أبي أعذب نفسي وأحرمها من كل شي حلو لأني كرهت جسمي

اختى طموح ..مره تضايقت وانا اقرا موضوعك مو لها الدرجه تكرهين جسمك والله ناس كثيرة زايد وزنها واجسامها مو متناسقه بس احسن شي هو الاراده انك تسوين رياضه وريجيم وان شاء الله ربي يوصلك للي تبينه بفتره قليله ..ومنتظرين انك تبشرينا بنزول وزنك ورشاقه جسمك وتناسقه

الله يوفقج يارب
وتنزلين الوزن الزايد وتصيرين احلى واجمل عروسه بعيون زوجج يااارب

اختي بلي تقدرين تنزلين وزنج اللي نزلوا وزنهم ماهم بازيد منج بشي..

بسس توكلى عالله وادعيه انه يساعدج ويعاونج ويعطيج الاراده والصبر...

وابدئي رجيمج وسوي رياضه لانها مهمه بعد تنسق جسمج وما تخليه مترهل..

واكثري من شرب الماي عشان يعطيج نضارة ويغسل جسمج

ونصيحه لج يابعد عمري لا تكرهين نفسج ولا تحرمينها ..
بل عالكس اذا عجبج شي حمسي نفسج وطمعيها قولي اذا ضعفت راح اشتريه..
او اشتريه وخشيه بالكبت مكافاة لج اذا ضعفتي

بالعكس عطي نفسج دافع وحماس ...... لا تتخيلين ان الرجيم حرمان
لا هو طريق لشي رائع وحلو وهي الرشاقه
تخيلي نفسج برحله<<<< ومصيرها تنتهي وتوصلين

وعطي نفسج يوم راحه تاكلين فيه وجبه مفتوحه وخليها يوم تطلعين انتي وزوجج او مع اهلج
مثلا الخميس او الجمعه

ابد ابد لا تحسسين نفسج انج محرومه او تكرهين نفسج.....لانج ماراح تنجحين..

وبالنسبه للتمر يا عيوني خليهم 3-5 تمرات ولا تكثرين...لانه فيهم سعرات وماراح ينقص الوزن ولو 3 افضل

<< شوفي موضوع بالمنتدى اسمه المعسكر..
والثاني الطيارة...
والثالث المقر....

اقري تجاربهم وقصصهم ومحاولاتهم مع السمنه والاهل والاصدقاء..
وراح تستفيدين وااايد
وتعرفين انه فيه ناس تعاني مثلج ويمكن اكثرررررر<<< ونجحت وانتصرت

واخيرا اخليج يا قلبي وادعيلج ربي انه يوفقج ويصلح لج دينج ودنياج
ويفرج علينااااا وعليج..
آآآآآآمين

هلا اختي


تخفيف الاكل ا لدسم بالمرة الرز الخبز الحلويات والرياضة وتمارين البطن ماتأخذ عشر دقايق بالكثير ربع ساعة والله تجيب نتجية الارداة تحدي نفسج لاتكرهين نفسج بالعكس الارادة القوية والتشجيع من بنات حوات له مفعول

المشي وتمارين البطن والكتف وتخفيف مثل ماقلنا من البداية والله مع مرور الايام بشوفين النتيجة على فكره لاتفكرين في الميزان ابدا شوفي الملابس واهي توسع الميزان انا وحدة مااثق فيه ساعات يحبط البنت بالتوفيق وكلنا معاج

وعليـــــكم الســـــلام ورحمــــــة الله وبركـــــــاته

اختي طموح وزنك مو مرة كثير بالنسبه لطولك بس مشكلتك
طريقه توزيع جسمك زي ماذكرتيها انتي بموضوعك
يعني الوزن اغلبه في الكتوف والصدر وهذا اللي محسسك
انك سمينه ! لكن مو مشكله لكل مشكله بالدنيا حل لكن الحل
مستحيل يجي اذا انتي مابغيتي ولو قلتي مااقدر معناتك لاتريدين !

المهم صراحه ماعندي خلفيه كبيرة عن عدم تناسق الجسم لكن من قرائاتي
بالمنتدى وقرأت بعض التجارب وحلوها البنات بالعزيمه

ومنها
1- تمرين التصفيق للخلف يصغر الصدر
2- رجيم التمر والحليب ينحف اقل شئ نصف كيلو باليوم
3-شد البطن كل ماتذكرتي يعني شفط البطن للداخل

هذي اللي قريتها من المنتدى

وبالنسبه لنصائحي انا شخصيا لك
قبل البدء باي ريجيم عشان تتهيئين نفسيا

ابدي بهذه الأمور
1- غيري الحليب الى قليل الدسم ثم الى خالي الدسم
2- الخبز غيريه لأسمر
3- داااااائم ابدي اي وجبه بسلطة فيها خس كثير لأن الخس مليئ بالماء
يعيطك احساس رائع بالشبع وراح تحسي انك تتغدي قلييييييييييييييييييييل
غير انه افقر الخضروات بالسعرات الحراريه:)

بعد ماتمشي اسبوع على هالتغيرات البسيطة
ابدي بريجيم التمر والحليب
اسبوع فقط واذا التزمتي 100% تنزلي 7 كيلو

بعد كذا راح يحلو جسمك وتتحمسي وتصيري تنتبهي

هذا اللي عندي واهم شئ تكوني واثقة بنفسك

تحياتي

موجه زرقاء

الله يسعدك واسفة الي موضوعي ضيق صدرك لكن حبيت أنقل معاناتي
جزاك الله خير وبأذن الله راح أبدأ ريجيم وانقل لكم أخباري




شكرا لك أختي بريئة جدا




الله يجبر بخاطرك على هالدعوة الحلوة
امين وجيعا يارب



بإذن الله هالمرة ناوية أبدأ ريجيم جاد والهدف بين عيوني
وربي مايخيبي لي ظن يارب




ماينفع معي هالأسلوب جربت أشري واخش بس بالنهاية أعطيه أي أحد قل لا يحترق بالدولاب!!




والله لولا الحماس كان رحت فيها من زمان
الله يرحم الحال بس




أفضل أخلي اليوم المفتوح في المناسبات علشان الأحراج



التمر بإذن الله حبتين كفاية لأني لو قررت أترك التمر ماراح أقدر لازم مع قهوة المغرب




جزاكم الله خير أنتي وكل البنات اصحاب المواضيع وإن شاء الله أزور هالمواضيع



هلا بك أختي حلى البحرين هلا اختي


أنا معي ريجيم الي ذكرته بالموضوع وعلمتني أختي تمارين شد الصدر والبطن وكمان راح أشتري جهاز مشي كهربائي وربك يسهل


**لينا**

جزاك الله خير على رد السلام



كلامك صحيح بس اليأس قاتـــــــــــــــــــــــــــل!!




أنا عندي تمارين الخاصة راح أبدأ بها قريب





جزاك الله خير وبإذن الله هالمرة راح تكون ناجحة بمساعدتكم لي
بصراحة بعد رودكم دخلني الأمل


الله يهسل على المسلمين ويجنبهم السمنة يارب


تحياتي