اختي كم نزلتي للحين وشكرا على الريجيم الرائع

هلا والله اختي ام حصابي .. بصراحة ماخليتي لي رد على كلامج الطيب .. والله اني احس بكل وحده ودها تنحف .. وانه صدقوني لما اشوف الردود كل يوم استانس ويخليني هالشئ التزم واكمل .. لاني ادري ان في ناس محمليني المسؤلية .. واحاول كثر ما اكون اهل للثقه .. وما اردهم دام اني فتحت هالموضوع فانا اتحمل مسؤلية كل وحده وثقت فيني لانكم تدرون النت مليان ريجيمات خياليه وبوعود خياليه

انه ما وعدتكم بالمستحيل ما قلت لكم راح تنزلون بسرعه وراح تنزلون 20 كيلو بأسبوعين .. لانه هالشئ مايصير وان صار مايكون صحي

انه اكتب لكم يومياتي وتجاربي .. وانه مثلكم اول مره اجربه .. وان شاء الله الله يقدرني واساعد نفسي واساعد كل وحده محتاجه للمساعده وشكرا على دعواتج الحلوه والله انها احلى هديه

اختي العزيزه واشوقي لربي .. لا حبيبتي مايصير هوت دوج لانه مو مسموح بالريجيم تقدرين تاكلين بداله مرتديلا ..

وبالنسبه للكودو انه ما احبذ الفكره .. خليها حق المرحله الثانيه و بعد لازم بحدود .. بس تقدرين تاكلين دجاج كودو لحاله بدون خبز

وحياج الله


اختي جونسره حوالي 5 كيلو

يالحلوين اليوم بقول لكم شنو كليت يمكن تاخذون افاكر لان ادري الواحد يزهق من تكرار الاكل


الافطار كليت شريحة خبز اسمر مع شوية زعتر + كوب حليب خالي الدسم

الضحى ماكليت شئ

الغدا كليت سندويش مرتديلا بس حطيت شريحتين لاني كنت يوعانه + سلطة خضراء

العصر شربت كوفي و 5 حبات لوز مو مملح

العشى شريت معكرونة فتوشيني المصنوعه من دقيق القمح الاسمر و سويت نصف الكمية ربع لي وربع لاختي بس كان وايد ماقدرت اكمله


وسويت معاهم صلصة الفريدو قليل الدسم .. والله كان عجييييييييييب

والطريقة

حطيت شوية زيت زيتون + فصين ثوم وحمرته بعدين ضفت شوية دقيق الاسمر و قمت اضيف الحليب الخالي او قليل الدسم ليما صار عندي خليط ثقيل شوي .. تبلته بملح وفلفل و نص مكعب ماجي + اعشاب ايطاليه ممكن استخدام اي نوع .. بعدين حطيت فيه شوية جبن قليل الدسم ممكن استخدام اي نوع

بعدين ضفت المشروم وخلطت الصلصة مع المعكرونه وكان يميييي .. بس بنات اللي توكم باديين نطرو شوي عقب اسبوع ابتدو بأكل المعكرونه يكون احسن

يعطيك العافيه