الحمد لله ثم الحمد لله تعالو شوفو وين وصلت

الحمد لله ثم الحمد لله...تعالو شوفو وين وصلت




السلام عليكم ورحمه الله وبركاته...
اخباركم يابنات حواء ان شالله بخير
انا ولا اول مره بحياتي اكتب في منتدى الان اكتب لكم تجربتي مع نزول وزني ولله الحمد...
في فتره الحمل زاد وزني كالعاده ولدت بالسلامه وخلصت نفاس وبعد شهر من بعد نفاسي بديت رجيم كان ملخبط واحيان مقدر اضبط نفسي واخربها الين جاء اليوم اللي قلت خلاص لازم ابدا مو سالفه اقعد يومين رجيم وعشره لا المهم قررت ادخل نادي رياضي  والحمد لله قدرت اقنع زوجي مع انه رافض رفض تمامآ اني ادخل نادي وانحف يقول كذا حلوه تكوني مربربه....
المهم دخلت النادي 11/26هـ
بديت والحمد لله بدايه صحيه قويه المدربه كانت فوق الممتازه اعطتني برنامج رجيم الفصائل بدا وزني ينزل وكان لي يوم مفتوح بالشهر،،،،
الشهر الاول كنت مضبوطه الشهر الثاني بديت اكسل لاكن تشجيع المدربه كان قوي الله يجزاه خير وين ماراحت المهم الشهر الاول نزلت 5كيلووو الشهر الثاني نزلت 5كيلو الشهر الثالث نزلت 4كيلو الحمد لله جسمي اتغير مرررره بان علي النحف من الشهر الثاني جسمي انشد مره بطني انمسح ولله الحمد الان وصل وزني الى 69 باقي لي 5كيلو واوصل للمثالي الان تركت النادي لاني تعبت منه وصرت امشي كل يوم ساعه ومن امس بديت رجيم دشتي عشان انزل 5كيلوو وارتاح...
ادعولي ان انزل بكل سهوله هالخمسه كيلوو...
هذي تجربتي بنزول وزني ولله الحمد علما بان وزني كان 84 والان 69 ...
كنت اشرب ماء كثيررر 
وشريت عصير اناناس كي دي دي  روعه هالعصير
ياربي لك الحمد كما ينبغي لجلال وجهك وعظيم سلطانك.....