أم مريم ...يا مراحب يا مراحب....منورة يا عسل....سيبك من نوفى ديه و انضمى لحزب الدايت...لأن بالرغم من إن وزنك ده حلم للكثيرات...إلا إن فعلا فيه وزن زيادة...و على فكرة إن شاء الله هنفضل ورا نوفى لحد ما وزنها يبقى زيك يا قمر...و إن كان على كلام زوجوجك...فاسمعى من هنا و فوتى من هنا...أنا يا قلبى باسمع كلام من اللى قلبك يحبه و مش من زوجى بس لا ده من أخواتى و أنس كمان لأنهم من نوعية الناس اللى متعرفيش أصلا بيشيلوا أجهزة جسمهم فين من كتر النحافة ....بس و لا بيهمنا.....

نوفى....خلاص يا قلبى بلاها خوخ....و يا ريت فعلا تقفلى فمك ...مش بس علشان تخسى....و إنما علشان بتفطسينى على روحى من كتر الضحك....و بعدين بتجيبيلى الكلام لما جوزي بيصحى على صوتى و أنا باضحك....(بيحس إنه فى موريستان)....و يا ريت كمان متاخديناش فى دوكة و تتفضلى تقوليلنا الميزان بيقول كام دلوقتى علشان نبتدي نعد عليكى.....و أخيرا حاولى يا قلبى تاخدي حاجة مطهرة للمعدة..و تشربى ليمون لانى أعتقد إنه مطهر للمعدة...و كمان حاولى تاكلى تفاح لأنه بيوقف اإسهال.....شفاكى الله و عافاكى يا قلبى...

أم أنس...أنتى أول واحده هأعضها...أنا آخر مرة شفت توقيعك كان 104...قعدت أحلم و قلت زمانها كسرت ال 100 لتحت...اتفضلى فورا...قدامك مهلة أسبوعين و ألاقيكى تحت ال100 و إلا ....أحسنلك متعرفيش و إلا ديه بعدها غيه..لأنى لسه مش عارف....

قطوة نعسانة...ربنا يا حبيبتى يحققلك حلم عمرك و يرزقك الذرية الصالحة غنتى و كل أخواتنا....بس يا قلبى هأقولك اللى قلته لأختنا كنافة...طالما بتهيئى جسمك لحمل....يبقى يا قلبى لازم طعامك يحتوي على كل العناصر الغذائية...و بلاش الريجيمات اللى بتعتمد على نوع واحد لأنها بتحرق فى الجسم أكثر مما ينبغى...يعنى لازم يكون فيه خبز أسمر...و لازم يكون فيه بروتين حيوانى..و لازن يكون فيه منتجات ألبان...و خضار ....و سكريات طبيعية من الفواكة...أعانك الله و رزقك ما تتمنى

السلام عليكم

نيفو فطستيني من الضحك انا والله كنت بقول على نفسي ضلفة برده يعني انا وانتي لو وقفنا مع بعض نبقى دولاب ضلفتين ومستريح كمان >>> هههههه

والف سلامة عليكي من الاسهال
شافاكي الله وعافاكي
شوشو انا كنت 102 كمان نش 104 وفضلت كده فترة طويلة ولما لقيت نفسي رجعت 104 شلت التوقيع

ولما رحت للدكتورة من كم يوم وزنت هناك ولقيتني 110 قلت اكيد الميزانين مختلفين رجعت البيت وزنت لقيتني 110 مش عارفة الــ 8 كيلو دول زدتهم امتى

انا بقالي حوالي 3 اسابيع موزنتش ووالله كان وزني بين 104 و 105

يالا الله المستعان بس طالما رجعت ازيد يبقى سهل اني اخس لأني فضلت فترة طويييييلة عذاب بلا نتيجة

واوعدكم يابنات والله التزام ان شاء الله بس انا كمان هبدأ من السبت اكون رحت للدكتورة

ام مريم اهلا ياجميل ده احنا كلنا هنيجي هنا ورغم ان الفرق بيننا شااااااااااااااااسع الا انك تخسي افضل

قطوة نعسانة و كنافة بالبصل

اهلا بيكم معانا ان شاء الله رشاقة وحمل

ايه دة لسة محدش جة يفتح الدكان و يرش قدامه ؟
قوموا يلا بلاش كسل
تعالوا ادوني التمام

انا هنا يا نوفى ...بادي التمام..قوليلى عاملة إيه النهاردة...يا رب تكونى أحسن

where are u