السلام عليكم
الحمدلله واخيرا تفعلت عضويتي
انا بديت معاكم من أمس الجمعة 30/5
وان شاء الله باستمر شهر ياااارب ساعدني
يومي امس
الصباح قمت 10 ونص وعالساعه 11ونص اكلت نص علبة زبادي قليل الدسم وبعدها بنص ساعه تقريبا بيضه مسلوقه
والغداء دجاج عالفحم طبعا من بره وكان مليان زيت بس خففت منه واكلت تقريبا صدر وشويه مع بصله
وبعد نص ساعه تقريبا اكلت خياره
وعالمغرب اكلت تمره
والعشاء كان 10 الليل 8 اوصال سمك بالفرن الوصلات صغيره ووسط بس انقهرت من نفسي حسيتني كثرت على انو عشاء :( لاني مع رجيم السعرات كنت لاغيه العشاء كان خيار او طماطم عاقبت نفسي باني مانمت الا 5 الفجر و للاسف الساعه 6 ونص انا صاحيه للمدرسة :icon33: ماشبعت نووووم
المهم والمويه كانت 9 كاسات تقريبا يعني لترين الا ,, ومافي رياضه :icon33:
هل انا ماشيه صح ولا لا ؟؟
وعندي سؤال دحين انا في المدرسة في الفسحه لازم افطر لاني اوؤمن ان الفطور جدا كويس لكن مافي غير معجنات + عصاير :icon33:
فايش اسوي وقبل مااروح للمدرسة مايمديني افطر مافي وقت بس آكل نص علبه زبادي
فادوني اقتراحاتكم اسويلي وجبه خفيفه واشيلها معايه بس تكون مقبوله قدام البنات مو بيضه ولا برغر بدون عيش بياخذوني تريقه :42: واش رايكم في فول سوداني مملح هذاك اللي ابو نص كيس كل يوم او كاجو ثمن كيلو مدري كم غرام اظن 125غ
وسؤال كمان وقت الدورة ينفع اشرب قرفه ,, كوب مويه مغليه على ملعقه صغيره قرفه ونص ملعقه سكر العادي مو حق ريجيم ؟؟ ولا ماتصلح القرفه مع النظام
وآآآخر سؤال ينفع اسوي رياضه مشي بعد الاكل بساعه ولا عالاقل ساعتين
السموحه يا عسلات
السلام عليكم
الحمدلله واخيرا تفعلت عضويتي
انا بديت معاكم من أمس الجمعة 30/5
وان شاء الله...
والسكر لابد يكون اقل من 5 جم في الـ 100 ملل او 100 جم