يوم الثلاثاء
الفطور ساندوتش جبنه توست اسمر كوب شاي 4 م كورن فليكس
سناك موزه
الغداء 6 ملاعق ارز صدر دجاج مشوي وسلطه
سناك تفاحه
العشاء ساندوتش تونه وعصير فواكه مشكله
الماء تمام
الرياضه ماسويت شي

ماشاء الله تبارك الله روعه يومياتكم
اما انا مستمرة علي النوم المتقطع
الفجر اكلت خبز بيت مع سمن وعسل شويه جبن شاهي
الساعه 12 الظهر جبن وخبز بيت وشاهي
الساعه 8 العشاء اكلت تميس تونه جبن شاهي
ابغي اعدل النظام علشان أبدا رجيم الدرقي بس بزود فيه النشويات شويه علشان الرضاعه
بس الولد مررره مسهرني لاني جبت طفلين وراء بعض اذا نام واحد يصحي الثاني وتتعب نفسيتي احس اني ودي افرغ ضغطي في الاكل بس مصبره نفسي والأسبوع هذا أكيد زايده لاني كثرت في النشويات اكثر من البروتين
شدو ألهمه ان شاء الله مايخلص هذا التجمع الا واحنا نازلين
المويه تمام بي الرياضه مااقدر مرهقه

يوووه بناتي وربي اني وصلت مرحلة احس راح اهستر من قلة النوم والارهاق واداوم ونونو وربي بالقوة اقاوم الله يعينا ويكتب الاجر الحمدلله جيت اقولكم انا بديت التزم معكم يوم السبت برجيم التناسلي وقبل شوي رحت البس بنطلون اشتريته والله يوقف على الفخوذ دخل بدون شد وسحب بس ماسك لكن ما تخيلت يدخل صراحة يارب لك الحمد على اني اخلبط احيانا بس فيه نتيجه باللبس من فضل الله الرجيم روعه بنات حاولي تلتزمي فيه بناتي ونزيد شوي اشياء مفيدة علشان الرضاعة

على فكرة ترا لي تجربة ممتازه مع رجيم نوع الجسم نزلت من 85 لحد 66 بفضل الله بس حملت ورجعت من جديد بالنسبة للرياضة اليوم ماقدرت مرهقه بقوة مافيه نوم وارضع والدوام وشغل البيت يارب يتعدل وضع النوم ونكمل

ماشاء الله فطوم روعه ان شاء الله أبدا فيه
بس الأسبوع الجاي مرررره مشغوله لاني مسافره لمده أسبوع بس ارجع أبدا فيه
احاول اني ادخل اذا قدرت بس اذا ماقدرت السبت الجاي باْذن الله أبدا