انا الصراحه اتبع نظام خذيته من عند اخصائيه تغذيه ومرتاحه وااااايد عليه ..

الاسبوع الاول :

السبت :
الفطور : كوب عصير ( اي نوع عصير اتحبينه حتى لو عصير منجا ! طبعا باستثناء الغازيات )
او فاكهه واحده اذا حبيتي .. طبعا اي نوع اتحبين .. بس انا اكل تفاح

الغداء : رغيف صغير + كوب صالونه ( الكوب القصود منه القفشه العوده اللي حق الشوربه اللي يوزعون فيه الشوربه مادري عرفيتها ولالا ؟ )

العصر : 2 حبه فواكه او كوب عصير او طاسه سلطة فواكه

العشا : ساندويش جبن ابيض + 2 حبه خضار ( الساندويش المقصود منه خبز صغير ويا جبن حلوم او حبتين من التوست .. 2 حبه خضار اي شي اتحبين من الخضار .. جزر ، طماط ، خيار ..الخ )

الاحد :
الفطور : كوب عصير ( اي نوع عصير اتحبينه حتى لو عصير منجا ! طبعا باستثناء الغازيات )
او فاكهه واحده اذا حبيتي .. طبعا اي نوع اتحبين .. بس انا اكل تفاح

الغداء : كوب ارز + قطعه دجاج مشوي + سلطة ( الكوب المقصود منه مثل ماقلتلج .. قطعه دجاج مشوي انا كنت اكل بداله قطعه من دجاج اللي يسوونه في الصالونه صعبه اسوي لي خاص .. والسلطه مفتوحه كميته )

العصر : 2 حبه فواكه او كوب عصير او طاسه سلطة فواكه

العشا : ساندويش لبنه + 2 خضار ( مثل ماوضحتج بس اللبنه المقصوده اهني لبنه ميلكو .. لانه اقل لبنه فيها دسومه للعلم )

الاثنين :
الفطور : كوب عصير ( اي نوع عصير اتحبينه حتى لو عصير منجا ! طبعا باستثناء الغازيات )
او فاكهه واحده اذا حبيتي .. طبعا اي نوع اتحبين .. بس انا اكل تفاح

الغداء : كوب برياني + سلطة

العصر : 2 حبه فواكه او كوب عصير او طاسه سلطة فواكه
العشا : ساندويش تونه + 2 خضار ( طبعا التونه المقصود منه المعلب بس لازم يكون من غير الزيت اللي يكون وياه .. بس ممكن عقب مااتعقين الزيت اللي يكون وياه اتحمرينه بروحه ع النار خفيف واتحطين فيه بهارات خفيفه بسس ع اساس ممكن تتقبلين طعمه :) )

الثلاثاء :
الفطور : كوب عصير ( اي نوع عصير اتحبينه حتى لو عصير منجا ! طبعا باستثناء الغازيات )
او فاكهه واحده اذا حبيتي .. طبعا اي نوع اتحبين .. بس انا اكل تفاح

الغداء : رغيف صغير + قطعه دجاج مشوي + سلطة

العصر : 2 حبه فواكه او كوب عصير او طاسه سلطة فواكه
العشا : ساندويش بيض + 2 خضار ( البيض اللي اهني هو البيض المسلوق واحد فقط .. و ممكن اتسوين مثل بيض المقلي بس بدون زيت )

الاربعاء :
الفطور : كوب عصير ( اي نوع عصير اتحبينه حتى لو عصير منجا ! طبعا باستثناء الغازيات )
او فاكهه واحده اذا حبيتي .. طبعا اي نوع اتحبين .. بس انا اكل تفاح

الغداء : رغيف صغير + كوب صالونه
العصر : 2 حبه فواكه او كوب عصير او طاسه سلطة فواكه
العشا : ساندويش جبن ابيض + 2 خضار

الخميس :
الفطور : كوب عصير
الغداء : كوب مجبوس + سلطة
العصر : 2 حبه فواكه ، كوب عصير ، طاسه سلطة فواكه
العشا : ساندويش لبنه + 2 خضار

الجمعه :
تكرار

اذا عيبج الغاليه قوليلي احط لج الاسابيع الثانيه .. :)

بس انا الصراحه ارتحت اكثر شي لهالاسبوع

واستويت كله اعيده والحمد الله احس اني اضعف :)

وماباا شي غير الدعـــــــــــاء لاني فعلا محتاجه ...

ما أعرف بس بعض ربيعاتي يشجعون إنه نسير نيوتريشن :)
أنا اللي شفته من ضعف على كم بنت الصراحة شي عجيب روووووووووووووعة ... بس مثل ما قلت يمكن استرجاع الوزن كان بسبب إنه البنت أهملت وقامت تاكل كل شي بدون حساب ...
و بعد ما توصلين للوزن المطلوب يعطيج نظام تثبيت مته من شهرين لثلاث شهور ...
أنا فكرت أروح له بس ما أعرف ليش كل مرة وفي آخر لحظة أهون ...

أنا قلت باتبع نظام دشتي اللي في المنتدى وهو نظام اتكنز .. وأظن نيوتريشن يتبع نفس النظام ...
أنا اتبعت مرة نظام دشتي خذته من المنتدى بس لمدة أسبوع لكن ما نقصت ولا حتى جرام ... غريبة مع إنه البنات هني يمدحونه ...

*Dreams Girl* شكرا حبووبه على النظاام واايد حلوو ...عندي بس اساله

كم صارلج الحين وانتي مستمره عليه وكم كيلو ناقصه عليه؟


************************************************

*قلايد* ماعرف والله انا رووحي متردده الاهل في البيت يقولون لي رووحي وعقب انتي بتحسين بالفرق ولو حافظتي وانتبهتي لاكلج مابتزيدين ولا بتمتين ..فمادري بعضهم يحمسوني

وبعضهم يقولون لي لاء وانا محتاره ماعرف شو اسوي بعمري ...احيان اتحمس واقول خلاص باجر برووح واللي يصير يصير واحيان اقووول لالالا اخاف يطلع كلام فااضي

وعن الريجيمات اللي في المنتدى جربت اكثر من ريجيم واللي يسبب لي دوخه ولي يرفع ضغطي ولي يلووع جبدي ومافي ريجيم نفع وياي ...وازيدكم من الشعر بيت اللي بدال مايضعفني يزيد لي وزني في ريجيم جربته وكملت عليه اسبووع زااد 3 كيلو والله عقدني

بس الريجيم اللي نفع وياي وجربته وكان اوكي وصدق نزلني ريجيم مايو كلينك نزلني 7كيلو ونص ويوم كررته مره ثانيه عقب اسبوع مانقصني ولا ربع كيلو وزني مثل مااهوو

يعني من الاخر انا تعقدت من وزني وشكلي وجسمي وكل شي فيني حتى رقااد شرات البشر ماقمت ارقد

بس تعرفون شكلي بتوكل على الله وبرووح لدكتور نيوترشن اعتقد ان هو الحل الوحييد لمشكلتي وعاد عقب انا وضميري بعد كل التعب اللي بتعبه وياه والبيزات اللي بدفعها له وارد وزني اللي بنقصه ولي بيرووح عني .....صدق ساعتها بكون عديمة احساس صح ولا شو الراي

والله يالغالية ما أقدر أنصحج وأقولج روحي لنيوتريشن ...
بس أنا شفت بنات ضعفوا عنده واااااااااااااايد ...
هو يعطي حبوب بس يقول طبيعية وإذا ما تبين حبوب أعتقد يقولج أوكي بس نزولج ما راح يكون سريع كثر لو خذتي حبوب ...
زين ليش ما تجربين حمية حسين دشتي .. نظامه بروتين ... يمكن ينفع معاج :)
بس تبين الصراحة يالغلا ... خففي أكل وسوي رياضه مشي كفايه لو نص ساعة .. وابتعدي عن النشويات والمقالي أو اكلي منها بشكل خفيف يعني مرة بالاسبوع عن خاطرج بس خذي منها ..
شوفي لو رحتي عند نيوتريشن أو غيره ونزلتي بس عقب خبصتي اكيد راح تردين مثل قبل وأنا أشوف الخلل في اللي يخبص يعني في الشخص نفسه مب في النظام الغذائي اللي عطاج اياه الدكتور ...
شو ما كان الريجيم لو خبصتي عقب اكيد وزنج بيرد:)
وأهم شي أهم شي الارادة
زين رايي سيري عند نيوتريشن بس قولي له ما اريد الحبوب لو إنتي خايفه منها .. وبشرينا عاد
الله يوفقج ويحقق مرادج

خواتي أم مهاري و مشكلتي دلوعه

كنت اخذ 15 جلسه ب 1000 درهمو تقريبا كملت 45 جلسه أو أكثر عندهم، تقريبا من بعد الجلسه السابعه أو العاشره تبتدين تلاحظين الفرق في مقاساتج و شكلج.....

على فكره أعتقد إنهم زادو السعر الحين بس ما أعرف كم.......