وعليكم السلام ورحمة الله
الله يتقبل منا ومنكم صالح الاعمال
اختي ام فايز
الله يجزاك خير ويغفر لك ولوالديك والله يسخر لك زوجك
بصراحه اعجبتيني ما شاء الله عليك .. تبين لها الخير وراحمتها . الله يكثر من امثالك
لا تخلينها الله يعافيك وخصوصا انها على نياتها وهذي ما تعتبر لقافه
بالعكس طيب منك . وحبك للخير للاخرين
انصحيها بطريق غير مباشر
مثلا قولي لها فيه وحده تعرفينها ما شاء الله دايم ريحتها زينه
ومهتمه بمظهرها ومعتنيه بنفسها وانك غرتي منها
وبتحاولين تصيرين مثلها واحسن عشان تعجبين زوجك
يعني الكلام اللي بتقولينه لها .. وجهيه لنفسك من باب السواليف معها
وهي ان شاء الله بتنتبه .. وبكذا نصحتيها وفتحتي عيونها وفي نفس الوقت ما جرحتيها

قولي اميييييين يا ام فايز
الله يسعدك في الدارين والله يرحمك مثل ما رحمتيها . ويوفقك ويسخر لك زوجك . ويجعل ذريك قرة عين لك

صحيح كلام البنات وفيه عشرات الأساليب ممكن ينصلح حالها منها بدون المصارحة الي ممكن تكون جارحة بهالمواضيع حتى لو كانت من الأهل .

من رايي انك تألفين قصة من خيالك عن وحدة مهملة تزوج عليها زوجها وان الرجال اذا شاف ان زوجته مهملة تزيغ عيونه ويدور على غيرها ...

اكثري معاها من السوالف اللي تتعلق بالكشخات والجمال والسوق والرشاااااااقة

قوليلها ما شاء الله عليك كنتي قبل قمة الانااااااقة وبعد ولادتك اهملتي نفسك حسسيها انها انقلبت ا180 درجة عن الاول وقوليلها لولا حرصي عليك ما كلمتك عن هذا الموضوع

السلام عليكم ورحمة الله وبركاته،،
ام فائز هذي مو لقافة ولا شيء
بالعكس "لا يؤمن أحدكم حتى يحب لأخيه كما يحب لنفسه" فيما معنى الحديث..
إنتي ما فكرتي بهذا الشيء إلا علشانك تحبيها وتحبي مصلحتها
وأكيد لو جبتي لها الأسلوب الزين ،واكيد تعرفين لها وتعرفين وش يصلح معها من الحكي
وهي إن شاء الله راح تقدر هذا الشيء منك ،وبالعكس راح تفرح..
الله يكون بالعون..