هبوش_64

مشكوووووووووووورة من زمان وانا ابي اعرف

بالمرة مو حابة اَكل بس وزني مش متحرك
اليوم اكلت حبة جبن كيري وفي الليل أكلت قطعتين ريش مع نسكافية وفي اَخر الليل 4حبات ماكاديميا
طبعاً مع شرب الماء

هلا ماي وهبوش ودلبي وباقي البنات

انا اليوم لي الثامن ماشاءالله اكلت اليوم حبيتين برجر مع صحن سلطه كبير وسفن

اب دايت وحده عا الغدا والعشاء اتعشيت بيضتين مقليات مع جبن تشيدر

وخيارتين بسسسسسسس للان

وثبات الوزن بهالرجيم وارد بعدة مراحل بس لاتيأسون يرجع ينزل بااذن الله بعدفتره

بشكل سريع

يالله لاتقطعون خلنتواصل ونعرف كم جالسين ننزل ووش ناكل شدووو الهمه

السلام عليكم اختي مزاجيه ... صدقتي حبيبتي ...بكل كلامك
بس مثلا انا عن نفسي اقول الصدق يعني اذا خبصت اقول ...ولا اكذب عليكم واقول
اني ملتزمه 100% بهذا الرجيم ...لان تمر بالانسان لحظات يضعف فيها
خاصه الامهات الي عندهم عيال ... لابد يمر يوم وتاكلين شوي من صحن ولدك
ولا ابنتك شي ... فعشان كذا اكون صادقه معاكم ومع نفسي واقول الحقيقه :)

بالنسبه لي بكره بكمل اسبوعين من بدأت بالرجيم ....صحيح مب ملتزمه فيه 100 %
بس مب معناته اني خبصت ...تخبيصي بمقدار بسيط جدا جدا ...مثلا امس بس اكلت
ملعقه ايسكريم صغيره مع بنتي ...مع اني لاحظت ان قابليتي للاكل قلت وايد وايد
ولا عاد اشتهي الاكل نفس اول وخاصه الحلويات والخبز ...

امس سويت معمول تمر لان زوجي يحبه ...والغريب اني ابدا ما اشتهيته ابدا ابدا ابدا
مع ان ريحته تجننننن ..وشكله احلى بس ولامديت يدي عليه ...ومستغربه من نفسي
ماشاء الله ... اللهم لك الحمد ... وصار لي والله يومين ما اكل شي على الفطور
لاني مب مشتهيه شي والله اني اكل على الساعه 3 او 4 العصر

بس القهر وزني ....ثابت ... يعني وزنت اليوم طلع لي 80.3 والله مت قهر
احد مر بهذا الشي ...وجسمي ماتغيرت مقاساته ...
مرات الوزن ماينزل بس المقاسات تتغير ....بس انا لا :( اخاف يجيني احباط
ساعدووووني بليز

هلا وغلا (باستا) ولايهمك ياقمر وارد الضعف والتخبيص على خفيف

وكثر الله خيرك جمعتينا على هالرجيم الفعال

وانا لاحظت باستا انو وزنك مثلي بالضبط انا وزني الان ياغلا 81

والنزول طبيعي يقل معك لانو لخبطتي مشكلة هذا الرجيم يتوقف الحرق

بعد كل لخبطة 3 ايام لانه شبيهه بالكيميائي جدا جدا اللخبطة تأثر عليه

وعلى الحرق لان فيه دهون الرجيم لوانه بروتين بس ولخبطتي بسيطه

او لو انه سعرات ولخبطتي برضو بسيطه بس فعلا هذا عيب الرجيم ياباستا

اللخبطه توقف النزول فتره

والله يعلم قد ايش انا ودي بحلى وودي بخبزززز

بس لازم نمسك نفسنا ونشد على حالنا الشكوى لله وانا ياباستا جدا نزولي

بطيء خاصه مؤخرا لذا نطول بالنا ونشد الهمه ونشوف هالاجسام ماشاءالله

الي تهبل ونتشجع الهدف يستحق المغامره والضغط

لجسم جميل وثقه بالنفس ولبس حلو وصحه وعافيه وخفه بكل شيء

بالعبادات في قضاء الواجبات والاشغال وكل شيء

انا وانتي اوزانا متقاربه جدا باستا فتابعي معنا وشدي الهمه وبطلي تخبيص

التخبيص في اتكنز كانك يابو زيد ماغزيت والله عن تجربه دقيق جدا الرجيم

وكل مهبطت الهمه تعالي نشجع بعض ايه وبقولك شغله ترى كسر الثمانين

صعب شوي بس مجرد نكسر ال80 بسرعه ان شاءالله ينزل الباقي

باستا حبيبتي
انا راح اقولك ليش وزنك ما نزل ؟
لانك ما تاكلي بروتينات كفاية هذا الرجيم كل ما اكلتي بروتينات زيادة كل ما نزل وزنك يعني ما يصير ما تاكلي شي لحد العصر حتى لو نفسك منسدة لازم تاكلي ولا كيف جسمك راح يحرق
شوفي انا جربت هذا الرجيم من سنة واكلت بروتينات بشكل ما تتخيلي حتى زوجي :arb: كان معصب علي ويقول وش ذا الرجيم الي كانك وحش وانتي تاكلي :eek:
بس والله اني شفت الفرق من ثاني يوم والناس انصدمت من وزني نزل بشكل ما تتخيلي انا بروحي صعقت
الحين صارلي اسبوع بادية الرجيم ونزل وزني بس كيلو تخيلي والسبب اني ما اكل كثير بروتينات لاني انا عايشة الحين بامريكا مو كل شي متوفر يعني زمان ما كنت اتعب حالي اطلب من اي مطعم مشاوي ودجاج محمر واروح على بوفية واكل بروتينات بس هذا العز مو موجود ببلاد الغربة يعني انا اطبخ بروحي والمطاعم العربية والحلال مو متوفر بكثرة وغير كذا نار غالية غلا فاحش يعني قبل يومين طلبت صحن شوارمة تخيلي بكم ب45 ريال تصوري والله حرام عليهم ولا كان لذيذ ولا شي والله اني تحسفت اني طلبته شوية دجاج والباقي سلطة وبصل:09:
بس يالله مشي الحال
نصيحتي للبنات كلو وايد بروتين وراح اتشوفون النتيجة عن تجربة
بس اهم شي الماء الماء الماء عشان صحتكم
وغير كذا انا ما طبقت الرجيم بحذافيرة كنت لما اشوف نفسي تعبانه اشرب ربع كوب عصير او اكل تمرة او شريحة توست اسمر لازم اكسر الرجيم شوي عشان صحتي اهم من الرجيم وما دققت كثير يعني كنت اشرب النسكافية العادي مع السكر العادي بس ما اكل حلويات

في الويك اند زوجي ودانا مطعم نتعشي وطبعا ما ناكل غير السي فود عشان لحمهم ودجاجهم حرام عاد يبنات طيحت في الاكل طيحة اكلت خظراوات وحبار وسمك وربيان وكل شي لونة اخضر
حتى زوجي الله يحفظة قالي شوي شوي علىنفسك الاكل مو طاير :hahaha:
بس ما رحت صوب الحلويات ابدا ولا حطيت في بوزي شي ممنوع وشبعت لحد ما ثقل راسي ومن المطعم على طول على الفراش :22: دايخة من كثر الاكل
شدو حيلكم عشان نوصل للرشاقة كلنا
وتحياتي