مدحي لها في العطور والروائح وقولي ماأدري كيف الناس تقعد بلا عطر تقدري تقعدي بلا عطر؟؟

وزي كذا جيبها لها من جهات حتى ماتنحرج :)


بس غريبة يعني إلا العطر ماأقدر استغني عنه:)

أنا أشوف يعتمد على شخصيتها وعلى علاقتكم مع بعض وبما أنج ترددتي تقولين لها معناتها انه علاقتكم ما تسمح انج تنصحينها مثل هالنصيحة ..... وأنتي معاج حق لأنه مثل هالنصيحة تحرج وتجرح أكثر من ما تفيد

في بنات وايد يقولون شفيها انج تقولين لها دامج تبين مصلحتها \ محد هني عنده شك في انج تبين مصلحتها
هذي مش النقطة اللي مرتكز عليها الموضوع!! عشان نبرر بأنج تبين مصلحتها أو لا ..... هذا شي مفرووغ منه

المسألة كيف تتوصلين لمصلحتها من غير ما تأذينها!!!!

وأقولج شغله مسألة الرسالة متى تنفع؟؟؟ إذا كان الموضوع يسبب لج أنتي احراج إذا قلتيه!!!

لكن في حال انه ممكن يسبب لها هي إحراج فأشوف موضوع الرسالة يحرج أكثر من أنج تكلمينها مباشرة!!

بصراحه أحسن حل قريته للحين الأخت اللي قالت(من رايي انك تألفين قصة من خيالك عن وحدة مهملة تزوج عليها زوجها وان الرجال اذا شاف ان زوجته مهملة تزيغ عيونه ويدور على غيرها )

وما بزيد على كلامها ولكن لاتقولين لها تزوج عليها لأنه بتحس انه بعيد عن ملامسة واقعها هي لأنه مافي حرمة تتخيل انه زوجها يتزوج عليها عشان هي تمر بمرحلة مثل المرحله اللي هي تمر فيها سلفتج اللحين

يعني بعطيج مثال لو انه مب منطقي بس يالله .. مثلاً أنا دايم آكل أضافري وجت بنت خالتي ولا أختي ولا أياً كانت وكلمتني عن الاهتمام بالأضافر راح احسه موضوع شوي بعيد عني لكن لو قالتلي في وحدة دايم تاكل أضافرها وزوجها قرفان منها هني الموضوع بيضرب في الصميم عندي!! (أدري مثال بايخ بس هذا اللي طلع بأيدي)

وصدقيني لو قعدتي تلمحين لها كل مره بتحس وبتكونين ما استفدتي شي لكن نصيحتي أقعدي معاها وتكلمي عن مواضيع الاهتمام بالجسم أو حتى ابديها بكريمات تبييض أو تنعيم لين تجر السالفه بعضها وتوصلين لموضوعها بعدين وكأنك أنتي تذكرتي الموضوع بسبب سياق الحديث وقولي مثلاً يا الله اذكر وحدة قالتلي انه اخوها يشتكي من زوجته يقول لسه والده وريحتها دايم مب طيبه .. وربي موضوع محرج وحاولي ما تركزين كثير على الموضوع وكل ما قلتيه بشكل مباشر ما راح تتوقع انج تقصدينها لأنها راح تستبعد انج تقولينها بهالأسلوب المباشر بس أهم شي خلي الموضوع يطلع بمناسبه لأنه إذا جا بدون مناسبه راح تحرجينها حرام ويمكن هي فعلاً مب منتبهه لنفسها ..

أعذريني على الإطالة أختي

:26: :26:

البنات ماقصروا :26:

الله يجزاك خير ياأم فايز على حبك للخير لسلفتك وهذا شي حلو ...
أما اذا تبين رايي فما أفضل أبدا انك تكلمينها مباشره لأنها ماراح تنساها أبد ويمكن يكووون فيه احراج لها عشان كذا من رايي انك تسولفيلها عن الحريم الي يهتمون بأنفسهم وقولي انك تعرفين وحده ماشاءالله تهتم مره في نفسها حتى بعد ماولدت سوت ريجيم ورجعت جسمها مثل أول وان زوجها معجب فيها عشان اهتمامها بنفسها ...
سولفيلها بعد عن الرجال وقولي انهم مش من النوع الي يبين يعني مش ضروري ان الرجال الي ما يعاتب زوجته على اهمالها انه راضي يمكن متضايق بس ما يتكلم ولا يبين ..

والله ما قصروا البنات
وانا من رأيي انك تعلميها انها تدخل بمنتدى عالم حواء
والله اني تعلمت الكثير من هذا المنتدى الرائع
فيه كثير من الشغلات اللي تخفى على الوحدة مننا
صرت اعمل خلطات من العطور
او طريقة المكياج
او عمل الاطباق الشهيه او او او ...........الخ
ارجع واقول خليها تتعلم للأنترنت اذا ما تعلمت
وبتشوفين كيف تتغير 180درجة
وسلامي للجميع