هاي بنات

اليوم رحت لدكتور جراحه و قلت له توكلت على الله و بسوي تحزيم معده ... خذا وزني و طولي و قام يطقطق عالاله الحاسبه جان يرفع راسه و يخزني و يقول انزين لييييش؟
قلت له ليش شنو دكتور؟ .. قال ليش تحزيم قلت له بضعف
قال مايصير احنا نسويها للي معدل كتلة الجسم 40 و فوق .. و قعدت احاول و اساحل و مره اشد و مره ارخي .. ربكم واحد مو راضي :(

ضااق خلقي
و تحبطت .. كان عندي امل و مانمت البارحه و انا اتحلم بالرشاقه عقب التحزيم

طلعت منه و من القهر مريت الجمعيه و شريت لي بروكلي و سالاري و كوسا ( شوربه كوين مالت الريجيم الساحق الماحق ) :(

والله انا زايد وزني بشكل رهيييييييب وايد وايد متنت عن قبل لاني اكل حلويات على غير سنع ما اتغدا ولا اتعشا و بس مجابله هالكاكاوات و هالحلويات

بس اليوم انصدمت بوزني عدل عدل و قلت خلاص لازم انزل يعني لازم و باسرع طريقه .. و هم هونتها على نفسي شوي و قلت لان موعد الدوره وايد قريب يعني ممكن اشيل كيلوين او 3 علشانها .. بس هم وااااااايد الوزن و ما يترقع

خلاص و هذي كلة جاده وايد راح اتفطر شوربة السالاري و قبل الجيام توسته و جبنه علشان احرقها بالصلاة .. بمشي على هالخطه اسبوعين و ماراح اوزن
و بمشي كل يوم ساعه

و يا انا يالشحوم :(

مشكلتج يا كيكه انج ماعرفتي حق عمرج لي الحين


اتجربين بالرجيمات وتبين حل سريع وجذري بين يوم وليله
وتسوين رجيم وتملين وتهدينه بسرعه



تدرين شنو الحل روحي حق طبيب شاطر انتي مرتاحتله ينزلج علي الاكل اللي تحبينه بدون حرمان
مو قاعدا اقولج طالب او خضراو قاعده اسويلهم دعايه
ولا اقولج ربيع لانج حفظتي رجيماته وطريقته


روحي حق دكتوراو دكتوره حبوب ومتفهم وشرحيله مشكلتج بالتمام والكمال والتزمي عنده
وامشي علي طريقته عطي عمرج مجال يعني اسبوعين مثلا تلتزمين حرفيا بالرجيم بدون اي عذر حق نفسج ولاحتا تذواقه
وعقبها شوفي النتيجه


صدقيني عن تجرببه شخصيه وانتي عارفه سالفتي :) وتقريبا قصتي متقاربه وياج
اثنيناتنا سوينا شفط
ولا انتي غلبتيني بانج شفطتي بطنج
واثنيناتنا سوينا ريجمات وخربناهم لين قلنا للستار
ترا محد كثري جرب رجيمات من عره وبره
وكل انواع الرجيم
وكليت كل انواع الحبوب
وسويت كل انواع المساج وجربت كل انواع الالات وقليت فلوسي بكككككككككككل مكااااااااااااااااان
وبالنهايه ماكو غير رجيم اللي ضعفني الحمدالله ياربي والشكر الف مره وللاسف رديت متنت لظروف خاصه بس الحمدالله صج وزني ثمانينات حاليا بس احسن من قبل تسعينااااااااااااااااااااات ولا قبل سنه وزود كنت اميه وشي وقبل سنتين كنت اميه وعشررين والحين ثمانيات يعني اهم جم كيلو اقلهم وارتاح
حتا الحين شكلي الحمدالله زين لاني طويله وعريضه
وكل من يقولي شكلج اضعف من اول بوايد

حتا احسن مكافأه لي امس مريت رفيجتي بالدوام مو شايفتني من اسبوعين تقولي واي انتي شنو مسويه ماشالله احسج صرتي النص :) شجعتني خلتني امس ارد اكل سلطه فرحت وناطره العيد علي احر من الجمر
والحمدالله بديت ارضا علي نفسي وبدال لا احذف الميزان بالكبت طلعته وحطيته بالصاله الحين

الحل رجييييييييييييييييييييييييييييييييييييييييييم


وعمرج ماراح تنجحين برجيم غيرج ، سوي رجيمج باكلج عند دكتور يناسبج ونزلي علي راحتج
ولايسوا عليج النفسيه والتعب ترا توصلين مرحله تكرهين عمرج ! شيسوا علييييييييييييييييييييييييييييييج
كل هذا علي جم كيلو زايديييييييييييييييييييييين؟؟؟ الحمدالله علي الصحه والعافيه حطي لج شي قوي يحفزج

ولازم تواجهين نفسج بمشكلتج الاساسيه والسبب اللي يخليج تفشلين بالرجيم ، علي قوله الدكتور في شغله نفس الارضه اعزكم الله تنخر فينا وتخلينا ناكل وعلشان تقضينا عليها تتبيعي اثرها لين توصلين مصدرها الرئيسي انا رحت له واقوله اكل لمجرد الاكل مو يوع ولا شي بس ادور الاكل واكله ، قالي في سبب يخليج تاكلين يعني قاعده اتلهين نفسج بالاكل عن شنو؟ في شي مووو قادره تواجهينه اهو اللي خيلج تحطين حرج بالاكل ( طبعا ضغوطات الحياه والتعب) و لازم يكون في احد قريب منج يساعدج
انا خذيت رفجيتي معاي والتزمنا ثنتينا وانساعد بعض
لي طلعنا وشفت الكيك يفز قلبي وتخرخر سعابيل وقلبي يرقع تزفني وتيرني
وان خذيت كريمه باللاتيه فتنت عند الدكتور
قمت ماخربط :)
يعني لازم احد قريب منج يساعدج
وانشالله توصلين اللي تبين


والتحزيم مو حل ترا للي يحب الحلويات لا التحزيم ولا البالون وهالعمليات

مسا الخير..كوين والله انج ذهب..مشكورة على الرد العجيب والله يقويج..الكيكة صج التحزيم مو حل يا عزيزتي..و لا تنسين ماكو شي مستحيل :27:
التزمت على الفطور وانشالله اكمل باقي اليوم..ادعوا لي

مبروك q8i-grl على يومج الحلو عسى دوووووووووم :26:

الكيكه منو الدكتور الي رحتيله ؟؟ وجم طلع معدل الكتله عندج ؟؟

مشكوره كوين عالرد والتشجيع

كلامج كله عدل .. اللي يخليني ابلع و اكل لمجرد الاكل اهي القعده بالبيت و الحبسه والغلقه .. طول الوقت قاعده بروحي اليهال الصبح بالمدرسه و بالليل ينامون مبجر .. و ريلي عابد الدوانيه.. لا تقوليلي طلعي ... نوعي ما اقدر اخلي عيالي بروحهم و اروح و ما اقدر اسحبهم معاي لانهم ينامون 9 وراهم مدرسه ..حتى اذا ناموا ما اقدر اروح و اخليهم بروحهم بالبيت

اليوم الدكتور قال لي احسن حل تسوين الريجيم الكيميائي اللي قدرتي تنزلين عليه

قلت له مليت و ما اقدر اسوي ريجيمات مليت قال بحولج للتغذيه و جربي .
اليوم فطرت بروكلي و كوسا و سلاري مسلوقين ( الله يزيد النعمه ) ماكليت شي غير هالاكل و غصبت روحي و كليته كله بس شنو نفسيتي زفت و ضايق خلقي استغفر الله جنه عقاب جنه دوا :(

عقب الفطور و عقب صلاة العشا ماني قادره حتى ادرس عيالي و مالي حلق يطامرون على راسي .. صج كنت يوعانه بس اعصابي مو كلها يوع احس ضيقة خلق و حكره (يمكن بعد بسبب الدوره .. انا قبل موعدها باسبوع اصير مينونه اعصاب ) و هم ماكو اكل... ريلي قال لي امشي اوديج السوق مع اذان العشا .. طنقرت و قلت مابي هالحزه حتى المحلات مسكره و اعرفه مايحب السوق و روحته بسرعه بسرعه ومرات يقعد و ينطرني بالسياره .. اشهالروحه اقعد احسن لي ..
المهم متوتره و موتره جو البيت ..اخر شي حطيت لي صحن مشخول و روب و شربت عصير اناناس و احس جني نار و طفت .. قطيعه كل هذي حراره بطن .. والله انا ماكنت جذي :(
.كل يوم اختار لي ريجيم و اخربه بالليل.. حتى ناويه ابدي باجر الكيميائي بس مالي وي اقول لاني قمت ما اصدق عمري

فكرت اهد المنتدى احس صرت تافهه من كثر ما كل يوم اختار ريجيم .. ودي اغط عنكم و ما ارد الا و انا واصله للوزن اللي ابيه ..


بنت الكويت .. انا رحت لدكتور جراحه بالمستشفى العسكري .. اسمه احمد زياد و كتلة جسمي قال 33 :(
و كثر ماحنيت عليه و علشان يسكتني اخر شي قال لي اوكي سوي التحاليل يمكن نتيجتهم تقول ان التحزيم ما يصلح لج .. و قال اذا انتي مصره و انا ما انصحج ابهالشي ممكن اسويلج بالون بالمعده مدته 6 شهور و شرح لي طريقته .
ماقتنعت فيه خربوطه و مابي بالون و خذيت اوراق التحاليل و حذفتهم بالسياره و قمة الاحباط
:(

ترا انا سويت ريجيم اسبوع قبل رمضان نزلت 5 كيلوات و الحين رديتهم كلهم وفوقهم كيلو زياده

كوين ترا انا اوريدي وصلت مرحلة اني كرهت عمري و قاعده افكر ما اطلع بالعيد .. بس اللي رادني عيالي مابي احبسهم و اضيق خلقهم :( .. شاريتلي بدلتين للعيد و جنطه ديور و جوتي (عزكم الله ) فالنتينو من برا الكويت وماني مشتهيه البسهم لان الجسم خايس ولا ابي اطلع .. و بخشهم لحد ما اضعف و لو ما اني متزوجه جان حتى ريولي ويديني مالي خلق اشيلهم شيره :(