باركولى نزلت 12 كيلو وناويه انزل 12 غيرهم .. ساعدونى

بسم الله أبدا كلامى معاكم .. يا رشيقات ويا دبات :22: .........
:04: <---- يكون ناسيه نفسها خخخخخخخ :hahaha: .... ماعلينا


بصراحه تجربه جدا مثيره .. تجربتى مع الرجيم........... بصراحه ماراح أقص عليكم وأقول اتبعت رجيم معين طول هالفتره .. لا والله .. انا اتبعت اكثر من رجيم على مدى 4 شهور ..

عذااااااب
عذااااب الرجيم والله انحرمت من اشياء كثيره .. لكن الحمدلله نفع معى هالحرمان ... لأنى نويت انى اتخلص من هالوزن المتراكم .. ماراح اقول وزنى الا انه وصل شى يفشل .. :(
فعزمت النيه وواصلت والله ولا عندى نيه ارجع الوزن اللى نزلته .. لأنه جا بعد معاناه وكل وحده متينه تعرف معاناة انج تنحرمين من الأكل اللى تحبينه .. المشكله ان اكلى مو كثير ومنو من اللى ياكلون وجبات وفاست فود .. انا كانت مشكلتى الأكل بالليل .. هذى اكبر مشكله .. وحركة مافى .. ولين زعلت احط حرتى بالأكل .. مقاسات مافى للملابس اللى تعجبنى .. وكرهت نفسى قلت لازم أبدل كل شى وسويت لى برنامج وشجعتنى فكرة برامج الحميات والبرامج التلفزيونيه .. و يوم شفت كل اللى حولى ضعفوا والناس كلها انجنت بهوس الرجيم قلت يا بنت مافى لازم تضعفين وتصيرين مانيكان .. شفت كل البنات خيازرين من الضعف .. :30: وانا المفروم المربع :06:

حطيت هدف انى أوصل وزن 60 لأن طولى 162

1- أول شى كثرت شرب الماء.. 6 أكواب باليوم ...
2- حرصت على الرياضه نصف ساعه الى ساعه كامله ..
3- وتركت الوجبات السريعه نهائيا .. وتركت الشبس اللى كنت مدمنه عليه .. والكاكاو قللته بالاسبوع تقريبا 3 مرات .
4- عوضت المشروبات الغازيه بالدايت او اللايت
5- أحاول قدر الأمكان اقطع الأكل بالليل واذا اكلت يكون سلطه أو عصائر وأحيانا كوبين ماى علشان يسد الشهيه ..
6- اترك السهر لأن السهر يخلينى احس بالجوع وآكل اكثر ..
والرجيمات كما يلى
7
7
7
7

مشيت أول شى رجيم دشتى .. نزلت 4 كيلو وتركته ورجعت 2 كيلو
بعدها رحت للدكتور طالب الشمرى .. ونزلت عنده 7 كيلو
ومع رجيم السوائل نزلت 3 كيلو .. والحين وزنى ثابت الحمدلله وطول الفتره اللى راحت ماتركت الرياضه ولا شرب الماى
بقولكم شى صحيح المده طويله اللى اخذتها بنزول الوزن .. لكن والله اللى فهمته عقب هذا كله ان سهل تنزلين لكن صعب تحتفظين بالوزن اللى نزلتيه ..

وسويت رجيمات كثيره وكنت انزل كثير وارجع نفس الوزن .. لأن النزول كان سريع بوقت قصير
......................

انا اقول الحمدلله اللى نزلت ال 12 كيلو ويعتبر انجاز بالنسبه لى
لكن المشكله :( اشلون أواصل النزول ..

والله احس انى تعبت حيييييييل بالرجيم وبنفس الوقت مابى ارجع الوزن اللى نزل ..

ساعدونى ..
:icon33: :icon33: :icon33: