فعلا لازم اتخربين النظام يومين او 3 عشان يرجع وزنج ينزل مرة ثانية

جزاك الله خير اختي reme طيب مارديتي علي بخصوص البصل والثوم وايش رايك فيهم ؟؟؟

انا جربت الرجيم ونزلني 4 كيلوات في أقل من اسبوع والحين انا صلرلي مدة امخربته وما رد وزني اللي نزلته ، واللي حابة انا عندي وصفات للغداء شهية واتشبع.

والفطور هم عندي اشوية فناتك وراح اعطيكم وجبة الفطور والغدا والعشا للي حابة اتجرب .

الفطور : 3 بيضات+جبن قلاص+طماط+زيتون
حطي المقلة علي النار والأفضل انها اتكون تيفال وصبي اشوية زيت فوقها وبعدين كسري البيض في طبق واخفقية وحطي معاه الطمام ويكون مقطع قطع صغيرة والزيتون وبعدين صبيه في المقلة وخلية لما يستوي ويصير مثل القرص ولما يستوي اتحطين في طرف قرص البيض جبن القلاص واتلفين القرص علي الجبن واتخلينة علي النار اشوية وبعدين اتحطينة في طبق وتاكلينه بالهنا والعافية .

الغداء :1 صدر دجاج خالي من الجلد والعظم +1 مرتديلا + 1 جبن سلايس + ربع مكعب ماجي + ربع كوب ماء دافي
تاخذين صدر الدياية وتظربينة لما يصير عندج طبقة رقيقة من الدجاج وبعدين اتحطين فوقها قطعة المرتديلا وبعدين اتحطين فوق المرتديلا قطعة الجبن وتلفين قطعة الدجاج علي المرتديلا والجبن واتسوينها مثل الرول بعدين اتثبتينها في عود أسنان واتحطينها في صينية الفرن واتصبين فوقها ربع مكعب ماجي امذوبته في ربع كوب ماء واتحطينها في الفرن بعد ما اتغطين الصينية واتخلينها لما ينظج الدجاج وبعدين اتكشفين الصينية اشوي لما يتحمر عندج الدياي واتقدمينة مع السلطة وبالعافية .

العشاء :سلطة قيصر

الوصفات دي تحفة فعلا شكلها شهي و جميل

انا عندي مشكلة دلوقتي دا اليوم الخامس و منزلتش غير نص كيلو تقريبا و كمان عندي امساك. اعمل ايه باه يا تري اوقف و ادور علي نظام تاني ولا ايه؟؟

الأمساك من اسبابه قلة شرب الماء فحاولي انك تشربين 8 أكواب في اليوم ، وحاولي اتخلين السلطة هي الطبق الرئيسي وبعدين بلشي في الأطباق الثانية .