معطيني مهله اسبوع أتنازل او يطلق

من صغر عقل راعية الموضوع ما الومه يوم يبي يطلقها غثيييثة

قوليله دامك جيتني بالتهديد وطاري الطلاق وعلى قولتك بعد ماتطلقني بتنبسط وتذبح ذبيحه خلاص درب السلامه وماني عازمه احد دامك بعتني برخيص ابيعك بتراب قوليله وانتي واثقه من نفسك..قوليله لو انت جايني بهدوء وبكلام لين ومسايس كنت عزمتها علشانك وعلشان خاطرك

اكيد صعبت عليه أخته
تعوذي من ابليس واعزميها لا تخربي حياتك
عشان طفله بالأول والأخير طفله بالمتوسط تقدري تغيري فيها وتكسبيها لصالحك

وتبغي الصدق الموضوع مو سهل إنك تحلين المشكلة بينك وبين أخته بمشكله اكبر إنها ماتدخل بيت أخوها
الله يكتب لك الخير أختي

يااختي تعوذي من ابليس ولا تخربين حياتك عشانها وتفرحينها فيك
وماتدرين يمكن هي طلبت من زوجك تزوركم يمكن ندمانه وتبي تتصالح معك
وانتي قلتي بزر كبري عقلك وخليها تجيكم لاتهدمين حياتك بسبب هالبزر

اسمحيلي اقلك شرطك فوق ماتطيقه النفس هو اكيد حاول يوافق لانه حس بغلطها تجاهك لكن تبقى اخته مهما كانت فيها عيوب الدنيا كلها ذي أخته.


واساسا من غير مايزعل ويسوي هالبلبلة كلها الا مايجي يوم كان ويقلب عليك ويقول قطعتيني عنها.


انتي بنفسك ماراح تقبلي بشرطه لو كان هو طارد اخته توقعتها متزوجة وكبيرة عمر يحق لك تاخذي تصرف زي هذا طلعت بالمتوسط يعني لسى بزر


يااختي والله مهما بلغت من الخطأ مايحق لك تشرطين هالشرط ابد.


واساسا بيت يبنى على قطيعة وتفرقة ماراح يبنى على صفاء قلب ومودة الا على مشاحنات وحمل على بعض لحد الإنفجار.


تعوذي من الشيطان وتنازلي عن شرطك لو ودك تحافظين على بيتك وقبل اللي مايدري يدري انه جبرك طالما انك تشوفين المسألة مسألة كرامة.


استقبليها ومو شرط انك تطيحين الميانة حطي لك حدود معها واسلوب انك ماتعطين الشخص اكبر من حجمه اقوى اسلوب تردعين فيه اي شخص يتعدى ويسوي بلبلة.


والانسان اللي مايتنازل ولايقدم المصلحة الكبرى ويتأنى بقراراته ويعتقد ان القوة هي بعدم كسر كلمته صدقيني بيخسر في حياته كثير.
الحياة الزوجية مستحيل تمشي الا بالتغاضي والتنازل والتضحية.
وترى التنازل غالبا يجي من الشخص القوي والحكيم ولاعمره كان ضعف. تعوذي من الشيطان ولايكبرها بنفسك