هلا اختي كيفك وكيفها بنتك ان شاء الله هلاء منيحه صحتها
عندي بنتي عمرها عشر سنين ما في شيء بيعجبها غير المكرونه
والبيض المسلوء والبطاطا كثير بتحبها
اخوانها التانين اعمارعم 9 ...... و7
مو متلها اي شيء بيوكلو اي شيء ما بتفرء معهم
اما الكبيره كثير عئدتني
الله يهديهم
بس اكل المطاعم بتحبو كثير وخصوصا الاكل الصيني بتموت فيه بس لما انا اعملو ما بتحبو
ما بعرف شو السر هههههه يمكن اكلي مو عاجبها

مشكوره اختي الكريمه
وطمنيني على بنتك كيفها هلاء
اختك رانيا ام يونس

السلام عليكم يا جماعة ....

موضوعك يا أوركيديا مهم جدا جدا ويضرب على الوتر الحساس كل يوم مئة مرة .......

يعني من وقت ما نفيق الصبح لوقت نوم الاولاد ونحنا عم نفكر بهالموضوع .....

لذلك لك الشكر الجزيل اختي العزيزة .....

وإن شاءا لله نجد في هذا الموضوع الحل الذي نرجوه والفائدة التي نريدها بإذن الله بمجهودك الواضح في قسمنا وبمشاركة الاخوات لتجاربهن وخبراتهن ......

أخبركن أنا عن هذا الموضوع من ناحيتي ....

أعاني منه بشكل كبير جدا

أولادي لا يأكلون إلا أصنافا محددة ...يعني ابني الكبير ياكل 3أو 4 طبخات فقط ......وكما قلتن يريدنه بشكل يومي


اولاد الأصغر يعني أخف لبكة منه بس كمان لو ما بلحقهم بالاكل من مكان لمكان وبوعدهم وبتوعدهم ومدري ايش لحتى يمشي الحال ......

لكن مشكلتي الكبرى هي ان احد اطفالي الله يحميهم لا يحب الخضر أبدا أبدا

يعتمد بشكل كلي على النواشف

تخيلوا مرة طلب سندويشة فلافل ...ونحنا منحطلها كتير خضر خس وبندورة ومخلل وخيار وبقدونس ولبن بطيحنة وكذا ..........

هو طلب فقط خس .......

يعني الخس فقط .ولا ياكله إلا نادرا

يعني بعمري ما بذكره أكل شي قطعة بندورة أو غيرها .....

الشوربات بانواعها ما بحبها ....زبحب شوربة الشعيرية بس اللي فيها صلصة بندورة وشعيرية فقط .....

الأكل البحري لا يذوقه أبدا ........

التشيكن نوغت يعني قطع دجاج مقلية مع بطاطس وبيتزا هذه اكلته المفضلة


مع انه بصغره كان في اكلات يدوقها هلأ أبدا ......

تخيلوا تخيلوا البيض كل كم شهر لحتى اقدر طعميه بيضة ......!!!!!!!!

الله يحميه

بذكر لما كان صغير كان اعمله فطاير بالبيض وحط معهم شوية جبنة
وهو الاصل فطاير بجبنة والمفروض يكون فيها بيض شوي

فأنا كتر البيض لحتى ياخد فائدته

يعني من يوم يومه مجنني بالاكل الله يحميه ويصلحه

شو الحل برأيكن ؟؟؟؟؟؟؟

مرحبا بنات كيفكم؟
أهلين أخت شام
ابنك يا شام بيشبه ابني الصغير في موضوع عداؤه للخضار بس صدقيني شوي شوي بيتعود بس انت بدك تطولي بالك
احكيلكم مثلا شو صار معي امبارح:
اشتريت حبة اناناس منظرها بيشهي وخليت الرجال بالمحل يقشرها بالماكينه قدام الولاد بلكي بيشتهوها (الكبير ما في مشكلة بيحبها)قام الصغير قالي ماما بدي منها! قلتله اوكي بس نرجع عالبيت بنقطعها وبتدوقها ولما رجعنا داقها عجبته واكل 3 حلقات!
مع اني قبل هيك كنت اعمل بهلوان مشان بس يجرب وما في فايدة
فانت طولي بالك وهم الاطفال مرات بحسهم متلنا ما احنا كمان مش كل شي بنحبه فليش بنتوقع انهم لازم ياكلو كل شي
ودمتم سالمين

مشكوره عزيزتي علىالموضوع الذي اعاني منه كثيرا
انامتعبني ابني عمره 5 سنوات ماياكل الخضار ابدا والبيض كان ياكله ساندوتش مع تشيز هالحين رافضه يفضل المعكرونه مع الصلصه واحيانا الارز والبيتزا من اكلاته المفضله احيانا ياكل سمك 000 الفواكه ما يحبها ابد اذا اكل وبعد الاجبار تفاحه صغيره

هل ينفع ان اجبره على الاكل ؟

اهلا يا om mena
مشكورة على الروابط
و بانتظار تجاربك ان شاء الله


ااهلا يا rania2003
الحمد لله ماشي الحال

رانية اذا بنتك 10 سنين و عم تعاني منها لكن انا ايمتى بدي بطّل عاني من بنتي مع الاكل
و بعدين ما لازم بنتك ما تاكل خضار او فواكه
بيض مسلوق كتير منيح و المعكرونة بدال الخبز طيب و باقي الاكل

شو رأيك عندي اقتراح قولي لها شي يوم تعي نطبخ انا و اياك و اعملي اكلة سهلة اول شي بعدين مرة تانية اكلة وسط و هيك بتصير تتعود على الاكل طبخاً و اكلاً و لحتى تكبر شوي بتعوديها عالاكلات الصعبة
ممكن حتى تسأليها شو بنطبخ اليوم حابة اعمل انا و ياك اكل

لكن اهم شي يكون غير معكرونة و بيض مسلوق
و ان شاء الله تضبط معك
و الله يهدي ولادنا جميعا و يخلي لنا ياهن


اهلين شام
الله يخليك
مش بيقولوا هذا بعض ما عندكم
و لا شكر على واجب المهم نوصل لنتيجة بإذن الله

الله يخلي لك ياهم وربنا ييسر معك على حسب تجربة نوغا مع الصبيان الله يحرسهم
لان يبدو لي من تجربة رانية انه تجربتي مع بنتي شوي طويلة اذا كانوا البنات منأنفين

اذا ابنك ما بحب الخضار ممكن تعملي له البيتزا الفصول الاربعة لكن تطحني الخضار و تصير هي الصوص و ان شاء الله رح حطها مع الوصفات بالتفصيل
لان بنتي مثلا من وقت للتاني بتطلب بيتزا و انا بفضل الفصول الاربعة على العادية لانها مفيدة اكتر
شو بدك تعمل بتسحب كل الخضرة و بتاكل الخبزة بالجبن و الباقي من الصوص فالبارحة عملت لها ياها مطحونة قالت كتير طيبة و هاي احتلت عليها

الشوربات عندها 2 او تلاتة بتاكلها على مضض و واحدة مفضلة
البيض المقلي بزيت الزيتون و الا ما بتقبله مرة غلطت و حطيت زيت نباتي رفضت تاكل
اللبن مهم عندها اما الحليب فيمكن بالشهرين بتشرب ليتر بس

ان شاء الله تضبط معنا و كل واحدة مننا تنزل الوصفات اللي بيكلوها و لادها و هيك بركي بنجرب و بنشوف و نحنا ناطرين تجاربك ان شاء الله


اهلا ياnoga2005
قولي انا مع الفواكه ما عندي مشكلة الحمد لله بتاكلها و اليوم
اللي بتاكل فيه فواكه ما عندي مشكلة اذا رفضت الخضار
متل ما قلت هي بدها طولة بال و الله يعيننا

(ملاحظة صغيرة اذا ما فيها كلفة بس وصفة مناقيش الحر الفلسطينية لاني نسيانتها تماما )
على فكرة بنتي ما بتاكل مناقيش بكل انواعها

اهلا يا Deemi
الله يخلي لك ياه
شو قصتهم هالولاد معكرونة و رز و بيتزا مش بس ولادك
وين ما كان بشوف هيك و هاي تجارب الاخوات(بدون الرز)

نصيحة ما تجبريه انا قلت للطبيب انها ما بتاكل قال لي و انت اكيد بدك تطعميها بالسيف(غصب عنها)
قلت له اكيد نصحني ما جب لها سيرة الاكل لغاية ما هي تجي تطلب و طبعا لما تجوع بدها اللي بتحبه
مش شي انا بدي ياه
ان شاء الله بتفرج و كل ام بتوصل للحل المريح مع ولادها و الها

و بانتظار مزيدكن ان شاء الله