ملتزمه اكلي خفيف و٣ او ٤ ايام مابتعشى اخر وجبه الظهر
بس وزني ثبت لاني ماسويت رياضه

هلا غاليتي

بالعكس انا طالبه و اشتغل و يومي جدا مزحوم لكن اشكالي الوحيد الفاست فوود لان اغلب الي معاي بالشغل يشترون من بره و انا أحيانا أكون جوعانه مباشرة اسوي اوردر من المطعم القريب بمكان العمل.. من أكون بالبيت اكلي جدا قليل و بالعكس ما افكر فيه .. مصيبتي تبدء مجرد ما اركب سيارتي.. اول شي اسوية اروح اشتري قهوه من الستار بوكس و بعدها القهوه تتحول لقطعة حلى و ساندوتش..

اليوم قررت اسجل بنادي رياضي و امارس فقط الفترة الصباحية قبل ذهابي للعمل او الدراسة والله الموفق

بنات وين الوزن ؟؟؟

وزني سابقا ٧٨
وزن البدايه في لقروب ٧٢.٥
بعد الاسبوع الاول ٧١.٥
الاسبوع الثاني ٧٢.٥
الاسبوع الثالث ٧١.٦
الاسبوع الرابع ٦٩.٩
الاسبوع الخامس ٦٩.٣ الحالي
مقدار النزول ٦٠٠ جرام 😍

ليش لقروب نايم
بنات صحصحوا
وتذكروا اهدافكم
تبون تسيطرون على نفسكم وتتحكمون في الشهيه المفتوحه
ابتعدوا عن السكريات والخبز الابيض والصمول
خذوا لكم في الفطور ٢ توست بر بالألياف او نص خبز بر او شوفان ٤ ملاعق و وبرتقاله وبروتين مثل بيض او جبن او بقول


لسناك خلوه مكسرات نيه او تمر ماتزيد عن ٧ اذا صغير اذا كبير نكتفي ب٣ او فاكهه او سلطة فواكه مقدار كاس


الغذاء
خذوا رز مسلوق ٧ ملاعق او بطاطس مسلوق مع اي نوع بروتين لحم او دجاج او روبيان سووه بأي طريقه تحبونها بملعقة زيت زيتون وسلطه وخضار


العشاء
حاولوا تقطعوا النشويات كلو بروتين لحم او دجاج او روبيان او سمك واذا مره مره ماتستغنوا عن النشويات ربع خبزه بر بس ااو ٤ ملاعق رز مسلوق بدون زيت او بطاطس صغيره مسلوقه
خذوا قبل النوم زبادي فيتال او اكتيفيا


هالله هالله في الماي ينظف الجسم صح ويساعد ع الحرق ويكبح الشهيه
كل ساعه او ساعتين شربوا كاس ماي
في برامج للتذكير بشرب الماي منبه للجوال
الرياضه مهمه يابنات
حتى لو ربع ساعه لو تزودوها افضل بس اللي وقتها ضيق وتمل من الرياضه ربع ساعه بس
فتحو ع اليوتيوب وكتبوا تمارين ١٥ دقيقه


اذا خاطري اتعشى من برى
مو كل يوم طبعا مره او مرتين بالكثير آخذ سندويشة اوصال وما آكلها بالخبز كامله ٣/٤الخبز اشيله والبطاطس بعد اشيله
انسوا اليوم المفتوح لان صعب تسيطرين على نفسك فيه وتزيد الكيالو اللي خسرتيها
اذا مره تبون وجبه بس في الاسبوع مره او كل ١٠ ايام
الوجبه بعد ماتكون الكميه مفتوحه ع الآخر اي سندويشة تحبيها او بيتزا مو تكثروا وقطعة حلى مو صينيه عشان لايزيد الوزن اللي خسرناه




ارجع واعيد عشان تتحكموا في الشهيه قطعوا السكريات والمخبوزات البيضاء وركزو ع الماي
ركزوا ع النشويات اللي فيها الياف ومانكثر نشويات
الزيت ناخذ ملعقة زيت زيتون نستهلكها في الطبخ
نخلي منتجاتنا قليلة الدسم
نبتعد عن العصيرات والغازيات


اول مره اتفلسف واكتب كذا
ابيكم ترجعون بهمه ونشاط وتحققون اهدافكم وانا معاكم