تجربة بسيطة بمفعول سريع للنحافة السريعة

السلام عليكم
كيفكم صبايا؟ يا رب دايما تكونوا بخير وننحف بسرعة 
ههههه اهم شي ننحف
انا ما رح اطول عليكم طبعا انا اخر موضوع نزلته كان عمري 19 سنة وهلأ انا 21 ورجعت لأحلى منتدى 
نزلت مواضيع بتخص تجاربي وهاد كمان موضوع من تجاربي انا كالعاده
بصراحة كنت بدي انزله بعد اسبوع بس ما قدرت استنى لأنه ما بنكر اني استفدت من هالمنتدى كثير
قبل مدة نزلت عن ريجيم عملته ونحفت عليه 12 كيلو بشهر 
بس جربت شي اكيد في ناس عاملينه بس يمكن ما عرضوا نتائجها
المهم تجربتي نزلت من مقاس جسمي خلال اسبوع واحد من xl الى L
وهي ابسط مما تتخيلوا طبعا انا زمرة دمي O+  وزني 80 وطولي 159
الجسم من الأعلى قريب من المثالي لكن من الاسفل مزعج يعني الارداف
الطريقة هي :  شرب خليط الكمون والليمون المعروف قبل الافطار بنصف ساعة وبعد العشا بنصف ساعة
والعشا لازم ضروري يكون قبل النوم ب 4 ساعات
والرياضة الوحيدة اللي بمارسها هي " الدرج" ما بتتخيلوا شو انها غيرت حالي ووضعي
وطبعا هاي رياضة مهجورة عند اغلب الناس بس اهم مما بتتخيلوا
بالنسبة لأكلي انا باكل كل شي بس ممنوع الخبز والرز بس يؤكل مرة بالاسبوع
الاعتماد ع المكسرات والفواكه والشوربات وحتى لو في جاج بجلدها عادي
في شغلة لازم تعرفوها وتدوروا عليها وهي الراحة باختيار الاكل ..لا تجبري حالك ع شي معين
ولا تمنعي حالك من شي بس خففي اكلك وفضلي طعام على طعام 
لا اتحسسي نفسك انك بتاكلي دوا مو اكل عادي بس لأنك بتكرهيه 
انا باكل كل شي نفسي فيه من حلو وشوكلاته وطبيخ بكافة انواعه وبالمناسبه انا عندي قولون ولله الحمد 
ما عندي اي مشكله مع خلطة الليمون والكمون بالعكس ريحتني كتير 
بتمنى اكون افدتكم واللي بتجرب وبنفع معها بس دعوة بظهر الغيب بتكفيني
ولك الحمد ربي على كل شيء وإن شاء الله بعد اسبوع رح خبركم الوزن واذا صار شي جديد ومتابعتكم ع طول بإذن الله
والرياضة مدتها فقط 10 دقائق يوميا 'الدرج"
حبيت بس اعطي ملاحظة صغيرة انا جربت تحدي الثلاثين يوم تاع تمرين القرفصاء ا
 السكوات وهاد التمرين اصعب تمرين رياضي والاسرع في اعطاء النتائج واعطاني نتيجة ولا بالخيال بشد الافخاذ لكن ما بنصح فيها نهائيا للأوزان العالية لا تحاولي لأنك بتخسري رجليك من غير شر
فرق معي كتير بس كنت اعمل 100 بدون توقف ولهيك لقيت نتيجة سرعة بس وقفته لأنه مؤذي اما الدرج فهو نتيجة سريعة وبدون الم ويحسن من التنفس بشكل ممتاز.