انجاز خطير بقوله لكم يمكن افيدكم

السلام عليكم بنات

اعتبر اللي سويته انجاز خطيييييير

بديت الريجيم اول شهر واحد واليوم يكون مر عليه شهر وعشر ايام ونزلت فيهم عشره كيلو

يبيلي حفله :o

بقول لكم شسويت

بالبدايه قررت اسوي ريجيم البروتين وحاولت 3 ايام بس ماقدرت اواصل تعبت منه وصعب تاكلين بروتين 3 وجبات غير انه مرهق للكلى

عقب قررت اسوي ريجيم حسب اللي يناسبني قعدت اتريق شريحه واحده من التوست الاسمر النخاله مع جبن قريشcottage cheese مع كوب شاي الصبح قليل السكر وعلى الضحى اكل برتقاله

والغدا سلطه واكل من الغدا الموجود بس الدجاج او السمك مع الخضار

والعشا لو تعشيت اتعشى سلطه واحيانا العصر اكل فوالكه على الساعه ست تغنيني عن العشا

وحرمت على نفسي كل الخبز والرز والمعكرونه يعني كل الكربوهايدرات بمافيهم البطاطا والسكريات

وقعدت امشي كل يوم ساعه او نص ساعه المسا واسوي تماريني بالبيت وانا اشوف التلفزيون