كيف اتعامل مع اولادي المتزوجين

اتوقع ممكن تصير سالفة مكه مدخل للموضوع قولي له جزاك الله خير ياوليدي انك ذكرتن لكن ليه مرسل قيمة التذكره واسكتي شوفي وش يرد
اذا قال عشان تدفعين قولي وش دعوى متخسر بروحك الاجر ياوليدي كل قرش تدفعه لي مهب ينفعن انا ينفعك انت بالاخره هذا هو البر اما انا الحمد لله مانب بحاجه فلوس يارب لك الحمد لكن استكثره عليك انك تطلب من وتحرم روحك الاجر

عطيه كاش بوجهه وقولي له والله ياوليدي اذا انت قاعد تقولي قيمة التذكرة عشان ادفع فانا اقول لا بارك في هالتربية
ماحد يجي عند اهله ويوديهم مكة من باب البر ويلزمهم يدفعون ويطلب منهم فلوس وهو ماعليه زود
عطيه كاش بوجهه وعلميه الاصول


وببخصوص السفر لدولة مع زوجته صعبه اكيد يبون ياخذون راحتهم
وابوهم خليه يوصيهم اغراض الخ ولا يعطيهم فلوس يعودهم على هالمبدأ انه تقوم فيني
وتعاوني

انا أشوف انك كأم ماتخلين شي في نفسك واللي يزعل يزعل حتى لو تشدين عليهم في الكلام.. قولي مثلا كان عذرتوا علية بالسفر رغم اني ماباسافر ومشغولة بس ودي قلت يالله يمة معكم... عشان يحطونك في بالهم..وكل المواقف على نفس الوضع.. تكلمي لاتخبين مشاعرك عنهم..

من حقك تتضايقين لما اطفالك ما يكونون بارين فيك.
كلميهم ان هذا بخل مو اسلوب بر مع امهم و ازعلي عليهم اذا تبغين.


هذا اللي ناقص اخذ من امي فلوس تقال انها غريبه.
الله يرزقك برهم و يجعلهم قرة عين لك

الغريب انك انتبهتي لهذه النقطه بعد ما اتزوج
كان المفروض تتداركي هذا الشي من طفولته
و المشكله بسيطه كلميه على انفراد و بهدؤ و قوليله عاللي يضايقك و اللي تبغيه عادي ما فيها شي.