التفاحه
مثل ما ذكرت لك من قبل اني ما كنت مستمره طبعا على الريجيم 5 سنوات متواصله ، يعني على فترات متقطعه ، وأكثر وزن نزلته على هالريجيم + رياضه يوميه كان 15 كيلو في تقريبا 4 أو 5 شهور

بس ده كان زمااااان

آخر مره نجح معاي الريجيم نقصت 4 كيلو في شهر تقريبا أو شهر ونص
وهكذا... أزيد وأنقص....

هاذي بعض الوصفات اللي كنت كاتبتهم في الملف القديم....... نقلتها لكم هنا للاستفاده

سلطة الجبن والمرتديلا:
السلطه العاديه (خيار + طماط + خس) و أضيف لها شرائح جبن سلايس (أقصصهم طوال) وشرائح مرتديلا و زيتون - وخل وزيت زيتون

وكل مره تفنني في السلطه، تقدرين تضيفين ملفوف وماشروم وفجل (على فكره، الفجل يساعد في حرق الأكل بسرعه وحتى الفلفل)


التونه بالسماق والكريمه الحامضه:
اقلي بصل أخضر وأضيفي له تونه وحطي فوقهم سماق
ولما تشيلينه من النار أضيفي له ملعقه أو 2 كريمه حامضه
أكليه مع شرائح الخيار

هالطبخه انا ماخذتها من المنتدى اهني (للأسف ما أذكر اسم راعية الوصفه لأني حافظتها عندي من زمان) عموما، هي الطبخه عباره عن فليفله محشيه وانا غيرت فيها شوي لأنها تحتوي على عيش وصلصة طماطم

ما راح أذكر مقادير معينه لأن كل وحده وحسب حاجتها

فليفله محشيه

المقادير:
حبات فلفل رومي أخضر (حسب الحاجه - أعتقد وحده أو ثنتين بتكون كفايه اذا بس لك بروحك)
لحم مفروم
بصل أخضر مقطع قطع صغيرة او مبشور
فطر طازج وهو افضل في الطعم من المعلب بس ممكن تحطين معلب
ملعقة ملح
نصف ملعقة ثوم بودرة
طماطمايه (او 2 بس مو اكثر لأن الصغيره فيها 4.2 جرام كربوهيدرات) مهروسه في الخلاطه مع شوي ثوم أو فلفل أو شوي ليمون (حطوا أي شي تحبونه - المهم ان الطماط الطازج بيكون بديل لصلصة الطماطم)
جبن مازوريلا

الطريقه:
يقطع الفلفل من فوق (يعني نشيل الراس وننزع البذور)
نضع اللحم والبصل على النار مع التقليب
نقطع الماشروم وبعدين نضيفه على اللحم ونبقيه لخمس دقائق
لا تخلين اللحم لين ينشف من الماي راح نحتاجه شوي طري - بس شخليه من الماء
نضيف للحم الملح والثوم البودر
نضع الفلفل في قدر به ماء حار ويترك ليغلي لمدة 5 دقائق لاتزيدين عليه
الحين نضيف الصوص على اللحم (ممكن تخلينه يطبخ ان حبيتي مع ان الخطوة مو ضرورية)
ونعبي حبات الفلفل بالخليط
نصف الفلفل في صينية الفرن و نغطيه بورق الالومنيوم
يترك في الفرن لمدة 30 الى 45 دقيقة
قبل اخراجه بقليل يرش الوجه بالجبن
و خليه شوي لين يذوب الجبن و بعد كده هني و عافيه

هلالالالالالالالا..

اناكنت ايمة ..افطرت قهوة.. سادة بس..وماء..وبعدالصلاة سويت طبخةةةةةةةةةلذيييييييييييييييذة بنات ودي تسوونهاوالله حلوة..وهي..قطعت بصل وثوم وحطيتهم بتيفال وحمستهم مع بهارات..بعدين جبت صور دجاج مقطعة صغارموب مررة لامثل الشاورماوخليته بالتيفال يتحمروقصرت عليه..بعدين لمانضج حطيته بزبديه وحطيت معاه ثلاث ملاعق جبن كيري سائل..وخلطتهامع بعض واضفت فوقه خس مقطع طواااااااااااااااااااال..ورربي..حلوووة..ولاتنسون الملح ..عاد اناماحب الزيت..احب اشوي بدونه..وطلع حلو وخفيف,,

وش رايكم شيف..ههههههههههههه..عادقولو ح ولاغلط..

لابعداروح النادي ترى االصبح واسوي تماري..تهقون انزل..يارب ياكريم متحمسة..

بنات ترى المرتديلا فيه بقسمااااااط..شلون يصيرمسموووح؟