الف شكر يا اوركيديا على هالموضوع وخاصة انو بنتي صغيرة و ببداية اكلها ورغم هيك عم تعذبني بالاكل ....
انتظر تجاربكم .....

اهلا دوناتة
الله يقويك
كله عندي ما بينفع اما نظام الاكل فما خصو بالروتين لان كل يوم عندي الغدا شي و العشا شي يعني
العائلة كلها ما بتحس بالروتين

و الخضار لو كان احلى شي ما في نفع اللي ما بدها ما بدها ياه بتقول حلوين بس انا ما بحبهن و بتذوق و بتقرر ما بدها

المعجنات ما بتحبها كتير بتحب الخبز كتير خاصة انه فرنسا مشهورة بالخبز و ما اكتر انواعه
اما الكاتوه فبالرغم من انها بتحبه كتير بتاكل قطعة و لبعد فترة لتلرجع تاكل
بتعمل معي الكاتوه و بترق العجينة بالشوبك على قد ما بسمح لها طبعا

اما بخصوص التلفلفزيون فنحنا عم نحاربه و كل الخبراء بينصحوا بإطفائه وقت الاكل
سواء للصغار و للكبار سواء على صعيد عربي ام غربي فهاي بتسمحي لنا فيها ما رح نطبقها

باختصار بنتي ملولة حتى من الاشياء الجديدة
و بانتظار المزيد من تجاربك ان شاء الله


يا هلا بالساجده لله وحده
لا شكر على واجب
ان شاء الله بتشوفيها ست الصبايا
بتعرفي انه بنتي هي و عمرها اشهر كانت تاكل اكل من البيت هلق ما بتذوقه
باعتبار اني ما كان عندي حليب فعلى اربع اشهر هي فطمت حالها
فكنت طعميها من اكل البيت كل شي يخنة و رز و شوربات و كبة و كوسا محشي
كل شي على الخمس شهور و ما عم بالغ طلعت الفرق على وعيها

ملاحظة
في اخت بالمنتدى طلبت مرة نصيحة شو بدها تطعمي بنتها و هي عمرها خمسة او سبع شهور
قلت لها شو كنت طعمي بنتي ردت عليي حسيتها عم تصرخ بوجهي"ااي بس انا بنتي عمرها خمس شهور مش خمس سنين"
وينها هلق
و على كل الله يجعلك من الساجدات له دائما و يا ريت تقولي لنا شو بتعملي لها او بشو عم تعذبك
و نحنا بانتظارك ان شاء الله

اختي الغالية ,,, بالنسبة للتلفزيون الخبراء ماينصحوا بالاكل اثناء متابعتة ,,ذلك لانة يسبب السمنة
وانا معك لان الواحد ياكل من دون احساس
لكن انا ما اقولك اعطيهم بوب كورن وهم بيتفرجوا على الكرتون والا بطاطس مقلي او شبس
هذي مضرة لهم
لكن بامكانك تحورين النقطة هذي لصالحهم بانك تقدمين لهم صحن فواكة مفيد وصحي وهذا اللي انا ذكرتة سابقا ,,,,
تفاح او كمثرى او غيرة من الفواكة ,,, اللي كل ام تحرص ان اطفالها ياكلوها

:)
دوناتة

المهم موضوعك حلو وانا كمانة عم عاني منو لانو عندي 3 صغار وال2 الكبار لحد هلا انا عمااكلهم

مشكلة واذا صار وتركتهم ياكلوا لحالهم يعني اعطيهم 3 ساعات وهاتلك ياحجج

وال3 صغير اقل من سنة 1 يعني معتمد علي اعتماد كلي

باختصار ان ساعة الغذا ال 12h اااايعني كابوس وحرب ضروس بيني وبينهم


ربنا يحفظهم


شكرا للطرح تنفسنا شوية وحكينا

اهلا دو ليون و بعتذر كتير لان على اسا س حضرت لك رد يبدو انه طار و ما انتبهت
على كل حال مشكورة لانك حطيت مداخلة مرة تانية و فعلا اتفاجأت انه ردي عليك مش طالع

لو شفتيني اكيد رح تغيري رأيك
يعني في شي مشترك اذا بتركها تاكل وحدها الوجبة بدها ساعة و نص او ساعتين
من 12 ل 1 و 30 او ل 2 يعني كوشماغ عن جد و قبل ما ينصحني الطبيب اتركها على راحتها كانت غير هلق مش سلام لكن مش حرب

الله بعين و يخلي لك الولاد و يسر قلبك فيهن
و على كل حال يا ريت تقولي لنا بشو عم يعذبوك او شو عم يا كلو
و لا شكر على واجب
و مرة تانية ارجو انك تقبلي اعتذاري