اهلن فيكم..
المتابعين لمواضيعي عارفين انا بتكلم عن ايش اليوم
لكن الفئة الغير متابعة اتمنى تقروا الموضوعين السابقين
وتكملوا معانا قراءة هالموضوع . تكلمنا المرة اللي فاتت عن الرياضة و الغذاء الصحي وقلتلكم الموضوع الجاي بيكون نظام للشهر الاول تتبعه معاي المبتدئة بالنظام الصحي .
طبعا سألتكم تبغوني انزل نظام النحيفات اول او السمينات ؟ فكانت الاجوبة اغلبها للسمينات فبنبدأ فيهم و اساساً مالقيت حماس من النحيفات فشكله بيكون تركيزي على الدبدوبات .
احب اقولكم انا مو دكتورة تغذية ولا مدربة رياضية لكن ثقافتي في هالمجال و تجربتي تأهلني اني اكون موجهتكم بهالنظام .
طيب ..اول شي بجاوب ع الاسئلة والاقتراحات اللي جتني سواء رسائل خاصة او ردود وبعدها نتكلم عن نظام الشهر الاول .
اكثرسؤال : وجهي ماراح يصير شاحب وباهت مع الرجيم؟
ج:بنظامنا هذا مستحيل تواجهي هالمشكلة لان نظامنا نظام صحي متكامل راح يعطي جسمك جميع احتياجاته و بكذا وجهك ما راح يبهت ولا يشحب بالعكس راح تزيد نضارته وتتحدد ملامحه وبيكون وجه صحي يفتح النفس ، طيب ليش قبل فترة لمن اتبعت الريجيم الفلاني بهت وجهي وتغير ؟ الجواب لان نظام ريجيمك اكيد وابصم بالعشرة انه خاطئ تذكروا تذكروا تذكروا دائماً ان الريجيم معناه الحقيقي النظام الغذائي وليس الحرمان من الغذاء !
س: صدري كيف اكبره وابرزه ؟
ج: هذي اكبر مشكلة عند البنات عشان كذا خلوني اثقفكم بمنطقة الثدي شوي .. الثدي منطقةحساسة جداً جداً مليئة بالانسجة و طبعا هي زي المؤخرة تتركز فيها الدهون عشان كذا اذا نحفتي تنحف واذا سمنتي تسمن .
فأيش تسوي السمينة اذا نحفت واختفى الصدر؟ تلجئ للكريمات و الخلطات و خرابيط التاجرات اللي يمشوا فيها بضاعتهم على حساب صحتك .. كيف تتجرئي تلعبي بهالمنطقة وانتي تعرفي انك ممكن تصابي بسرطان الثدي !!!!
الشي الوحيد اللي نقدر نبرز فيه هالمنطقة هو تمارين منطقة الصدر ركزوا تمارين الصدر قلت مو الثدي ، بهذي التمارين بترتفع عضلات الصدر و تتنسق وتنشد و بكذا يعطي للثدي هيئة البروز و التكوير .
س: كم مدة النظام متى اوقف؟
ج: هذااكثر سؤال زعلني .. ياحبيبتي احنا نبغى نعدل جسمنا لمدى الحياة مو لمدة شهر بعدين ترجعي لحالتك المرثى لها!
ومين اكثر ناس يهتموا لهالسؤال ؟ هم الفئة اللي تحرم نفسها من حاجات جسمها الغذائية بهدف الرشاقة فيتدمر حالها و يشحب وجهها و تتوتر اعصابها ، ينزل وزنها لكن يخرب باقي شكلها !
احنا مانبغى هالشي احنا هدفنا هنا اولا صحة اجسامنا اذا امتلكنا الصحة راح نمتلك الرشاقة، عشان كذا اقولكم نمشي بالتدريج عشان يصير نظامنا اسلوب حياة وليس نظام مؤقت فاشل، والمتابعات معاي انا اللي بصمم جدولهم و بتدرج فيه بكذا بضمن عدم مللهم و توقفهم عن هدفهم .
س: كيف بتتابعين نظامنا وكيف بنجتمع ونقولك استفساراتنا ومتى بنبدأ التحدي؟
ج: في وحدة اقترحت علي نعمل قروب واتساب مع احترامي لاقتراحها ما حبيته لعدة اسباب اولا المنتدى كبير وفيه من كل بحر قطرة وما اقدر اعطي رقمي لاحد ما اعرفه ثانيا انا حابة كل العضوات يستفيدوا من كلامي اللي بطرحه قروب الواتساب ما راح يسع كل اللي حابين ينضموا وبيصير فيه لخبطة و حوسة فخلينا بالمنتدى هنا احسن لكن بعمل قروب ببرنامج البيبي ام بيكون للتواصل السريع بيني وبين المنظمات و يكون للنصايح الخفيفة والسريعة بيكون كانه موضوع بمنتدى مجرد استفسارات و مواضيع صغيرة موللسوالف و الوناسة معليش . لكن المواضيع الاساسية والمهمة بتكون هنا بهالقسم وماراح تكون بموضوع واحد عشان لا يضيع كلامي مع الردود راح انزل كل موضوع بشكل منفصل تحت اسم ( جسمك بيتغير للشكل اللي تتمنيه #تحدي_الايجابيات)
راح نبدأ بشكل جدي بعد ما اعرف مين اللي عندها رغبة جادة بالانظمام واي وحدة حابة تنظم تكتب هنا انا حابة انظم عشان احط بالي معاها واتابعها .
.
نجي للنظام بشكل عام :
اولاً قبل نبدأ راح نجهز انفسنا واحتياجاتنا :
كيف؟ ايش نحتاج؟
في بداية كل رجيم انتي تحرصي انك تعرفي وزنك قبل لكن بهالنظام ما نبغى الميزان راح تكون المراية صديقتنا ، اول شي لازم تاخذي قياسات جسمك بالمتر العادي والمناطق اللي راح تقيسي حجمها هي ( محيط الصدر ويكون حول منطقة الثديين, محيط الخصر ويكون حول منطقة السرة، محيط الورك ويكون حول اعلى منطقة بالارداف، محيط البطن تحت منطقة السرة ،محيط اليد ويكون حول المنطقة الوسطى من العظم يعني الزند ، محيط الفخذ) ونسجلهم بورقة
بعدين نروح الصيدلية ونقيس الوزن مو الوزن العادي لا اللي يعطيك نسبة الدهون والبروتين وغيره بجسمك طبعا هذا مو ضروري بس للي حابة لكن قياسات الجسم مهمة.
بعد كذا نحسب معدل حاجة جسمنا للسعرات من هذا الرابط طبعا تعبي البيانات بعد كذا تطلع لك حاجة جسمك و تنقصي منها 500 سعرة ليش؟ لاننا نبغى نخفف وزننا وبعد ما يعتدل وزننا نصير ناكل بشكل طبيعي مع المحافظة على الطعام الصحي والرياضة
http://www.moh.gov.sa/healthawareness/medicaltools/pages/caloriecalculate.aspx
انتبهوا مو تنقصي سعرات يعني تمنعي جسمك من الغذاء لا تعطيه حاجاته بشكل معقول وهذا جدول فيه السعرات الحرارية
http://www.moh.gov.sa/HealthAwareness/Campaigns/badana/Pages/009.aspx
بالنسبة لغذائنا اول شهر ماراح نشد على انفسنا فيه زي ماقلنا نبدأ بالتدريج و التدريج هو اهم شي لانه بيساعدك على الاستمرار و بيذهلك بالنتائج .. في غذائنا اول شهر راح نغير بعض العادات زي:
استبدال الخبز الابيض بالاسمر .
استبدال كامل الدسم بقليل الدسم بمشتقات الحليب و الالبان ، وقليل الدسم مفيدة للنحيف والسمين لان كامل الدسم تكون الدهون مركزة فيه لكن البروتين والكالسيوم نسبتها اقل بعكس قليل الدسم تكون البروتينات والكالسيوم نسبتها عالية والدهون قليلة.
الاهتمام بشرب الماء
الالتزام بالوجبات الثلاث الرئيسية دون اسقاط اي وجبة فيهم خصوصا وجبة الفطور
ادخال الوجبات الخفيفة بين الوجبات بكذا نساعد نفسنا على تقليل كمية الطعام بالوجبات الرئيسية الغدا والعشا
ادخال نظام مياه الديتوكس لنظامنا الغذائي .
نجي لنظام الديتوكس ايش هو ؟ هو احد الانظمة الغذائية اللي تساعدالجسم بالتخلص من السموم اللي تسبب لنا الكسل وكثرة النوم تورم القدمين الصداغوغيرها احنا ماراح نلتزم بنظام الديتوكس اللي هو الصوم عن النشويات و الكافيين وغيرها والالتزام بالخضار والفواكه والموية لمدة 3 ايام كل شهر
احنا مانبغى هذا الشي بنعمل نظام ديتوكس اخف من هذا وهو مياه الديتوكس اكيد مر عليكم هالنظام اللي هو تقطعي شرائح من فواكه وخضار معينة وتحطيها في قارورة مياه شربك و تخليها بالثلاجة وتستخدميها اليوم الثاني .
فوائد هالمياه لا تعد ولا تحصى و راح ادخلكم اياها بالنظام الغذائي.
ايضا راح ندخل بنظامنا الشراب الاخضر اللي هو السموذي هو عصير يعتمد على خلط الخضروات ذات اللون الاخضر مع بعض الفواكه لاضافة طعم جيد للمشروب ومن ثم تناوله كوجبة خفيفة بين الوجبات و من فوائده :
يساعد في انقاص الوزن بشكل ملحوظ ، غني بالحديد والفيتامينات اللي يحتاجها الجسم ، الحل الامثل والسحري لبشرة رائعة ، يعمل على اذابة الدهون من الجسم ويكافح السيلوليت ويفتته ، يكافح ويأخر الشيخوخة لغناه بمضاداات الاكسدة و يطرد السموم من الجسم .
راح نلتزم بشرب كوب ماء دافئ مع قطرتين ليمون على الريق وكلكم عارفين فوائده .
بالنسبة للتمارين اللي راح نمارسها :
المشي لمدة 30 دقيقة ، لا تشيلي هم اذا ماعندك مكان تمشي فيه الحل بحطه بالموضوع الجاي.
راح نركز على تمارين الكارديو اللي هي التمارين القلبية اللي تساعد على رفع معدل نبضات القلب و بالتالي تحرق الدهون
تمارين مقاومة بسيطة لمافادة ترهل الجسم
راحة يوم بالاسبوع
هذا هو نظامنا اول شهر .. في اسهل من كذا؟ في اصح من كذا؟
ما راح تحرمي نفسك اكل , ماراح تسببي امراض لجسمك , راح تزداد عندكا للياقة والمرونة ، بشرة نضرة من اول شهر و جسم صحي.
اعتذر اذا كنت تأخرت واتمنى اني قدرت اشرح بالموضوع ايش الاشياء اللي راح نعملها + انتظر ردودكم عشان اعرف البنات المنظمات معاي ..
الموضوع الجاي بيكون جدول غذائي و جدول للتمارين + روابط التمارين باليوتيوب + طرق طبخات صحية و ووجبات صحية مفيدة .
انتظراقتراحاتكم واستفساراتكم
Raghadi @raghadi
عضوة نشيطة
يلزم عليك تسجيل الدخول أولًا لكتابة تعليق.
كل شوي ادخل المنتد انتظر موضوعك ... اعجبتني نقطه انه نظام حياه مو لحد العيد او للمناسبه الفلانيه ... بالنسبه لي انا ارضع طفلتي وبدأت فعليا في مراقبه اكلي ... مثل ما قلت من قبل انا والده لي 25 يوم وراح أبدا امشي شوي شوي ال30 دقيقه غير متواصله وبدات في تمارين خفيفه للصدر والزنود ... وطبعا انا معاكم بإذن الله في المنتد لا استطيع التواصل بالبي بي لانشغالي ... وجزاك الله خيرا وبارك لك في عملك
Raghadi
•
افاااا والعصقولات مالهم موضوع.. جزاك ربي خيرافاااا والعصقولات مالهم موضوع.. جزاك ربي خير
مالقيت اي حماس من العصقولات
مع اني عصقولة سابقاً وحبيت اساعدكم
بس الاغلب ماعجبهم النظام الصحيح والكلام المنطقي يبغوا مواضيع الخلطات و الخرابيط
مع اني عصقولة سابقاً وحبيت اساعدكم
بس الاغلب ماعجبهم النظام الصحيح والكلام المنطقي يبغوا مواضيع الخلطات و الخرابيط
بالعكس زي ماقلت لك بموضوعك الاول احنا فاتحين قروب للتسمين وقائم بالاساس ع الرياضه والسمنة الصحية بس مع رمضان خرب كل النظام وراح الوزن اللي زدته
عاد اذا مالقيت تفاعل غششيني بروابط ع الخاص ههههههه
عاد اذا مالقيت تفاعل غششيني بروابط ع الخاص ههههههه
الصفحة الأخيرة
و الله جهد كبير جالسة تبذلينه علشانا ...
انا سجليني اول مشااااااااااااركة ...
اخذت قياساتي هل اكتبها هنا او احتفظ فيها ؟
و طلع لي 2000 سعرة انقص 500 يعني ما اتعدى 1500 سعره ....
الله يجعله في ميزان حسناتك
كلامك و اسلوبك و طريقتك مرة حلوووووة
متابعين لك ..