ياحبيلك ياوليده الله يسعدك دنيا وآخرة ويرزقك بالذرية الصالحة المصلحة ويقر عينك بها :icon28:
وينحفك بصحة وسلامة.

اتصدقين على كثر مالفيت اسأل عن دقيق الصويا مافكرت ادور في GNC
شكرا جزاك الله خير.

بنات انا لي اسبوعين امسويه رجيم دوتشي == الكيتوني == ونقصت 5 كيلو بس
ومليت صراحه ودخلت بالمرحله الثانيه بس مادري وش ممكن اكله
يعني اكل فواكه او اشرب لبن او حليب حتى وجهي مره شاحب كاني مريضه
معي اني اكل حبوب فيتامين وتجيني دوخه بسيطه وامشي نصف ساعه

طامح
هلا حبيبتي تصدقين أني عمري مادخلت المرحلة الثانية على طول وأنا بالمرحلة الأولي
كل فترة لما أشتهي أكله أخبص وأكلها وبعدها أرجع للمرحلة الأولى تاني
وبالنسبة لدقيق الصويا الأخت وليده الله يجزاها خير ماقصرت
وممكن كمان تلاقيها في المحلات الي تبيع الأغذية الطبيعية

وليده
حبيبتي الفركتوز ممنوع لأن الدكتور محذر من سكر الفركتوز (سكر الفواكه) وأيضا أتكنز في كتابه قال كل شي فيه فركتوز أبتعدوا عنه
وكمان أنتي بتقولي أنع عالي الفركتوز ويحتوي على شراب الذرة وطبعا الذرة ممنوعة بكل أشكالها
يعني أحسلك تسوي المايونيز بالبيت أضمن وماحاياخد منك وقت
وبالنسبة للحلا ما أعتقد أنه هو السبب لأن دكتور حسين دشتي كاتب 2ملعقة قشدة = 1 كاربز
وعلى فكرة هو محدد قشدة قيمر فأحسن تستعملوها
بس التحليل غريبة أنه بيطلع لك فيه رقم أنا الي أعرفه بيكون على حسب اللون يعني كل مايكون غامق معناه أنك ماشيه تمام وكل مايكون اللون فاتح معناه أنك بتخبصي بالأكل
وبالنسبة لحبوب اللقاح هادي والله ما أدري عنها بس أنا أفضل ما أستعمل شي ماقريته بكتاب أتكنز أو دشتي
فأحسلك تبتعدي عنه وخليك على الفيتامينات العاديه الي بتحتوي على مجموعة الفيتامينات الي بتنقص الجسم مع أي ريجيم
والمفروض لما نيجي نشتري الفيتامينات من الصيدليه نسأل الصيدلي عن أحسن نوع يستعمل مع الريجيم وما يكون بيتخن لأن في فيتامينات بتخن وبتفتح الشهية فانتبهوا يابنات

بالنسبة لأخباري أنا الأسبوع الي فات مانزل وزني علشان كده أنا سايبه الريجيم من أمس بس مش مخبصه أنا ماشيه غلى عصير كسر ثبات الوزن وهو مدته يومين فقط يعني المفروض ان شاء الله بكره أرجع لدشتي
حاشوف الأول أيش را يسوي معايا وبعدين أقولكم عليه علشان الي وزنها واقف تسويه
بالنسبة لوزني أنا والحمد لله وصلت للوزن الي محتاجاه بس أنا حابه أنزل أكتر لأني للأسف لما باسافر في الأجازة باخبص الدنيا وبارجع زايده فلما يزيد الشويه الي نقصتهم زيادة يكون أحسن

نعم للنجاح
أهلا بيكي معانا ومبروك عليكي الـ7 كيلو

ريم القصيم1
حبيبتي الـ5 كيلو حلوين ليش زعلانه
أصلا الدكتور قال أن أول أسبوعين المفروض تنزلي من 2 كيلو ال 6 كيلو
وأنتي نازله ماشاء الله 5 كيلو يعني ممتازه
وبعدين المرحلة الثانية المفروض ماتدخلي فيها الا لما يكون فاضلك على الوزن المثالي 3 أو 4 كيلو فقط
ولو حابه تدخلي بالمرحلة الثانية شوفي عداد الكاربوهيدرات تلاقيه بالصفحة الأولي بالموضوع
وشوفي نسبة الكاربوهيدرات بالفاكهة او الحليب والي تحبي تزوديه زوديه بشرط أنك ما تتعدي 5 كاربز بالأسبوع
بمعنى لو أنتي ماشيه بالمرحلة الأولى على 20 كاربز زودي 5 كاربز علشان يصيرو 25 كاربز وأستمري لمدة أسبوع كامل وبعدين زودي 5 كاربز تانيين وبرضه أستمري لمدة أسبوع وهكذا
بس لو حسيتي أن وزنك وقف أو زاد أرجعي للمرحلة الأولي
لأن هدا مهناه أن جسمك ماتقبل الزيادة بالكاربوهيدرات لأن كل جسم يختلف عن الأخر
في ناس بيستمر وزنها بالنزول بالمرحلة الثانية عادي وفي نا بيوقف وزنها وفي ناس بيزيد وزنها
يعني أنتي جربي وشوفي أيش حايصير معاكي وبعدها تقرري أيش راح تسوي
أسفه طولت عليكي بس حبيت أشرح لك شرح وافي
وأتمنى أني أكون أفدتك

وليده الله يسعدك كملي جميلك وقولي لي كيف اسوي خبز الصويا تكفين:)
بعدين المايونيز انا عمري ماسويته في البيت مع اني الحمدلله حققت الهدف من نظامي الغذائي.
يعني المهم النتيجة اتحققت:)

اشتري اي نوع بس مااكثر منه ملعقة وحدة ماتزيد.
هبوووش ماشالله عليك وصلتي لوزنك اللي تبينه ماشالله تبارك الله .
حتى انا اتصدقين انا الحين باقيلي 2 كيلو احتياطا ابغى انقصها .
بخصوص المرحلة الثانية انا حاليا فيها واحيانا احس اني لخبطت ارجع لمرحلة الحث كم يوم لين اشوف الكيتون بعدين اروح المرحلة الثانية.
اهم شي اني اكون مسيطرة على الوضع ويوميا اقيس الكيتون ويوميا اوزن.
طريقتي حاليا من تصميمي :) ومرتاحه عليها الى الان.
بس اتمنى اتمنى لو التزم بها تماما لاني الان الخبط كل فترة.
الان يوميا اشرب على الريق كاس نصف لتر موية دافية وخل.
وبعدين قهوة وتمر احيانا ثلاث تمرات واحيانا اكثر الا كم الكربوهيدرات في التمرة مالقيتها ابد اتمنى اللي تعرف تعلمني.
وبعدين عند الظهر اكل خبز وجبن واحيانا احط عليها كرفس واحيانا مرتديلا :)
قطعة خبز صغيرة و خفيفة مكتوب عليها لمرضى السكر والحمية وبعد ماعلمتني وليده عن الصويا ان شالله اببحث عنه واسويه.
وبعدين اتغدا دجاج وسلطة او لحم وخضار .
وبعدين احيانا العصر اكل جبن كيري وسكر سبليندا وكوفي بدون كافيين.
واحيانا كاس شاهي وبني بتر :) اكله بالملعقة .
وبسسس
اذا قال المغرب الله واكبر خلاص ماعاد اكل شي .
واذا اضطريت اتعشا يكون قطع لحم .
اشرب لترين موية في اليوم .
وابستمر على كذا كمان اسبوع واشوف نقصت ولا لا.
اختي ريم القصيم استمري على مرحلة الحث لاتستعجلين الى ان تقربين من الوزن اللي تبينه.