الي ماهرة بالقهوه والكل يمدح قهوتها تدخل تفيدنا

انا استخدم خلطه القصيم للقهوه جربيها والطريقه مكتوبه في العلبه وان شاء الله تعجبك

أولا : أختاري نوع كويس للقهوة ... اللي تكون مغسوله أنا أشتريها من محل في البديعة في الرياض ...مرة ممتازة ...

و أستخدمي خلطة القصيم مررررررررررررررة حلووووووووووووة

أتمنى أكون أفدتك ...

اولا تاكدى من نوعيه البن واختاري نوعين درجه متوسطه ودرجه غامقه حطى من كل واحد شوى

وجربى خلطه القصيم روعه فيه خلطه اسمها الريان يمدحونها بس للامانه ما جربتها وحطى شوى كوفي ميت او

حليب بس لا تكثري ومن اليوم لثلاثا جربى كذا طريقه لين تزبط معك وجربى تسوينه بحب زوجك شوفى كيف تطلع

خذي حمسة قهوة متوسطة من نوعية زينة
حطي لتر مويا وزيادة كاس مويا عشان فيه شوي بيتبخر وشوي بيكون فيه القهوة مختلطة ماراح تقدرين تحطينها بالترمس

خلي المويا تغلي ثم حطي 6حبات (مسمار )اللي هو العودي أو القرنفل حسب ماتسمونه مع ملعقتين كبار قهوة
وممكن تحطين قطعة صغيرة شيبة في المرحلة الأخيرة من طبخ القهوة لأنه إذا حطيتيها من البداية تعطي مرارة
برضه ممكن تضيفين ملعقة صغيرة حليب سائل أو ملعقة كبيرة من الحليب الفريش من بداية الطبخ
مدة طبخ القهوة لاتقل عن ربع ساعة ولا تزيد عن 25دقيقة
وتكون على نار متوسطة بحيث تشوفين القهوة تقلب زين من غير ما تنتثر على الفرن لأن النار الهادية تخرب القهوة وتخليها سوداء

في هالفترة تغسلين الترمس كويس بالفرشة بالماء والصابون لأنه ممكن يكون الترمس فيه ترسبات ودققي على غطاء الترمس إذا كانت بضغاط
ثم أشطفيها بماء حار
بعد ماتطبخ القهوة
يكون الهيل جاهز بالترمس مع شوية زعفران
بعد ماتنتهي القهوة طفي النار وخلي القهوة دقيقتين تركد
ثم صبيها في الترمس وسكريه وإتركيها خمس دقايق عشان يطلع طعم الهيل والزعفران
في هالوقت تجهزين صينية القهوة وتقدمينها بالهناء والعافية

ملاحظة
خلال طبخ القهوة ممكن تضيفين شوية من خلطة القيم تغنيك عن الزعفران
وفيه حريم يبيعون خلطات روووووووووعة تعطيك نفس ريحة ولون قهوة الأفراح والصبابات :icon28:بس هالخلطة إذا حطيتي منها ملعقة كبيرة يكفي معها ملعقة كبيرة قهوة

وممكن تخلطينها مع قهوتك من البداية وترتاحين
مثلا تشترين كيلو وتخلطينه مع 2كيلو قهوة إذا تبين القهوة صفراء
أنا لأنه قهوتي برية وحمستها زينة أخلط أحيانا 3كيلو من القهوة مع كيلو من الخلطة
وتطلع خيال وتكفي عن الزعفران ما أحطه كل يوم يعني توفر عليك كثير

نفس المعاناه ما تضبط معي القهوة وطريقتي هي :
اخلي الموية تغلي على النار ثم أضع ملعقتين بن هرري غامق ثم وأتركها تغلي 10 - 15 دقيقة ثم اضع 5 حبات هيل و قرنفل على القهوة وهي تغلي وبس وأحطها بالترمس لكن طعمها مرررررة مو حلوة .
ياليت البنات يفيدونا أكثر بأسماء البن ؟و ما هو الأفضل الغامق أو الفاتح ؟ومتى يوضع الهيل على القهوة وهي تغلي أو بالترمس ونصب عبها الفهوة؟
ويعطيكم ألف ألف عافيه .