هلا بحبايبي....وغالياتي......طبعا تعرفون ان الأهل السمان يولدون عيال سمان....وأنا عيالي ( بنت 9 سنوات وولد 8 سنوات)الله يحفظهم بانت عليهم السمنة وخصوصا بنتي وصراحة كنت أشوفها وأتألم لكن ما كنت أعرف شنو ممكن أسوي لها
خصوصا أني عودتهم على الأكل الدسم وأسمحلهم بالشبس والكاكاو مثل ما يبون ....لأنة الفكرة اللي عندي أنهم ياهال وبيحرقونة....لكن بدت السمنة عليهم وفات الفوت ...شاسوي أحترت....شلون أرجع أحرمهم من شي أنا للأسف عودته عليهم....وطبعا رفضهم للفواكه و الخضار....ماسااااااااااااة......
توكلت على الله وقلت لو يكرهوني يوم ولا يكرهوني طول عمرهم لأنهم سمان...ومثل ما تعرفون الصحة النفسية والجسدية بالجسم المعتدل لا نحيف ولا سمين....وأخاف يتعوقون....والله لأنة السمنة أعاقة من كل شي حلو في هالدنيا......
شسويت؟؟؟؟؟أول شي بحثت في النت عن مشاكل السمنة في الطفولة ووسائل التغلب عليها وهي دراسات أجنبية......وكلمت بعض الثقات من معارفي....وكونت خطة أولية
أمشي عليها وأشوف نتايجها.......وخطتي مع عيالي أهي...:
1 - يفطرون زي ما يحبون....أمثلة ( كورنفلكس أو بيض أشكال،أو بان كيك،أو فرنش توست،أو سندويش محشي بالي يختارونة) كمية معقولة مشبعة + عصير من غير سكر مثل البرتقال أو الأناناس، هذا في العطلة أما أيام المدارس فيكتفون بالكورن فلكس + حليب قليل الدسم
2 - المدرسة ما أعطيهم مصروف( كنت أعطيهم غير اللنش بوكس) وأحط في اللنش بوكس( شنطة الأكل) سندويشة مغذية مثل( اللبنة والجبنة والمرتاديللا و الزعتر والبينت بتر والمربى) أحاول أنوع وأحرص اني أضيف نوع من الخضرة في الساندويش ...مثلا = جبنة بيضاء + زيت زيتون+زعتر + خيار مقطع
تابع 2- وأحط لهم عصير معلب من غير سكر من شركة تكون معروفة ويكون طبيعي مو شراب= مثل الأناناس البرتقال الجوافة ولكن أبتعدي عن المانجا
وايضا أحط لهم نوع صغير شبس+ نوع واحد صغير شوكولاتة + ماء
يعني يكون في الشنطة نوع واحد سندويش + نوع واحد عصير + نوع واحد شبس + نوع واحد كاكاو= وطبعا هذا علشانهم أطفال ويكون في نفسهم ، لكنك تصيطرين على الوضع وتعرفين أنهم ما يشترون من مصروفهم أكثر خرابيط وأشياء تسمن ما تفيد.
3- يتغدون غدا البيت مع التكلم عن فائد السلطة وأحاول أنوع لهم علشان ما يملون،
واذا قال شبعت خلاص ما ألزمة...وأيضا علشانهم ياهال ونفسهم بالهامبورجر والبطاطا ، أو الشكن نجت أو الهوت دوج ( مع التكلم معاهم عن مساوئة، والحمدلله اللحين هدوه) أسويهم على الغداء لهم وخصوصا بالعطل وأيضا المعكرونة على الغداء فقط....ليش علشان في مجال يحرقونة أما في الليل لأ ممنوع.
4- وخلاص يا بنات ماكو شي العصر لو يموتون ....وطبعا في أول النظام خذي الصياح والبكي...وأنا ماكو...ملزمة ولا كأني أسمع مع أني كنت أتقطع من الداخل......أقولهم اللي جوعان يروح ياكل أي شي من الخضار والفواكه.
5- العشاء يكون مبكر أيام المدرسة ويقتصر على البيض واللبنة والفول والجبنة والزيتون و أحط طماط وخيار + حليب قليل الدسم مع شاي أو كاكاو ملعقة واحدة من غير سكر....ونفس الشيء مع الأيام اللي مو عطلة ....لازم العشاء خفيف.
هذا النظام ...يمكن وحدة تقولي هذا وايد شسويتي!!!!! لأ يا أختي...الدراسات تقول الأطفال ما ينحرمون من الأكل ولكن لا بد أن تكون أختيارات الطعام أفضل والتحكم بالأوقات مهم، والتخربط ما في.... الوجبات مثل ما شفتوا 3 متكاملة مع فواكه و خضار العصر.......تبون تعرفون النتيجة....
الحمدلله بنتي في شهر نقصت أكثر من 3 كيلو وباين عليها وولدي بعد وبانوا ماشالله عليهم أنحف وصاروا أنشط...وأهم شيء عرفوا الأكل النافع من الضار ،وصار عندهم معلومات عن اللي ينفعهم و صاروا يختارون أختيارات ذكية و ما يكثروا بالأكل لأنة صار عندهم نظام و الحين ما يتذكرون الحلويات أو المقالي لأنهم مو محرومين منها ولكن ياكلونها بكميات قليلة وبأوقات معينة .
سامحوني اذا طولت عليكم , وانشالله أكون أفدتكم ...واذا وحدة تبي بعض الأفكار وطرق الأكل أنا حاضرة.
rayooma2000 @rayooma2000
عضوة فعالة
يلزم عليك تسجيل الدخول أولًا لكتابة تعليق.
rayooma2000
•
نسيت أقولكم بنات أني قعدت مع عيالي لأنهم كبار ماشالله ويفهمون وقلتلهم مساويء السمنة وأستشرتهم بكل شي سويته !!طبعا كان في معارضة شديدة ...بس أصراري خلاهم يوافقون ...قلتلهم مصروفهم بجمعة لهم وأوديهم في الويك أند المكان اللي يبونة علشان يشترون اللي يبونة بمصروفهم والحمدلله أقتنعوا حبايبي.
والله عفيه عليج اختي
انا مفكره اسوي طريقتج لان عيالي وايد ياكلون هالحلويات واول شي يبونه لما يجوعون الشيبس والناجتس او المعكرونه ومو عارفه شو اسوي معاهم شوي شوي قمت اسوي نفس طريقتج بس عندي ابوهم الله يهداه لما يروحون يلعبون يقولوه نبي فلوس نشتري من الدكان وعلى طول عطاهم،،،،، هواش انا معاه على هالسالفه يقولي يكسرون خاطري ومابي احرمهم من شي
تعبت وانا اقوله انت تساعدهم على ضعف صحتهم مو على تغذيتهم؟؟ الحين اشوفه يعطيهم بالتحديد ويقولهم شي واحد بس (طبعا من ضغط مني)
ومشكوره مره ثانيه ساعدتيني يكون عندي خيارات للاكل مالهم عشان انوع لهم
انا مفكره اسوي طريقتج لان عيالي وايد ياكلون هالحلويات واول شي يبونه لما يجوعون الشيبس والناجتس او المعكرونه ومو عارفه شو اسوي معاهم شوي شوي قمت اسوي نفس طريقتج بس عندي ابوهم الله يهداه لما يروحون يلعبون يقولوه نبي فلوس نشتري من الدكان وعلى طول عطاهم،،،،، هواش انا معاه على هالسالفه يقولي يكسرون خاطري ومابي احرمهم من شي
تعبت وانا اقوله انت تساعدهم على ضعف صحتهم مو على تغذيتهم؟؟ الحين اشوفه يعطيهم بالتحديد ويقولهم شي واحد بس (طبعا من ضغط مني)
ومشكوره مره ثانيه ساعدتيني يكون عندي خيارات للاكل مالهم عشان انوع لهم
مشكورة حبيبتي rayooma2000
انا هذا الموضوع هامني كثير لان عندي ولد عمره خمس سنوات ووزنه 35 كيلو وهو ياكل كثير حلويات وايس كريم
تحياتي
انا هذا الموضوع هامني كثير لان عندي ولد عمره خمس سنوات ووزنه 35 كيلو وهو ياكل كثير حلويات وايس كريم
تحياتي
الله يجزاك خير حبيبتي ريومه
حبيت استشيرك في بنتي عمرها 3سنوات ونصف
مليانه شوي واحس اكلها قليل وانا كمان احرمها
يعني اول ما تصحى ما تحب تفطر بالقوى اجبرها اعطيها جبن او بيض او فول سوداني مع عسل بدون خبز اخليها تاكل كم ملعقه بالقوى
والغدا تموت على الرز احاول اخلط معاه شوي ايدام ولحم والسلطه لا يمكن تاكلها (تستفرغ)
وبعد كذا ما اكلها شئ في العصر
وبعد المغرب تاخذ قطعة شوكولاته صغيره ومره في الأسبوع شبس وما تشرب عصائر محلاه ولا مشروبات غازيه
والعشاء لواكلت شئ في المغرب ثقيل ما تتعشى واحيانا من الغدا لليل ما تاكل شئ واعشيها خفيف واحيانا نادره ثقيل شوي
(ما تاكل فاكه إلا موز قليل وما تحب من الخضار إلا البطاطس والملوخيه والفاصوليا المطبوخه)
احس اكلها مو متوازن ومو مكتمل مع ذلك سمينه
وعلى فكره هي تحب الأكل لكن احنا ما نحطه قدامها
وما زالت تاخذ رضعه في الليل ما ترضى تنام من دونها
انا اسفه على الإطاله لكن من حيرتي في امرها ولك جزيل الشكر
حبيت استشيرك في بنتي عمرها 3سنوات ونصف
مليانه شوي واحس اكلها قليل وانا كمان احرمها
يعني اول ما تصحى ما تحب تفطر بالقوى اجبرها اعطيها جبن او بيض او فول سوداني مع عسل بدون خبز اخليها تاكل كم ملعقه بالقوى
والغدا تموت على الرز احاول اخلط معاه شوي ايدام ولحم والسلطه لا يمكن تاكلها (تستفرغ)
وبعد كذا ما اكلها شئ في العصر
وبعد المغرب تاخذ قطعة شوكولاته صغيره ومره في الأسبوع شبس وما تشرب عصائر محلاه ولا مشروبات غازيه
والعشاء لواكلت شئ في المغرب ثقيل ما تتعشى واحيانا من الغدا لليل ما تاكل شئ واعشيها خفيف واحيانا نادره ثقيل شوي
(ما تاكل فاكه إلا موز قليل وما تحب من الخضار إلا البطاطس والملوخيه والفاصوليا المطبوخه)
احس اكلها مو متوازن ومو مكتمل مع ذلك سمينه
وعلى فكره هي تحب الأكل لكن احنا ما نحطه قدامها
وما زالت تاخذ رضعه في الليل ما ترضى تنام من دونها
انا اسفه على الإطاله لكن من حيرتي في امرها ولك جزيل الشكر
أيام وليالي...أهلا فيج أختي وزين تسوين...أعتقد القعدة مع زوجك والتفاهم على كيف تتحدون علشان تعلمون عيالكم عادات غذائية سليمة ضروري ..ومن تجربتي الخاصة ترى الزوج وايد يكون متعاون علشان مصلحة عياله وأنتي قلتيها صار يحدد لهم لأنك حريصة على مصلحتهم وهو صار مثلك....الله يوفقج حبيبتي
ليلو الحبوبة....أهلا فيج عزيزتي ...أنا ما أبي أخوفج بس 35 وايد الله يحفظه على عمره وايد حرام.....ليلو أنتي أمه ولازم تاخذين قرار وتكونين في السيطرة لأنة حرام هو في ذمتج..وهو ياهل ما يفهم وش مصلحته....المقاومة بتكون عنيفة بالأول لكن بترتاحين في الأخير وبتنقذين ولدج...وهو بيكون طفل سعيد ....والسمنة تراها تعاسة حتى على الأطفال....لا تحرمينة من الحلويات لكن حددي كميتها وأوقاتها وحاولي أنة تقدمينله أكلات مفيدة يحبها حتى لو حسيتي انها متكررة...وحاولي تلعبين معاه العاب حركية وتشغلين فكره باشياء ممتعة غير الأكل....حاولي ولدك أمانة في يدك.....الله يوفقك
حبيبتي دنيا من الألم....الله يخليلك هالبنت الجميلة...الله يحفظها.....أختي بنتك صغيرة ما يتسوى لها رجيم... فقط الخيارات الذكية والأوقات المنظمة....أنا أعتقد أنة نومها ملخبط شكلها تنام متاخر وتقوم متأخر علشان جذي أكلها ملخبط وما تشتهي تفطر...أذا كانت هاذي المشكلة يبقى لازم اول تنظمين نومها حتى لو انتي تنامين متأخر هي لازم تنام مبكر...اذا تبين تعرفين كيف أنا حاضرة...صدقيني هذي المشاكل كلها مريت فيها وعدلتها بأذن الواحد أحد....أما اذا ما كانت هذي المشكلة...اذا لابد انك تعيدي السيطرة لنفسك على أكلها وما تعطيها متى ما بغت ولو تعند...مسكي موقفج وخلي عندك ارادة وبتخضع هي لقوانينك بالأخير وحق مصلحتها ....الله يوفقج وانا حاضرة لأي استفسار ثاني.
ليلو الحبوبة....أهلا فيج عزيزتي ...أنا ما أبي أخوفج بس 35 وايد الله يحفظه على عمره وايد حرام.....ليلو أنتي أمه ولازم تاخذين قرار وتكونين في السيطرة لأنة حرام هو في ذمتج..وهو ياهل ما يفهم وش مصلحته....المقاومة بتكون عنيفة بالأول لكن بترتاحين في الأخير وبتنقذين ولدج...وهو بيكون طفل سعيد ....والسمنة تراها تعاسة حتى على الأطفال....لا تحرمينة من الحلويات لكن حددي كميتها وأوقاتها وحاولي أنة تقدمينله أكلات مفيدة يحبها حتى لو حسيتي انها متكررة...وحاولي تلعبين معاه العاب حركية وتشغلين فكره باشياء ممتعة غير الأكل....حاولي ولدك أمانة في يدك.....الله يوفقك
حبيبتي دنيا من الألم....الله يخليلك هالبنت الجميلة...الله يحفظها.....أختي بنتك صغيرة ما يتسوى لها رجيم... فقط الخيارات الذكية والأوقات المنظمة....أنا أعتقد أنة نومها ملخبط شكلها تنام متاخر وتقوم متأخر علشان جذي أكلها ملخبط وما تشتهي تفطر...أذا كانت هاذي المشكلة يبقى لازم اول تنظمين نومها حتى لو انتي تنامين متأخر هي لازم تنام مبكر...اذا تبين تعرفين كيف أنا حاضرة...صدقيني هذي المشاكل كلها مريت فيها وعدلتها بأذن الواحد أحد....أما اذا ما كانت هذي المشكلة...اذا لابد انك تعيدي السيطرة لنفسك على أكلها وما تعطيها متى ما بغت ولو تعند...مسكي موقفج وخلي عندك ارادة وبتخضع هي لقوانينك بالأخير وحق مصلحتها ....الله يوفقج وانا حاضرة لأي استفسار ثاني.
الصفحة الأخيرة