك


    أقول وراتس حاقده يختي خلي العالم ( اللي عقله براسه يعرف خلاصه)<<<تراي مدري وش معناو بس شكله ينفع هنا


    الله ياجرنا عليتس كم خط تمسكين بالساعة!!!!


    أشوا مابغيتي ترجعين شطحتي والشطحة هي الشطحة


    والله إني قبل أهوجس بالفصل وهون لاذكرت اسمي هنا


    طلعت روح العدو ماهنا طلعة لين أقضي منتس


    مارحمت إلا النيه اللي كل شي نلطه به


    الله لايفضحنا قولي آمين


    وكاد أجل وشوله حاطينن لنا مغطس إلا عشان ننسدح بوسطه


    كان أكلن الشوك اللي ماخلى مكان بي مابطن معه


    يختي جهاد المره برجله <<<<<الله وكبر عاد ياللي رايحة عند رجلك


    أنا أشك إن أحد اليوم مسطرتس وجايتن تحطين حرتس بي مير على قلبي زي البصل قصدي العسل


    التطعيس اللي فيه مخاطره مايجوز( ولا تلقوا بأيديكم إلى التهلكة)<<< عاد ماستاهل جائزة على الرد!؟


    وانتي وش حارق رزتس ( موضوعي وأنا حره)<<<< مايهناه إلا تمنن علينا


    اقول يازينتس ساقته أحيانا
    والا شبابنا ماهنا رجوله قبل يتبادحون <<<<نفس التعليق اللي أنتي كاتبه


    بالنسبة للطلعة اشكري ابوي تبين أعطيتس رقمه<<<<عز الله سطرته أمه
    أما الصور عاد هذي شغلتي ومالي هم إلا اطقطق وعلى قولة أمي لو افل شعري قلتوا بنصورتس<<<الله لايلومنا يمه أصلا شعرتس بلحاله يعتبر سبق صحفي


    الله يبارك بعمرتس وانتم السابقون ونحن اللحقون


    مت ياحمااااااار الله يعزتس


    ~*~ السنعة ~*~

    ترى طالع فتوى جديدة تقول ممنوع الحجز


    مير الله يرحم حالكن أنتن تخلن أحد يقول شي حتى كلامنا مانقوى نتليه منكن


    *حورية البحر* ^

    لاتزاحمن أكثر ماكثر الله الأماكن

    ~*~ السنعة ~*~

    دام فيها أولا عز الله جا الليل وحنا ماقضينا رادين


    عادي وش فيهم الدببه يالله لك الحمد إن دل على شي دل على العز اللي هم فيه


    هذا اللي يتسرع يبي لكم دروس بالصبر


    الله لايقطع نسلك<<<<الله يعينك رحمتك



    اسلمي



    مدري عن هالنوم يتصلط الخميس والجمعه ادوره مالقاو
    ووقت الدوام مايقضي احيانا اشرح وأنا أنود


    الشكوى لله على النيه


    كان أقضي الترمس وأنا يقالي بس أغط لساني


    يخسى ويعقب ماوراو إلا الدجه


    ترى أنا من ضمن هالبزران


    ياوخيتي الدنيا مصالح والواحد يشوف نفسه قبل


    وانتي الصادقة قانون النحيفات بالبر (( الأكل جايه تراب)))<<<يالله من فضلك اطعم له


    ماينقالكن شي


    كل ذا وماقعدتي على رواق
    بس اقطعي لي والا ترى بغط لساني ترى يسمونن غطاطة اللسان


    حياتس الله بأي وقت


    من يقول إن الأكل يتعب لاتصدقين ترى ذي إشاعه


    لا والله أنا ماحب أحد يشوي إلا الشغالات عشان نتحكوى ذا زيدواشويه وذا خلاص استوى طلعوه وغيره من الحواقين والا الاخوان إن فتحتي افمتس بكلمة وراتس الشغل


    أكثر للدسم


    القهوه الخير واجد بس الكتكات مابه واجد ونخاف تقضينهن عنا


    احل أنا الشاهي مايحكي عندي شي ماشربه إلا بالجمعات


    لاتخافين مانوينا نرجع بشي


    سلمي لي عليه وقولي له لاعطت هالدرس تضيف إضافة بسيطة وتقول صحيح بعض الحيوانات نباتيه بس عند الجوع تتغير وتصير تاكل اي شي قدامه <<<إفلقيني إذا الطالبات راحوا مع أهلهم للبر


    مانسيت يالغاليه غدا كله ملح بتوقيعتس

    ام العيال المشغولة
    هماتس حطيتي ذي إن بغيتي لاترجعين<<<<مانيب كفو تميز
    لا والله أمزح إلا حياتس الله
    وإاذ بعد ودتس تخلين الموضوع موضعتس ترى عادي ماعندي مانع
    كلش ولا الحكومة عاد
    وش حنا بلاهم

    وهذي هدية مني لك
  2. ام العيال المشغولة
    راجعه لك ان شاء الله بس الوقت راح وانا اقراء والصلاه بتفوتني ------------------------------------------------------------------ عدنـــــــــــا <<<<<<<<بدري والله مو مني بس من رديت عليك قطع الاتصال <<<<<< ماقصدي شئ:22: كخخخخخخخخخخ ترى ذب…
    السلام عليييكم ورحمه الله وبركاته ,,

    رجعت بعد ماصلحت لي برييق نعناع >>برييق نعناع وقعدت يومين مارديت كله عشان البرييق ,,!!
    وطار التعديييل,,:(
    بس ما عليه معلمه وتسامح ولا لا ,,
    اهليييين والله بمعلمه ,,
    اكشخ صايره الواحه كلها مميزاات ,,
    اخااف تخلص المميزات وانا ماخذت منها شيء>>تحلم ,,
    مبرووك علييييك التميييز يالغلا ,,
    نجيي للموضووع,,




    افا طيب وييين السلام ,,
    السلام عليييكم ,,

    هههههههههههههه,,
    حكمه والله ,,
    يعني برمضان طولل الوقت نايمه ,,



    زييين وضحتي مووب مثل ام الدحمي ,,
    اراجعها لابغيت تفسير شي,,



    اشرحي لي غديييكم معلمه,,
    مدري وش معناها ,,


    هههههههههه,,
    انتي اللي كاتبه هالكلام عنك اجل شلوون تعابير وجه امك يووم سدحتي هالسؤال ,,


    ههههههههه,,
    ذي رايحه لعرس على غفله لا كله كووم والمنديييل كووم ,,
    مافييه شي اسمه صابوون ,,


    يووه تناااقض بيين الصوورتيين ,,
    والله كنه شنطه عجوز مع هالحبوووب ,,
    والبخاخات بس بخااخ الربو غريييب إنا غيير ازرق وكنه ماصووره <<امحق وصف ,,


    يووه ياشييين ذيييك المحطه اكره مالي هالمحطه ,,
    دايم ملياانه شباااب وبزراان والمشكله ممنووع النززووول للبقااله ,,
    مايصيير بنزل اشم هوا >>هوا ولا بنزيييين ,,


    هههههههههه,,
    غريييبه مع انها ماشاء الله ملياانه زباين بس شكل راعي المحطه مايحب الكلافه ,,


    اول شيء قرييتها تواابل همن فطنت ,,
    المشكله اذا ذي توابع القهوه وش توابع الغدا ,,:22:


    ياحبييلك انتي وهالتفسير الدقييق صدق معلمه ,,


    لا لا وش ذا,,
    مايصلح الشوي الا اذا انتي شويييته يطلع له طعم مع الترااب,,


    مااقوول الا الله يعييين اللي بيتزوجك ,,



    هههههههههههه,,
    ذكرتيني بجدتي تقوول للكتشب تشكب وللسفن فسن ,,
    ههههههههههههههه,,


    لا عادي,,
    هم اذا مالقو شووك ياكلوون اي شيء مثل الضب نباتي بس ياكل مصابع الناس,,
    مره كنا كاشتين بالبر ونقووم الصبح ونلقا خييمه المطبخ محيوسه ومنقلبه راسا على عقب ,,
    واخواني مادرو وش القصه نايميين عند النار يقالهم يحرسوونا امحق ,,


    هههههههههه,,
    لا عاد هاذي معلومه جديييده ,,


    هع هع هع,,
    هاذي شكلها تعرفني ,
    اتذكر يومني بسادس سوييت نفس الحركه يووم مر من عندنا قطييع غنم,,
    بس على الاقل انا كنت بزر وهي ام عيال ومسيوه كذا ,,


    هههههههههه,,
    اما هاذي كذا :icon18:
    تجنن ,,


    تاامريين امر معلمه ,,
    ان شاء الله اضييفها لتوقيعي ,,

    مشكوووره على الرحله المشوقه هع هع ,,
    تسلميييييييييييييين ,,:26: :26:
    بس خلي عنك اسلوووبك مره روعـــــــــه ,,
    ما شاء الله ,,

    مع السلامه ,,
  3. @maalm_agyal

    صاحبة الموضوع
    قلب الدلع
    موضوعك رووووووعه تسلمين حبيبتي..:26:
    نعود للرد من جديد

    تووتهـ

    الله يسلمتس وانتي اروع الجميع
    لاعدمناتس


    كل ذالبعارين ماطلعت وراه ياكافي!!
    وانتي الصادقة القعرة هي مخلوق غريب الشكل له عدة مسميات
    ففي اللهجة القصمنجية يقال عنها اقعره وإذا كان حجمها اصغر بقليل قالوا عنا قعس
    وفي اللهجة السديراويه( جعابه)<<<<كشخة
    وباللهجة الشقراويه ( قعرانه)<<<دلع
    وباللهجة الدمامية ( قروص ) <<<كنية عن القرص شكله ماكل لحمهم من كثر مايقرصهم
    وباللعجة البزريه(يعني البزران ) (نملية كبيرة)


    لو ماحطيتي مداخلتك كان قلت تكذبين وين الفايدة من ذاك القرق
    بس اشوا اثر عندي هرج مفيد يسلم بؤي وبؤتس


    ~sweet ~

    أشوا مير لقيتي لتس علثه

    وهو صادق ابوك اتقي ربك


    يسلم عليك البعير ويقول لتس استري علي الله يستر عليتس


    مايبي له حكر سلطة البر مير قررررري في بيتكم وشوله السوسعة


    ..المتميزة..

    وأنتي أروع الجميع
    لاعدمناتس


    azah

    الله يرفع قدرك قولي آمين


    أخت اشواق

    ناوية أدور على طلاب المملكة كلهم وصحح لهم كتب العلوم <<<<فاهمة التصحيح خطأ


    الله يسلمتس


    نسمة هوى


    وعليكم السلام ورحمة الله وبركاته

    كل شي جايز وشكلتس قاريته قبلي بعد


    بعدي والله مؤدبة وتحترمين كلام اللي اقبر منتس ولاتقاطعين


    أهم شي الأخلاق ولايهمك وماهنا فرق بين الأول والأخير


    عسى الشاهي والم مع الفصفص


    الله يحلل دباشتي عند دباشتس مير يمدحون شهار للي زي حالاتك


    بعد زين صبرت لين اسمع الخبر ماتحضنت الترمس قبل

    يسلم عليتس شيطاني ويقول القابلة عندتس


    لا انا لاتصدقت عليهم وحطيت كحل مايمديهم يشوفونه إلا انا فاركتن عيوني ومنملط بيدي ماتعودت إن بعيوني كحل


    دايم بسعبل قدامتس

    بصراحة ابدعتي بالتفكير الله لايحرمنا من تحليلاتس اللي تخلي اللي موب شي شي
    مير عقب تحليلتس توبه إن فكرت اشفط سعبولي بخليه ان بغى يصير ساقي


    وضاقت إلا دجيجاتنا يروح يدور أحدن غيرنا


    الله لايهينه تصحح المعلومة وتنبه البنات على هالنقطة إن الأليف فيه احتمال يتحول لمتوحش بيوم وليلة


    أها بس لاتعذرين لها لو مهتويه كان عرفت وش لون تقولنا
    أجل بغى ياكلن البعير وأنا أحسبة نباتي



    أجل تنصحينن أنزلة بالأعمال الفنيه<<<أخذت مقلب بروحه


    الله يعافيتس والتميز إلى الحين طايرتن بوه مدري متى بوقع


    مقدرتن ظروفتس ياوخيتي ولو إني مشرفه حذفت ردودهم وحطيتس مكانهم مير العين بصيرة واليد قصيرة<<<< اشوا انتس منتيب مشرفة


    لا والله حياتس الله وتونا بدري وين تتروحين ورا ماتسمرون عندنا


    لي عودة للرد على البقية بإذن الله
  4. @mdad_almshaaar

    رووووووووووووووووووووووووعه

    ويسلموووووا


    بس لي باااك وتعليق بالليل لا دخلت اتكاااتل انا وهالدبا اللي معي عالمسنجر

    لانها لا هي ولا اختي خلوني اقراء موضوووعك زين


    وبعديين قلوووبه يا كويحه ليش ما علمتيني انك مسووويه توقيع جديد


    كااان قطيييت معك

    لي باااك ان شاااء الله

تابعي تجارب أخرى من هذا القسم.