تعبت خلاص وكرهت الزواج

بجد أنا بعتذر ليكوا يا جماعه بس هعمل ايه انتوا اخواتي هنا ؛؛ انا في مشكلة،، انا عضوه جديده معاكوا ،، انا مخطوبه من سنه ل واحد سافل واناني وطماع مكنتش اعرف الكلام ده لما خطبني بس،هو بيقولي انه بيحبني ومعدش يعمل الحجات دي بس انا خلاص مش طايقاه ولا عايزاه ،، خطيبي اتعرف علي مأذون من فتره قبل ما يخطبني واتفق معاه يشتغل محلل زواج والفلوس يقسموها بالنص وبالفعل عمل الموضوع ده وقالي انه كان بيدور علي الموضوع ده في الحلال علشان يعف نفسه ،، وبرضوا هياخد ثواب لانها هتعرف ترجع لجوزها واولادها خاصه انها معاها اطفال صغيرين وخايفين يتشردوا المهم خطيبي عمل للموضوع ده واتجوزها بعقد عن المأذون وخدها في شقه ايجار ٤ ايام في اسكندريه . المصيبه الكبيرد بقي السافل المنحط بيقولي انه حصل بينهم جماع 12 مرة ربنا ياخدها معندهاش دم معرفش ازاي قبلت علي نفسها كده والمصيبه انها اكبر منه بس هو قالي كنت قاصد اخد ثواب علشان بيتهم ميتخربش وتعرف ترجع لجوزها لانها كان مطلقها تلات مرات والمأذون قاله مينفع ترجعلها الا لما تتجوز حد غيرك وبيقولي ان مش هيعمل الموضوع ده تاني،، للموضوع ده مسببلي عقده نفسيه ومش طايقاه ولا عايزه ابص ف وشه وكل ما اكلمه يقولي كنت خايف من الحرام علشان يعف نفسه وطبعا مكناش لسه اتخطبنا بس هو قالي خلاص تاب وظروفه في الوقت دا مكنتش تسمح بالجواز ،، اسفه يا جماعه مره تانيه ،، معلش كلامى متلخبط بس انا ف ورطة 😭😭...