مين قال انه في شغلات سخيفة!!! ما لقيت اشي سخيف-احنا اللي جربنا حاسين ببعض
عندي كتير اسباب مشتكة معك
وبتضايق كتير من ٧٢-٧٣-٨٤-٨٥
دوعندي غيرهم بس لسة ما كتبتهم
اما اللي هلأ اجا ببالي الخواتم -كتير خواتم هالايام حلوة وعالموضة وبتنكد لما بروح اشتري وبيقلي مافي حجم كبير-مع انه زمان كانت اصابعي كتيييير رفيعة هلا صارت زي النقانق محشية حشي
والاشي التاني الاحذية-انا اصلا نمرة جلي كبيرة بس كنت ألاقي النمرة اللي بدي اياها زمان
هلأ زادت نمرتين مع زيادة الوزن فصرت بصعوبة ألاقي اشي يعجبني والنمرة اللي بدي اياها-واذا لقيت بيكون شكلها مو حلو
في اشي انا بالنسبة إلي بحبه كتير -الوتر اللي بإخر الساق من الخلف-بحب يكون واضح ومرسوم مو مطموس بالدهن اللي حواليه
واحنا بعيلتنا في ضغط وسكري فلازم ادير بالي
وعشان بناتي ما يحكولي انت يا ماما حتى لو ناصحة بس حلوة-بيجاملوني يا حرام
حبيت القائمة اللي كتبتيها وبإذن الله رح إبلش بقائمتي اليوم
وفي كمان شغلة حابة أضيفها اذا سمحتي
ويمكن غيري بيعاني منها كمان
السيلوليت والدوالي
ما طلعوا الا بعد ما زاد وزني
وحابة انحف ويروحوا
لانه منظرهم بيخرب كتير
ويمكن غيري بيعاني منها كمان
السيلوليت والدوالي
ما طلعوا الا بعد ما زاد وزني
وحابة انحف ويروحوا
لانه منظرهم بيخرب كتير
ماشا\ء الله لاقوة الا بالله ...عقلك كبير وواعي وخبرتك تسوى كل ماقراته في حياتي عن الدايت وطرق التنحيف ..يا اختي كلامك حرك جواتي اشيا\ء كثيرة تعرفي انو اليوم فقت على صدمة وزني صرت 90 كيلوا ولاحول ولاقوة الا بالله
مو فاهمة ليش انا تاركة نفسي تتصرف بعشوائية ..
صحيح عندي فوضوية في حياتي بحكم طبيعتي من صغري لكن الان امراة في 30 وجميلة وجذابة ...ومكدسة شحوم ..تسعين كيلوا احملهم معي مثل الي راح السوبرماركت امامه عربات تسوق ومصر يحمل بيده الاغراض ويعاني فيهم مع انه بامكانه يتخلص من الحمل ويحطهم في العربية ...
شئ ثاني مخليني اشعر بالاحباط غير العشوائية ..مسؤوليتي نحو ابنتي الي اتولدت وهي سمينة ومع عدم متابعتها زاد وزنها وصار لها كرش كبيرة مشوهة منظرها وهي طفلة ..ومو قادرة اتحكم في اكلها تاكل خبز كثير وتاكل الحلويات بكميات مهولة ..فزاد ضميري تعذيب على تعذيب ..والمي لبنتي اكثر من المي لنفسي ..
عندي برنامج ف حياتي اريد تحقيقه ولاني ساسال عن كل ما تحملت مسؤوليته امام الله عزوجل فلابد ان احرص على تحسين وضعي ووضع ابنتي الصحي ..كلامك يا اختي اشعل امام عيني بصيص من امل ..الرحلة ستكون مدى الحياة ..بنتي لابد من توعيتها هي 8 سنوات فقط كيف ذلك؟؟
مو فاهمة ليش انا تاركة نفسي تتصرف بعشوائية ..
صحيح عندي فوضوية في حياتي بحكم طبيعتي من صغري لكن الان امراة في 30 وجميلة وجذابة ...ومكدسة شحوم ..تسعين كيلوا احملهم معي مثل الي راح السوبرماركت امامه عربات تسوق ومصر يحمل بيده الاغراض ويعاني فيهم مع انه بامكانه يتخلص من الحمل ويحطهم في العربية ...
شئ ثاني مخليني اشعر بالاحباط غير العشوائية ..مسؤوليتي نحو ابنتي الي اتولدت وهي سمينة ومع عدم متابعتها زاد وزنها وصار لها كرش كبيرة مشوهة منظرها وهي طفلة ..ومو قادرة اتحكم في اكلها تاكل خبز كثير وتاكل الحلويات بكميات مهولة ..فزاد ضميري تعذيب على تعذيب ..والمي لبنتي اكثر من المي لنفسي ..
عندي برنامج ف حياتي اريد تحقيقه ولاني ساسال عن كل ما تحملت مسؤوليته امام الله عزوجل فلابد ان احرص على تحسين وضعي ووضع ابنتي الصحي ..كلامك يا اختي اشعل امام عيني بصيص من امل ..الرحلة ستكون مدى الحياة ..بنتي لابد من توعيتها هي 8 سنوات فقط كيف ذلك؟؟
الصفحة الأخيرة
هاد هو السؤال المهم..بناء على اجابة هالسؤال فيكي عزيزتي حواء تحددي لو رح تنجحي وتستمري او رح توقفي وتستسلمي!!
بناء على اجابة هالسؤال رح تلاقي الحافز لتكملي مشوارك الطويل المليء بالعقبات والي بينجحوا فيه كتير قلال.
لوحافزك سهرة او عرس او عزيمة مجرد ما يخلصوا بترجع ريما لعادتها القديمة او على رأي المثل وكانك يابو زيد ما غزيت وبنرجع ناكل اكتر من الاول مشان نعوض ساعات الحرمان القليلة.
اما لو حافزك عمر بحاله وحياة بحالها رح تلاقي الشي الي يشجعك بكل دقيقة وبكل خطوة بحياتك!!
لا تفكروا انه اجابة هالسؤال سهلة!! ابدا مش سهلة, ولا تخلوها اجابة سطحية مثل: بدي انحف لاعيش حياة افضل واعرف استمتع والبس واكون بصحة سليمة!!
اوكي هادي اهداف حلوة لكن حاولوا تتعمقوا بحالكم وبحياتكم اكتر, خلوا معكم دائما قلم وورقة او على الموبايل وكل ما صادفك بتفاصيل حياتك اليومية شغلة دايقتك واعاقك وزنك الزائد لتأديتها بشكل كامل اكتبيها..
بعد اكمن يوم رح تلاقي عندك مجموعة من الاسباب, اطبعيهم وخليهم بوجهك ليل نهار ولا يهمك كلام حدا, لما توصلي لهدفك المثالي رح كل الناس تصير تقول فلانة عملت هيك وسوت هيك ونجحت مهما تمسخروا على الي عملتيه من قبل.
هالشي انا عملته وقعدت افكر اسبوع كامل باسبابي الي لازم اخسر وزن مشانها وكنت مفكرة رح الاقي على الاكثر 10 اسباب بالنهاية لقيت 97 سبب يخلوني انحف واخسر وزني.
رح اشاركم باسبابي ورح تشوفوا انها شخصية وخاصة فيني, في ناس رح يشوفوا بعضها سخيف لكن انا بعرف انه انسانة ابعد ما اكون عن السخافة, وبعرف انه محصلة هالارقام بتشكل حياة وبعرف انه هالارقام رح توصلني لبر الامان فمشان هيك انا عندي الثقة التامة اورجي هالقائمة لاي انسان كان طالما عندي النية اغير كل هالاسباب واخليها ذكريات مش عوائق موجودة بحياتي.
لاكون بصحة جيدة وبلياقة عالية
لحتى ما تعطيني الناس عمر اكبر من عمري
لابطل اسمع جملة: خسارة هالوجه بهيك جسم!!!
مشان ارتاح وقت اقعد على اي كرسي باي مطعم او مكان عام
لحتى اروح على الملاهي والعب بكل الالعاب>>تزكروا نحنا ما بنبطل نلعب لانه كبرنا, نحنا بنكبر لانه بطلنا نلعب
لامارس كل النشاطات الي نفسي فيها بدون ما اخاف من وزني
لاروح على البحر والعب بالماء
لحتى اتعلم ركوب الخيل وركوب الدراجة
لحتى اعمل كارتينغ
لما اهكل هم كل مرة بفكر فيها انه اطلع برا البيت
لحتى اطلع من عزلتي واصير اشارك بالجمعات واللمات والمناسبات العائلية وغير العائلية
لانه بحب السفر كتير وبدي اسافر واستمتع
لحتى ارتاح بكرسي الطيارة
لحتى يسكر حزام كرسي الطيارة علي بدون ما اشفط بطني لجوا او افتح الحزام على الاخر
لحتى اقدر اروح على اي محل للملابس واختار الي بيعجبني بدون ما اهكل هم المقاسات
لحتى اتحرر من اللون الاسود الي كابس على نفسي من 10 سنين
لحتى البس الوان زاهية وبناتية
لحتى البس ملابس تبين انه انا بنت مش ملابس ستات كبار بكل مكان وبكل مناسبة مهما كانت رسمية او غير رسمية
لحتى البس فساتين وتنانير
لحتى البس بناطيل جينز>> اخر مرة لبست جينز كانت من 12 سنة او اكتر
لحتى البس كعب عالي ويكون شكله حلو باجري
لحتى ابطل اتعب كتير بالكعب العالي من اول خطوة
لحتى اصير اطلع الدرج بدون ما اعاني
لحتى اصير امشي بنفس السرعة الي بيمشي فيها الناس الطبيعين بالمول او باي مكان وبدون ما الهث واعرق!!!
لحتى اصير اقدر اركض
لاشارك بماراثون للركض او المشي
لحتى اكون دائما حيوية وعندي طاقة لعمل اي شي
لاقدر اقعد باي سيارة مهما كان حجمها بكل راحة وسهولة, طبعا بحكي عن السيارات الصغيرة تبع الالعاب بالمولات
لاقدر اقوم واقعد بكل راحة وبدون تعب
لاقدر اقعد على الارض واقوم من على الارض بسرعة وخفة
لاقدر اقص اضافر رجلي بكل راحة وبدون ملاهثة
لاصير احب المرايا
لاشتري مراية طويلة لغرفتي
لاحب شكلي بالمراية بدل ما اكره منظري
لاتخلص من شعوري بانه كل الناس بتتطلع علي وانا بمكان عام
لابطل اشعر بالحرج وقت ادخل اي مطعم واكل وانا بمكان عام
لحتى ابطل اشعر بالحرج من حجمي وشكلي وانا بمكان عام او بين الناس باي مكان
لحتى ابطل اكذب بوزني في حال حدا حب يسال عن وزني
لحتى احكي قياس بنطلوني بصوت عالي وقت اكون جوا المحل ويسالني البياع عن القياس
لابطل اشعر بانه انسان غريب واشعر انه انا شخص طبيعي
لاعيش الحياة بكل لحظة وما اشعر انه انا عايشة بس لانه بعدني ما متت
لاقدر البس ملابس من زمن ما لبستهم متل: اكمام قصيرة , شورت, بيجامات بناتية, وهيك قصص
لاتخلص من شعور الاحباط الي ملازمني بكل شي بحياتي وبيرجع بشكل او باخر سببه الى السمنة
الزواج قسمة ونصيب لكن في حال تجوزت بدي البس فستان عروسة واكون عروسة متل ما بحلم حالي اكون وما يكون شكلي متل الي لابسة كيس كبير لونه ابيض
لاقدر اقعد واحط رجل على رجل
لاكون مرنة جسديا اكتر واتحرك اي حركة بدون ما اأذي نفسي
لما اشعر بالتوتر وقت اكون بجمعة كل البنات فيها نحيفين واكسامهم حلوة ويبلش الحديث عن الدايت والرياضة واهتمامهم بنفسهم
لانام براحة اكبر
لاقدر اتحرك بسريري بكل راحة وبدون ما يطلع صوت السرير كل ما فكرت بالحركة
لما اشعر بالالم كل ما فقت من النوم وفكرت اقوم من السرير لانه مفاصلي وعظامي متصلبة من الحمل التقيل الي حاملته
لما يصيبني انتفاخ باقدامي وكواحلي وقت اوقف لفترة طويلة
لاجرب شعور النحافة والخفة واللياقة من جديد
لاحس انه انا انثى بدل ما احس اني كيس دهون متحرك
لاشعر انه انسانة جميلة
لادخل اي بوابة مهما كان صغرها بكل راحة
لاطلع بالباص وامشي براحة بدون ما امشي على جنب لانه الممر ما بيوسعني
لارتاح وقت اقعد على كرسي طبيب الاسنان
لاجرب شعور القفزر على الترامبولين
لما اشعر بالحرج وقت اروح عند اي طبيب ويكون في كشف
لما اشعر بالحرج وقت اتوزن قدام الطبيب
لما اتهرب من معارفي واغير طريقي بس لانه انا وزني زاد كتير عن اخر مرة شافوني فيها
لاتجنب السؤال التالي: " ليش عاملة بحالك هيك؟"
لاتجنب اسمع التعليق التالي الموجه لوالدتي: " ليش هيك تاركيتها"
لاتجنب اسمع تعليق والدتي المستمر: " اعملي عملية تدبيس وانحفي!!!".
ليرجع ضغط الدم عندي طبيعي, باخر فترة قسته كان 130 على 90
لترجع نسبة السكر على الريق عندي طبيعية, قبل ما ابدا دايت كانت نسبته دائما 100.
لما اكون دائما الاخت الانصح بالعيلة, والبنت الانصح بين بنات الخالات والعمات.
لما اكون اسمن وحدة برفيقاتي
لاتخلص من سماع صوت احتكاك البنطلون وقت امشي!!
لتحصلي الفرصة انه امسك كل ملابسي وانا سمينة واحرقهم او اقصقصهم او ارميهم.
لابطل القلق بس اشتري اي شي جديد ازا كان طويل لحتى يغطي خصري وبطني واوراكي!!!
لابطل اقلق وقت اكون بجمعة وبدي اقوم واصير افكر كيف بدي انزل البلوزة وقت اقوم.
لاتخلص من فكرة بتراودني وقت ازور اي حد واقعد على كرسي بلاستيك: يا ترى رح يتحملني او لا؟؟
لما اشعر بالخجل في حال رحت على جيم وقررت التزم بلعب رياضة فيه.
لاصير اتصور واخد صور الي بكل مناسبة
لما اهرب من الصور بحجة انه ما بحب التصوير>>كذابة!!!
لابطل اصور وجهي بكل مناسبة بكون رايحة عليها واصير اتصور صورة كاملة
لحتى يصير الكل يحكم علي بناء على مين انا, مش بناء على قديش وزني
لاشوف عضلاتي وشكلي الحقيقي مش كتل متكدسة من الشحوم فوق بعضها
لاقدر اتحسس عظامي
لما اشعر باني ادنى من اي حدا بس لانه انا وزني زائد>>>ما حدا ينكر انه براوده هالشعور من وقت لاخر.
في فصل الشتا بتمر ايام بتكون دافية وباخر الشتا ببطل في داعي للبس معطف وجاكيت طويل وبناء عليه : لما البس جاكيت ومعطف واتخبى فيهم بالايام الي ما بتكون بحاجة للبس المعطف!!
لاتخلص من عادة مط البلايز او الملابس قبل لبسهم لحتى يصيروا اوسع ويبطلوا ماسكين في.
لاتحرك بالراحة في المحلات الضيقة وما اخاف اخبط باي شي واوقعه.
لاتخلص من عادة مسك مخدة او حرام صغير وقت السهرة لاغطي فيهم جسمي>> على اساس انهم بغطوا!!!
لاتحرر من الضغط الجسدي الي بتسببه السمنة
لاتحرر من الضغط النفسي الي بتسببه السمنة
لاتوقف عن كره جسمي وكره كل الي سببته لجسمي
لاتخلص من شعور الاكتئاب الي بلازمني احيانا بسبب وزني
لاتخلص من عقدة الذنب الي بتصيبني وقت استمتع بالاكل
لاقدر استمتع بالاكل وبخيارات صحية
لاركب على مرجووحة واتمرجح عليها متل وقت كنت صغيرة واعلي حالي لاكتر حد بقدر عليه>> فيني اركب هلا بس ما رح انبسط لانه رح اضل خايفة انها تنكسر
لاطلع الشخص الي متخبي تحت الشحوم المتكدسة من سنين
لاعطي للناس صورة صحيحة عني مش عن الشخص الي لابسني
لالاقي وظيفة محترمة تلائم مؤهلاتي, لانه مع السمنة هالشي مستحيل
لابطل اقنع حالي بفكرة انا راضية بجسمي وعاجبني ومتصالحة مع نفسي
ولاخلص كمان من فكرة انه انسان قبل ما اكون شخص سمين ولازم الكل يعاملني كانسان.
متل ما شايفين بعضها امور بتواجهنا بالحياة اليومية وبعضها افكار وخواطر بتراودنا بين فترة وفترة, المهم انا سجلتهم كلهم وبين فترة وفترة بقرأهم وبتحمس ...
جربوا هالطريقة وصدقوني رح تنصدموا متل ما انا انصدمت ...