اللعبي رياضه وكلي بنفس الوقت واشربي غازات اعرف بنات زادو على هادي الطريقة 3 كيلو

انا كنت نحيفه والحمدلله الحين وزني مربرب
تقريبا جلست 4 شهور وارتفع وزني
طبعا زودت اكلي كثير وجبتين فطور كرون فليكس وصامولي مع بيض او زببده الفول السوداني
وجبه غدا ووجبه عشاء
ماكنت اكل لا حلى ولا شبسات
لاني مااحبها
واحيانا اتغداء اندومي بس يكون كميه الاكل بالصحن كثيره
والحمدلله زاد وزني
وحتى شهيتي للأكل تحسنت الحمدلله
وجربت خلطه النوتيلا وزدت عليها بعد

انتي شوفي جدول السعرات الحراريه
وشوفي الاشياء اللي تحبيها وسعراتها عاليه
وامشي عليها

بالتوفييييييييق

جربي خلطة نوتيلا سوي بحث عنها

انا جربت خلطة النوتيلا ماكنت مداومة عليها زدت عليها كيلو ونص وتحطمت لان صدري ماكبر وتركتها
والحين رجعت لها بعد ما سمعت من بنات عمي كلام يسم البدن ويتطنزون على ان مالي صدر طاح وجهي
ومستمرة ان شاء الله وادعوا لي يكبر صدري من غير شر ما ابي الا صدر وبس

خيتووه لا شك بغلاك اعتقد انك نفس حالتي 
( أبي صدر وبس ) > حتى اهىء اهىء ..

أنا بحاول أزيد من آكلي وقمت اكل تفاحتين في اليوم بس نصيحه مني لك لا تكثري من النوتيلا الله يرضا عليك يعني كلي بس بحدود يعني كل 3 أيام كلي مره مع التوست أو الصمون مؤ زين السكر كثير .. 

وثاني شئ كل يوم العصر سويلك شاي احمر ( ليبتون ) وحطيلك في صحن صغير مكسرات وملعقة كبيره رهش يعني كأنك تحلي بعد الغداء..  

وبعد كلي تفاح قبل ما تنامي 
والعملي بعد تمارين بنت عذاري لتكبير الصدر تحصلينها في google مع الصور بعد..
وسوي تمارين حمل الأثقال تساعد في تكبير الصدر مثل ما سمعت من البعض.،

على فكره ترا هاذا برنامجي وأنا بديت أطبقه لجل اسمن ويكبر صدري وراح استمر عليه لمده 3 شهور وأشوف النتيجة اللي ترضي أن شاء الله .. 
وبعد شوفي جدول السعرات الحراريه واختاري الأكل اللي يعجبك مثل ما قالت الأخت Twixnina
وأعيد مره ثانيه الله يرضى عليكم لا تأكلون سكر كثير عشان تسمنون ترا يضركم بعدين .. 

ومشكورات خواتي اللي ساعدوني واعتقد الموضوع نال حقه من الإجابات .. 
والسموووحه ..