زوجك النكدي بصراحه
يعني بناتك ترميهم ولاكيف
مادام اذا مش موجودات يدلعك ويتغير واذا موجودات ينكد عليك
الله يهديه
زوجي يقول انتي مكشره ونكديه بنسبة ٩٠٪
متابعة النقاش، صفحة 4
شاركي في النقاش
سجلي الدخول لإضافة تعليق.
التعليقات
65- أختي
انتوا مسوين من الحبه كبه انتوا اول ناس تخلفوا؟
ما كل الناس عندها عيال زي حالكم بصراحة ماشفت الشغلة كلها
يبغى لها تنظيم بس
عطيتوا الغدا البنات حاسوا وكبوا الاكل طيب السؤال
كان غدتيهم قبل ما يوصل الابو عشان يتعدى بدون نكد وهواش
من الليل اطلبي منه ايش الفيس الي لازم يلبسه
نكديه الرجال لو شافوا الحرمة شوية ساكته أو مالها خلق تتكلم
خلاص سواها مكشرة انتي لاتحطي في بالك - أنتي أدرى بنفسك وبزوجك ومنهو الغلطان فيكم
Loly2017 ابشرك حاطتهم بحضانه من سنه وزياده ولا اجيبهم الا اخر الوقت ٥ المغرب اجيبهم ومع ذلك يتنرفز الله يعين والله اني عارفه ان الاطفال يبغالهم صبر ومصيرهم بيتغيرون لما يكبرون ويعقلون وانا امسك نفسي بوجوده اذا سوو شي غلط احاول اطنشهم او احل الم…
اقولك ياعسل بالنسبه لبناتك محتاجين حناان وخاصة من ابوهم ..!!
ف يعبرون عن هذا الفقد بالشقاوة والعبث لجذب الانتباااه💢
قولي احضنهم اول ماتجي خلهم يشبعون منك !!
وع فكره السن ٣سنوات يبدأ الطفل يبني شخصيته
مو عناااد لاااا يبي يفرض رأيه في لبسه في اكله في لعبه..!
يحتااج مساحه ليبدي رأيه❗️
وانت والله والنعم فيك مااقصرتي معااه في شي
شغلي القران في البيت ..بيت جديد وشغاله تراقب حركاتكم وهي تفتقد هذا الشي ❗️- اول شي تعوذي من الشيطان الرجيم
ولا تاخذين كلام زوجك بطريقه سلبيه بالعكس خذيه بإيجابيه
احياناً تصرفات بسيطه تصنع فرق كبير في النفسيه والمزاج والحياه الزوجيه
لعلك مع المسؤليه والتربيه والظروف الجديده صرتي تتصرفين بطريقه سلبيه لا شعورياً بدون قصد
مثل سالفة انه الصباح يصحيك وانتي مكشره ( حسب نظرته )
وهذي النقطه بحد ذاتها غلط يفترض من الليل اللبس يكون جاهز وتحطينه بمكان واضح يكون متعود عليه
والافضل انك تصحين معاه تجاملينه بفطور او كلمه حلوه وكلها دقايق وبيروح دوامه وكملي نومك
وحتى الاطفال وشقاوتهم تجملي وتحملي هالساعه اللي يجلسها معاك لا ترفعين صوتك ولا تهاوشين
وحاولي تعودينه بالتدريج ياخذ اطفاله ويلاعبهم وحتى اذا صايحو قولي مشتاقين لك وفرحانين بشوفتك
احياناً الكلمه الحلوه تمتص الغضب وتطفي نار الشحناء وتطيب الخاطر
واذا على السلبيات كلنا مليانين سلبيات لكن طالما زوجك نبهك للتكشير تقبليها بصدر رحب
واسعي في انك تروقين لمصلحتك ولسلامة اعصابك قبل لا يكون لزوجك
الحمدلله عيبك مو في عشرتك ولا اخلاقك يعني شي لا يستحق انك تزعلين وتتضايقين عشانه
واغلب الرجال مايحسون بمسؤلية التربيه والاطفال يعتبرونها شي سهل وانك بس جالسه بالبيت مرتاحه حاطه رجل على رجل ماجربوا الاهتمام بطفل معلق برقبتك 24 ساعه مسؤله عن اكله وشربه ولبسه ونومه ومرضه وبكائه ونظافته
والله انهم مايتحملون الاطفال ساعه وحده فلا تتضايقين وتزعلين نفسك
الحياه الزوجيه تحتاج شوي تسليك وتفويت وتغاضي وطولة بال
واذا على التكشيره امرها سهل شدي حيلك بالروقان والوجه البشوش
ورتبي جدولك بحيث لما يجي سي السيد من دوامه الاطفال يكونون سبقوه بالاكل واذا جلسوا معاكم حطي لهم اشياء تلهيهم اما العاب او سفره منفصله يخبصون فيها براحتهم والله يكون في عونك
مواضيع مشابهة
تابعي تجارب أخرى من هذا القسم.