شاركي في النقاش

سجلي الدخول لإضافة تعليق.

التعليقات

100
  1. @ord_nt

    الله يرج العدو ,,,,,,,,,,,,,,,,,,,,,,,,,,,,,,,,,,,,,, منيب قايلتن يرجتس ,, حشا ادعي عليتس الله لا يقوله
    وش هالحتسي اللي يقطع المصرااااان


    يا عليتس اسلووووووووب يهبل

    تكفين كل يومين حطي يومياتس

    واسردي حتسياتس مع اخياتس والا طالباتس


    ما اقول الا ياسعد رجل اخذتس ويا صبره يومن انه خلاتس عند اهلتس عشان يشتغل ما يسدكم شغلتس انت وهو يصير رب المنزل يطبخ ويكنس وودي اقول يحمل ويولد بس ما تجي الشكوى لله



    الا على الطاري وانا اقرا موضوعتس شهيتيني بالكشته بس مهوب مقدور عليها الابو موب راعي كشتات ولا يطيعن - قلبت قصيميه -
    وشهيتيني بالقهوة وهذي مقدور عليها ومير اروح اصلح قهوة بانصاص الليالي الناس تسبح وتهلل وانا اطبخ
    وشهيتيني - يا كثر شهاويتس - كل منتس يا معلمة - بالشوكولاتات مير هذي بعد مقدور عليها بس حبة وحيدة مهوب خمة مثلتس -تخبرين الرشاقة ولازم نحافظ عليها لا يعرس ابونا

    والزبدة اني قريت ردودتس كلها مع فنجان القهوة - الله من النصب الا ترمس قهوة وشوكولاتة كيندر اشوى انه موب دينماركي

    والله يسلمتس ويبقيتس
  2. الله يوسع صدرس بالعافيه ياابله تصدقين دخلن علي بنياتي وشافنني اضحك طارت بوهتهن والسبيره منهن 4 سنوات " احدن نشدس "تقول الا غصب وريني وش تضحكين عليه
  3. المشاركة المقتبسة غير متاحة.

    اقول مهب الشرهه عليتس الشرهه علي اللي ارد على موضوعتس:024:
    ونجي للرد على ردتس على ردي على موضوعتس <~~ كودتس تدوكرتي

    أهم شي الأبو وش وجهة نظره والا هين العيال
    منب معلمتس وجهة نظره انقهري خلي لقافتس تنفعتس

    قولي ليه تقول الأبلة وش رايك لا دخل رمضان نسافر عشان يحل لنا الفطر

    الله يخلف علينا على هالابلا وتراه معتس بالسفره والله يعينكم على القضا ويقول المثل ماطاح عنك مالحقك
    ماشاء الله عليتس تفهمين اللي بخاطر ابليس قبل يقول الشي شكله يقرب لكم

    ماتعرفت عليه الا من عقب ماعرفتس يقول انا اجي مع معلمة

    طيب يوم كبر متى صار يرجهن
    صار مايطلع للبر خير شر

    وش رايتس يامسمسه نغير المناهج أنا وأنتي ونحط كل مناهجنا كله تتكلم عن النخل

    الحين من قالتس ان عندنا نخل اصلا شلنا كل النخل اللي بحوشنا
    واذا نغره حطي بحوشكم نخل
    ولا لو بتس خير ماخلتي بعلتس يروح الحاله وانت قاعده عند اهلتس <<< تبي تفتك منتس

    والرجال يتسالمتس ومنتيب لمه

    ابونا اذا تسالمن رحت ركض لمه منب اخليه يسافر الحاله وانا اقعد عند اهلي:icon19:

    وبعدين حطي الموضوع اذا سافرنا لعنيزه اصير فاضيه ماعندي شغل

    والله العالم لو داريتن عن ردي ذا كان قلتي لاعاد تكتبين موضوع ويسدتس ذا لما الدفنه

    هههههههههه
    الله يقطع شيطانتس بس مااقول الا كثري لنا من هالمويضيعات القصيره والشكوى لله نتحمل ردتس خخخخخخ





تابعي تجارب أخرى من هذا القسم.