شوفو تجربة نوف ربي يحفظها ويوفقها في زواحها

السلام عليكم ورحمة الله وبركاته

كيفكم يا احلى اعضاء واحلى بنات منتدى ...
بمناسبة حلول شهر رمضان المبارك اعاده الله علينا وعليكم بالمسرات وبلغنا اياه بالخير والصحه ...
حبيت ان يكون موضوعي الاول هو تجربتي ....

الحكاية بدت رمضان اللي فات لما سجلت بالمنتدى .. كان لقبي (( نوفه الدبدوبه ))..
اللي صار نسيت الباسورد وسافرت ومعاد صرت ادخل بس الان لما رجعت حبيت اغير اسمي عشان يعكس شخصيتي الجديده ...

طولت عليكم بالكلام ... نبدا بالقصه...

طلعت الميزان بكل ثقه واهز طولي ومستانسه ... اتفاجأ بالرقم 80
انفجعت .....
طولي 155 ووزني 80 .. وسمنتي كلها فووووووووووووق قسم بالله كاني هوج هوجن .. مصارعه مو بنت

عرسي على الابواب قلت يا نوف استحي على وجهك وابدي ريجيم لاينفجع منك الرجال من اول يوم
يقول جابولي دبة الغاز حق بيتهم هههههههه

وبدات قبل رمضان بالسبوعين ... واستمريت لين اخر يوم برمضان ..

بنطلوني كان 34 بالعيد لبست 30 وجنز مو استرتش والاسترتش كان 28
من xxl صرت البس m
احساااااااس جميل صار وزني 65

ادري طولت وانتوا تبون الزبده ....

ريجيمي كاااااااااان سواااااااااااااااااااااااااااا يل....
كنت اشرب طول اليوم بس اشرب واكل وجبه او 2 في الاسبوع وتكون مشويه او شي خفيف

اول ما ياذن تمره او تمرتين وعصير الربيع او عصير انا اعصره بالبيت واللي يشبعني من جد كان علبه عصير الربيع اناناس وحبتين كيوي واعصره اشرب كاستين او كاسه او 3 على كيفك ...
اللي يصير بطنك تمتلي بالسوايل يعطيكي احساس بالشبع ...
قومي حركي نفسك واغسلي المواعين ونظفي المطبخ خلي الشغاله تنظف البيت


بعد الفطور بساعتين اكل شوربه وحبه سمبوسه مشويه وما كنت اكل السمبوسه دايما لاني كنت اشبع ..

وبعدها على النادي رياضه ساعتين

والسحور كان علبة زبادي اكتيفيا وعصير برتقال الربع

هذي تجربتي يا بنات .. وكنت مشاركة بجروب السبعينات ... طوال فترة رمضان كنا نتشارك يوميتنا..
الله يجزاهم خير البنات كانوا من جد خير عون ,,,,

الان انا وزني 70 زدت 5 كيلو من رمضان اللي فات للان يعني تقريبا سنه بس اكلي كثير وماكنت انتبه لوزني ...
بس الحمد الله

حبيت اعطيكم تجربتي عشان تستفيدوا ..
اهم شي زي ما يقولوا الارااااااااااااااده
والان ان شاء الله برجع لنظامي نفسه والله يقدرني واوصل للوزن اللي حلم فيه 57



وهذا الرابط اذا تبون تسالونها

http://forum.hawaaworld.com/showthread.php?t=3706021


شفتن كيف ممكن اسابيع تفرق معانا وتغير حياتنا !!!!

يالله المرحله الاولى بتكون اجمل مرحله في حياتنا ودااااااااااااااااعا الحلاوه وداااااااااااااااااااااااعا الخرابيط نعم نعم

للرجيييييييييييييييييييييم وللوززززززززززززززززززن المثاااااااااااااااااااااالي

ادعن يا بنات يالله كون في عونا يااااااااااااااااااااارب

الدعاء الدعاء الدعاااااااااااااااااااااااااا ء

بنوتاتنا الحلوات

بعد ما تكلمنا في الرجيم والرياضه

خلونا نتكلم عن ترتيب حياتنا

انا صراحه تغيرت كنت مرتبه منظمه صرت ملوله وغير عن قبل !!!

وحابه ارجع هالخصله فيه

عشان جيه ناويه اغير نفسي شوي شوي

قررت هالشهر احدد ميزانيتي بقوووووووووووووووووووووووووووو ووووووووووووه

ممنوع سوق ممنوع مشاري ممنوع ممنوع ممنوع كل شي !!!!

بس اخذ اكل الرجيم فقط فقط فقط عشان مااشتري شي ما بي قياسي بعد كم شهر !!! صح ولالا يا بنات

حتى الكريمات ووووووو ممنوع اشتري بستهلك الي عندي !!!!

فباجر شو بسوي !!!!! من اغراضي بحدد الاشيء الي بستهلكها اول اسبوع وبحطها جدامي على التسريحه

1_بوفر مصروفي لاشيء اهم حق الشهر الي بعده

2_ بستهلك الي موجود عندي بس ماخذ مكان على الفاضي !!

3_بستفيد من الكريمات والزيوت الي بستخدمها وبتكون النتيجه ايجابيه علي شعري جسمي وبشرتي

هذا الي بسويه باجر

كل وحده تقولي شوبسوي باجر ممنوع نقعد ما نسوي شي وممنوع نخلي يومنا اليديد يشبه امسنا باي صوره

هذا الموضوع كتبته قبل ايام وفعلن يا بنات طريقه ناااااااااااااااااااااااجحه وهوه الي شعني اني استمر في النظااااام

اقرنه بتمععععععععععن

السلام عليكم ورحمة الله وبركاته

صباحكم رحمه وخير من رب العالمين ان شاء الله

بسم الله ماشاءالله ولا حول ولا قوة الا بالله

خواتي الغاليات

الي تبى تنزل

5 كيلو

او

10 كيلو

او

20 كيلو

او

50 كيلو

حياكم جميعا


انا عندي كم كيلو ناشبات في حلجي احاول انزلهم ما اقدر !!!!

وجسمي صعب جدا في النزوووووووووووووووووول

يومياتي موجوده في الموضوع الي في توقيعي


مره فوق مره تحت !!!

انا ما كنت جذيه

لو تلاحظون مواضيعي اول ما دخلت المنتدى

ومواضيعي الحين !!!

تبدلت من صبوره لشكايه

من صبوره لملوله

من منظمه الى ما اخلص اي شي في ايدي !!!!

تفكيري تغير من ايجابي لسلبي

تحولت من القمه الى القاع



المهم امس تقولي ربيعتي ( صديقتي ) انها نزلت 10 كيلو في شهر يمكن عندكم شويه

بس بالنسبه الها انجااااز تقول اول مره ما الخبط !!!! في الرجيم !!! هيه لازم تنزل اقل شي

35 كيلو عشان تحمل اسال الله ان يرزقها التوئم الي يعوضها عن صبرها في السنين الي فاتت خير يارب

المهم قالت الملل يخرب الرجيم !!!

تاكلين الريوق وتترين الغداء متى بي !!!!

وبعدين تتغدين وتترين العشاء متى بي

والانتظار ممل وايب اليوع !!!!

قالت قلت بشغل نفسي !!!

كانت تشرب مااااااااااي كل ما ياعت ( هذي انا اعتمدها ) وبعد ربع ساعه اذا ماراح اليوع تاكل خيار او تفاح !!!

قالها الطبيب كل ما كبرتي كل ما كان نجاح العلاج صعب !!

وطول ما انتي بهالوزن ما بتحملين ابدا!!!!!

فسوت التالي

1_ تشرب ماي كل وقت وكل لحظه !!!

2_ بدت تشغل نفسها ترتب الغرفه تسوي جرد دقيق تنظف علب الميك اب اي شي تقول ما خطط شو بنظف اليوم او شو بسوي عشان ما احس بالضغط تقول اختار شي بسيط اخلصه انتقل الى شي ثاني وهيه تشرب الماء تقول ما صرت انتظر ابدا الاكل !!!! لاني مشغوله !!! وشاغله عمري في اشيء وايده !!

3_اذا ياعت تاكل الاكل المسموح فقط وتقول بيتي مافيه اي اكل غير الاكل المسموح !!! وريلها ياكل عند اهله

4_ وهذا مهم جدا ما تيلس عند اي شخص ياكل ولا تشوف اكلهم ابدا ولا تشوف اي حد يطبخ ولا تطبخ
غير اكل الرجيم !!!

5_ تقول اسوي رياضه لو 5 دقايق في اليوم ما حدد وقت عشان ما امل واتركها !!!او يانبني ضميري واحس وراي شي !!!

هيه كانت تتمنى تنزل 15 كيلو بس الحمدلله حتى 10 ممتاز اسال الله ان يحفظها من العين ما احلل الي ما يذكر الله ويبارك لها لو في قلبه الى يوم الدين

تقول في الشهر فقدت 10 كيلو وصار بيتي في قمت الترتيب والنظام !!! تقول عمره بيتي ما كان جذيه
حتى ريلها يقولها هيه توني احس انه بيت مريح ( مع العلم هيه بيتها نظيف قبل بس مش مرتب ابدا يعني عادي وصار مريح )



المهم انا امس بديت في رجيم خفيف واليوم قلت بطبق كلامها

انا من الف سنه ابا اسوي فور مات للكمبيوتر وعندي اشيء وااااااااااايده اقول برتبها بنظمها

1_ صور ملابس على اكلات على مستحضرات على عطور على ميك اب على كل شي

2_ محاضرات الجامعه على بحوث على خرابيط مالها اول ولا الها تالي

معني بين فتره وفتره اسوي جرد وامسح واعدل ويترتب بس من كثر الاشيء اقول بعدين بعدين ويتراكم !!!

قلت ببتدي فيه ما حددت شو بسوي ولا كم بقعد

بديت ادخل فايلات عشوائيه ارتب هذا احذف هذا لين مليت !!!

بعدين دخلت على الصور تميت اخلي لكل شي قسمه الول للملابس

الثاني للميك اب وهكذا لين مليت وخليته !!!

رحت للاشيء الي تخص الجامعه الي حذفته الي خزنته والي الي الي !!!

وبعدين بنت الاب توب بس حسيت بشعور حلو !!! اني ما كنت افكر في الاكل وايد !!

رحت عن الاهل وبعدين دق في بالي افتح درج واشوف الي فيه والي مافيه شو ابا شو ما ابا

وخلصته سكرته وبعدين وقفت فتحت النت اتصفح المنتدى وابحث في قوقل بعدين قلت ليش ما كتب

لخواتي صدق نجح الموضوع ما حسيت بالترقب الي قبل مع الرجيم توني باديه بس قلت نبدا مع بعض

1_ نضعف هالكم كيلو

2_ نكون مرتبين ومنظمين عشان تنفتح نفسنا للحياه ( ابا ارجع مثل قبببببببببببببل وهذي افضل طريقه تردني للنظاااام والترتيب )

3_نستفيد من وقتنا بدال هالتسدحات جنا عيايز عمرنا الف !!! اموت وعرف يوم بنعيز شو بنسوي


وبس هذا الي عندي كل يوم بسوي شي عشان الهي نفسي عن الاكل !! وفي النهايه انا الكسبانه في الحالتين

منوه بتشاركني ؟؟


وعندي فكره حلوووووه

ما يخصها في الرجيم

يوم يكون الطريق طويل او مسافرين او زحمه

طلعي تليفونج او جهازج وحذفي الصور الزايده وكل شي فائض لان الاجهزه الحين بسررررعه تمتلي

فهذا احلى وقت تستغلينه في ترتيب وتنظيم جهازج ومع الوقت بيكون مرتب ومافيه شي فشغلي نفسج بالاستغفاااار والصلاه على الرسول اللهم صلي وسلم عليه

والسلام عليكم ورحمة الله وبركاته

بسم الله ماشاءالله ولا حول ولا قوة الا بالله تبارك الله

خلونا نذكر الله على بعض يا بنات


الخطوه الاولى الي الكل لازم يسووووووووووووويها هنيه

هيه ترتيب كل ما يحيط بنا

اكله

جسمه

حياته

افكاره

عشان تنفتح نفسه للحيــــــــــاه

ما ينفع نرتب اجسامنا وكل ما يحيط ابنا يختلف عن شخصيتنا اليديده

من ملابس

وترتيب

وتنظيم

هذا الموضوع بيغير افكارنا

وحياتنا

مب بس اجسامنها


الخطوه الاولى الي سويتها اليوم بديت في الحمام اكرمكم الله !!!!

طلعت كل شي وتم تنظيفه

حطيت الاشيء الي احتاجها اول اسبووووووووووع فقط خليت الحمام شبه فاضي !!!

_ الشامبو اليومي رجعته في الكبت وخليت بداله شامبو الي استخدمه يوم احط زيت على شعري لاني ناويه ازيت شعري يوم وسدر يوم خلاص ما بخليلهم يوم راحه لمدة 4 اسابيع يا يطيح كله يا يعتد ل ما عندي حل وسط هههههه باذن الله يصير حلو البلسم شليته وحطيته في الكبت وعندي تسترات بلسم واااايد مالات الصبغه وشي يحطونهن يوم تشترين للتجربه وحطيتهن عشان اخلصهن وما يكون عندي شي مركون في الرف وللعلم ممنوع ينحط اي بلسم او اي زيت شعر مثل فشكول وطقاته على الفروه ممنووووووووع تقربونه الجذور يساقط الشعر .


_عندي دهان الشعر جوز الهند في علبتين لان واحد جديم بس مش وايد وواحد يديد ذوبته بالماي الحار من البرد جامد وحطيت هذا على هذا وخليته في الكبت وتخلصت من العلبه الثانيه عشاب ابتدي اسخدمه وبيكون من يوم السبت يوم التجهيز للنظام .

_جهزت السدر في علبه عشان اسوي منه ماسك الشعر وخليته في الكبت .

_ دخلت الشور جل مالي وطلعتلي 4 تسترات بجربهن كل واحد يكفي مرتين وما ينركنن يعني استفيد وارتب في نفس الوقت ومن اخلصهن بطلع الشور جل مالي وخليت غسول الادين وغسول المنطقه الحميميه وغسول الوجه فقط .

_حطيت علبة سكراب الجسم في الحمام .

_ولاني ما بستخدم صابون الحمام المغربي الا مره كل اسبوعين خليته في الكبت هوه واليفه .

_ خليت القبعه البلاستيكيه يوم بزيت شعري ولا بحط سدر بس لا تطولن يا بنات عن لا يطيح شعركن و الحجر وليفة الظهر وليفة الجسم في بكس في الحمام وعندي اداه من بدي شوب بلاستيكيه يوم يكون الجسم مبلول تسوين مساج ابها لدقيقه تحرك الدوره الدمويه بنشتغل على الارجل خليتها يمكن عل وعسى اتيب نتيجه .

_وخليت الفرشاه ومعجون وادات تنظيف السان خيط اعواد مضمضه .

شو استفت ؟؟

اول شي وفرت كل شي عدالي عشان يسهل علي طول الاسبوع استخدامهن

بتخلص من الاشيء المتراكمه عندي !!! لان الكبت الي تابع للحمام صار ملياان !!! وطبعا موقفه مشتريات لين اخلصهن وبجذيه بوفر مصروفي الي ماعرف كيف يختفي كل شهر بقدرت قادر!!

وبستفيد من الاهتمام اكيد سواء جسم او شعر باذن الله

وصار الحمام منظره خفيف ومرتب ويفتح النفس

والي حمامها مشترك تاخذ بوكس حلو وتحط اغراضها فيه او سله وترتب اغراضها فيها وتشجع الكل يرتب اغراضه في سله ويكون شكل الحمام حلو ومرتب بما انى بنحتاجه في هالاسابيع للسمكره ههههههه

يتبــــــــــع

التسريحه

خذتلي سله كيوت وحلوه بس كبيره تقدرن تحطن بوكس شكله حلو او تصفن الاغراض في اي درج قريب منكن بس انا اباها مكشوفه وجدام عيني عشان اخلصها بسرعه هههههه

وحطيت فيها الاغراض الي بستخدمها اول اسبوع طبعا يمكن يستمر ويايه لثاني وثالث اسبوع

المهم اني استهلك الموجود وارتب واتخلص من هالزحمه !!!

_اول شي حطيت سيروم للشعر وممنوع ممنوع يا بنات يقرب الفروه وحطيت تونك للشعر ينحط على الفروه المشكله يوم اتركه يطيح شعري ويوم استخدمه احسه ما يسوي الي يتمناه قلبي !! بعد ما يخلص بروح لدكتوره جلديه توصفلي شي افضل منه ان شاء الله وعندي سيروم كريمي ينحط على اطراف الشعر فاشل جدا ريحته مب حلوه ويزيت بس بحطه يوم السدر على شعري على الاطراف عشان يرطب الشعر ويخلص واتخلص منه وحطيت فرشاه للشعر خشبيه عشان امشط الشعر عكس المنابت فليل وسويله مساج عشان يطول بسرعه مع اني فاقده الامل في الطول :(.

_عندي مسكره شارتنها للرموش على اساس تطول !!! وابصراحه ما استمريت عليها من قلب بجربها لين تخلص وبقولكم النتيجه هذا عيبنا نشتري وما نستخدم بانتظام !! .

_حطيت في السله كريم للعيون والويه فليل والنهار يغذن البشره .

_حطيت كريم فاااااااااشل جدا ركنته ماعرف شو اسوي فيه !!! على اساس للويه بس ما ناسبني بخليه مرطب للريول والادين افضل من اني ارميه في الزباله اكرمكم الله .

_حطيت مرطب للشفايف ابا اخلصه باي طريقه لاني ما حب ريحته ولا طعمه !! عندي مليون غيره وقد ما استخدمه ما يخلص سبحان الله ههههههه .

_وديوديرنت + كريم للسوليلات !!!!!!والسيلولايت ما يخوزه الا الريااااااضه الجاده القويه وكل هالاشيء مساعده
فقط فقط فقط من خلال تجربتي للكريمات بس بدال ما يكون مركون ودافعه فيه فليساتي اذا بيفيدني بنسبت 10 بالميه حلووو مع الرياضه اخلص الكميه المركونه واستفيد منها !!!!

وبالطريقه هذي انا خلصت ترتيب لاول اسبوع

لاحظتو حطيت الكريمات الفاشله والي ابا اتخلص منها !!!
_لانها ماخذه حييييييييييييز
_ حرام اعقها في الزباله كرمتو
_واكيد في منهن فايده لو 1 %
بالطريقه هذي نحن نرتب نتخلص من الاشيء الغير مرغوبه فيها نحلو ونضعف في نفس الوقت ما نصرف ونشتري شي يديد
ولازم نشغل نفسنا في الترتيب والتنظيم طول هالمرحله عشان ما نفكر في الاكل وتخيلو لو كل يوم نسوي شي بسيط بعد 4 اسابيع بتكون حياتنا اجمل واكثر تنظيمن .

كل وحده تسوي الخطوه الاولى واتي تكتبها عشان نشجع بعض لاااااااااااااااااااازم لاااااااااااااااازم لاااااااااااااااااااااازم
هذا القروب مختلف عن اي قروب ثاني هذا عشان تكونين انثى جميله رشيقه ناعمه مرتبه منظمه الخطوه هذي اجباريه على بنات القروووووووووووووووووب الذهببببببببببببببببي انتظررررررررررررررررررررررررررررركم