ست سنوات وما تعلمت؟! ايش كنت تعملي اذن ؟ بعدين مالك فاقدة ثقتك بنفسك ،، اعملي اكلة وابعتيها للجارات وشوفي رايهم باكلك اذا مدحوك واثنوا على اكلك معناته اكلك طيب ،، اعمليلهم اكلة قديمة متل الي بدو ياها زوجك

اذا كنت قوية زوجك بنظرك ع انك قوية واذا بينت ضعفك رح يعاملك بالصورة الي بتتطلعي فيها لنفسك ،، ارضيه بحدود طاقتك لا تحملي نفسك فوق طاقتها ،، ودايما امدحي اكلك عشان يصير عنده قناعة فيه

والله موبيدي كانت بينا مشاكل وانفصلنا كنا محسودين حسد كبير لذلك كان احيانآ ياكل برا او اكل عادي
وياكل من اكل اهله يعني مايهمه فتعودت على هذا النظام وبعد مارجعنا لبعض تغير ماهوالشخص اللي كنت اعرفه
صار شخص ثاني
عرفت بعدين ان كان بينا حسد وماادري اذا هوكان فيه مس او لا بس اللي اعرفه انه تعالج ورجعنا لبعض وهومستغرب اني مواللي عشت معه من قبل وحتى انانفس الشيء احس انه موزوجي اللي قبل
صار يهمه السناعه اول مايهمه شيء لواحط له خبز ومويه ياكله
الان لا يدقق ومتطلباته كثرت
اول كنت اسوي غداء اندومي
او جمبري مقلقل مع بطاطس يموت في هالاكله يحبها
ويحب اللحم لاصار طري فتعلمت بقدر الضغط وضبطته ثم قلبته بزيت حار شيء بسيط لأجل يكون كأنه مقلقل عجبه هالامر
لكن مشكلتي الاكلات الشعبيه مثل مرقوق وسليق الحمدالله ضبطت القرصان زين لدرجه صار نفس طعم قرصان امي عرفت سر لذته
لكن مشكلتي الرز دائمآ يطلع طعمه موزين اما ماصخ او ماله طعم
الحمدالله اعرف كيف اوزن حجم المويه فيه ويطلع معي حلو كشكل وقوام لكن الطعم سيء
احط معه فلفل حار اخضر واعواد دارسين لكن يطلع الطعم سيء جدآ حتى تلوع كبدي من سوء الطعم
مع اني احط ماجي وملح لكن الطعم هومصيبتي
صار زوجي يجيب رز من برا حامت كبده من رزي
السليق الحمدالله مرات يطلع جنان ومرات سيء
مشكلتي اني مااعرف اضبط وزن الطعم في كل شيء حتى مااحس بلذه الطعم مثلما احس بها في اكل امي اواحد اعرفه

الفطور اللي سويته لزوجي بالحاح منه مرق بالخضار واللحم وماانكر كان شكله موزين مع اني حاولت واجتهدت من الفجر اصلح فيه بس للاسف
انا اعرف اسوي مكرونه بالباشميل اوسمك مشوي اومقلقل وعندي وصفات اخترعتها وضبطت معي وعندي اكلات اخترعتها بالمكونات اللي عندي وطلعت مجازفه بس الطعم زين بس مشكلتي ودي انوع ساعات امل من روتيننا
حتى السلطات احيانآ نفس الشي
ودي اعرف الشيء اللي يحبونه عيال القبايل سواء من اكلات اوايدامات لأني لاحظت اغلبهم يحبون السناعه
في اكلات معينه
ودي اتعلم كيف اخلي الشكل والطعم جذابين جدآ
أنا ساكنه شمال الرياض مومن شمال المملكه
وجيراني كبار بالسن ولافكرو يتعرفون علي واساسآ بعد شهرين بأضطر انقل من بيتنا لبيت ثاني
وودي اتميز عن اللي حولي بضيافتي وتقديماتي حتى قهوتي ساعات اجيب العيد فيها ودي اتقن القهوه كل يوم اسويها
وزوجي يتفشل مع الرجال يقول من عاداتنا ان القهوه تكون مضبوطه ومن عاداتنا اذا القهوه اذا صارت مره اوطعمها مو زين معناتها اننا مومرحبين بالضيف فيفهم الضيف انه مومرحب فيه لذلك قدمو له قهوه مره
انا كل يوم اسوي قهوه وكل يوم زوجي يستقبل رجال يقول انهم من اشراف قومهم وهو يتفشل اذا قهوتي سيئه لذلك هو احيانآ يعصب علي يقول ماتعرفين من اللي يجوني وايش مناصبهم ودائمآ تفشليني
تعبت حاولت وحاولت مره تضبط مره تخرب وزوجي اللي يتفشل ويقهرني لا قال ضيفوني مره بقهوه صكت راسي من روعتها وليومك ماذقت مثل روعتها
ويتكلم عن تضييفهم له وانا اسكت بحسرتي لاحول لي ولاقوه
حتى الفطور مايفطر معي يفطر بالعمل يقول كل حريم اخوياه يرسلون فطور يفتح النفس
والقهر ان كل واحد فيهم يوصف زوجته ويتكلم عن سناعتها ويتفاخر اما زوجي فهو يخاف الله يسكت ويتحسر على عمره
هو من النوع اليي يجمع ويكبت واذا انفجر اما يطلق او يتزوج وله هيبه كبيره من خواته لذلك يعاملوني برسميه خوف منه لذلك مااحد منهم اعطاني علم مفهوم
هم اللي يزعجوني بوصفاتي وياخذون مقاديرها اذا جبت لهم شيء وهو يشوف ويسكت
مره صلحت بسبوسه عجبته موزونه لاحاليه ولا ماصخه بدون شيره او عسل وكلوها كلها وخذو مني الوصفه ومره صلحت خضار مقلقله اخترعتها من نفسي وقالومهما سوينا ماتطلع مثلك وهو يسمع وساكت
ومره سويت كيك واخذو وصفته
اما هم مايعطوني وصفات يحبها زوجي يقولون اي شيء نصلحه ياكله
فزادت حيرتي

فطريه رغيف مدهون زبده او زيت زيتون وقشطه جنبه
وغديه هفيت او مرقوق او مطزيز او جريشه او نميشه
وعشيه خبزه بالفرن
مبصله
كبيبات عنب او هريس.عريكه ..عصيده
خميعه..مدقوقه

هذي الاكلات الشعبيه
وللقهوه يحبون التمر
او جيبي التمر اعجنيه بزبده وبقل وكوريه او عبيه بصحن حق لتمر

واي طبخه تبينه ابشري

يااااقلبي ربي يصلح اموركم
يااختي انتي خلك واثقه بنفسك شنو الرز طعمه ماصخ خو في اسهل من طبخ الرز😰😢
طريقتي ويطلع كنه رز عزايم
اذا انتي كوب ونص غداكم نقعيه بماي ورشه ملح عشان مايتكسر
وجيبي القدر حطي فيه الزيت ملعقتين او ٣ملاعق
وضيفي ع الزيت ٤حبات مسمار اللي هو القرنفل وعود دارسين وخليه شوي نار واطيه بس عشان الزيت يتنكه بالدارسين والمسمار اذا انتي من النوع اللي تكبس الرز كبس ضيفي مرق الدجاج او الماء اذا تبينه الرز ابيض لما يغلي المرق او الماء ضيفي الرز والملح وخليه يغلي كم غلوه بعدين خليه على نار واطيه وهذي تنفع
انا رزي التموين الكويتي استخدم له هالطريقه ايضا وتضبط بعد احط الزيت والمسمار مع الدارسين واضيف الرز ع الزيت اقلبه شوي ع الزيت وبعدين الماء او مرق الدجاج
وشوفي يطلع رز ماينشبع منه والحمدلله الكل تعجبه طريقة طبخي ويسألوني شلون طريقتك او وشهو الرز اللي استخدمه
ولاتحطين ماجي مع الرز مااحسه يضبط يطلع طعمه مو شي الرز او تنكهينه بحبوب الهيل او مسمار او دارسين والسائل يكون ماء او مرق الدجاج بعد سلقه او اللحم
يعني تطبخين الدجاجه اعتقد نص دجاجه لانكم فردين نص دجاجه تفركينها بنص ملعقه بهار وتجيبين القدر وتحطين به زيت ونص راس بصل ناعم وحبه هيل و٣حبات مسمار وتقلبينه شوي بعدين تضيفين الدجاجه وتقلبينه وتضيفين الملح ثم الماء ولا استوت الدجاجه ترفعينها وادخلينها الفرن تتحمر او تقلينها بالزيت او تدهنينها بملعقه صلصه وملح ورشة دارسين و ع الفرن واحسن لووون كنها شوايه ظل ماء الدجاج اطبخي به الرز ونفس الطريقه للحم جربيها وطمنيني

والحشو اللي احطه فوق الرز
راس بصل شرايحه رفيعه
وكشمش منقع بماء حار
ونص علبة حمص
جيبين مقلاة وتضيفين الزيت شوي غزير لمايقرب يتحمر تشخلين الزيت الزايد وضميه راح تحتاجينه لان منكه بالبصل ويفيدج بكثير طبخات منها البرياني
وخلي البصل بالمقلاه بعد ماشخلتيه من الزيت
وضيفي الكشمش وقلبي ورشيه بدارسين مطحون وقلبيه ثم ضيفي الحمص بس تقليبتين وطفيه لان الحمص يطقطق بعد ماطفينه ضيفي له براس الملعقه الصغيره مصفر اللون الاصفر حق الاكل وقلبيه تصير الحشوه روعه بصل محمر مع كشمش وحمص منكه بالدارسين واللون الاصفر لماتحطين الرز بالصحن حطي فوقه الدجاجه وشرايح ليمون وفوقه الحشو وشووووفي النتيجه رووووعه