جويل :

السلام عليكم بنات اسمحولي تاخرت عليكم لاني مااشبك اخر الاسبوع coconuteey وايد بالنت فيه مواقع عن اتكنز دايت سوي بس سيرش بتنصدمين بس انا اذكر وحده من بنات المنتدى مترجمه عن موقع اتكنز كل المعلومات اللازمه اخت قلايد جبن كرافت والجبن سلايس كله جبن مطبوخ بريجيم اتكنز ممنوع وممكن تاكلين جبن ابيض وفيه جبن يسمونه الاجانب cottage cheese تحصلينه بالجمعيات وتقريبا مثل جبن القريش وهو اللي كنت اكله والمفروض الحصه من الجبن باليوم ماتتعدى مقدار معين ممكن حجم الكف مب اكثر مدام كروشه ( مع ان نكج بروحه يباله دايت هاها) الشابوره ممنوعه طبعا بريجيم البروتين لانها نشويات وترى يقولون الشابوره حالها حال الخبز التوست بس محمص ماتفرق :) اخت دنيا الالم المفروض ماتخبصين ابدا بريجيم اتكنز لانج تخربين كل نظام الحرق فتخيلي جسمج محروم من النشويات لمده اسبوع وفجاه خبصتي وكلتي راح يخزن كل اللي خسره بالاسبوع ولا كانج سويتي اي شي :( وصدقوني عن تجربه تبون الريجيم هذا يشتغل اسرع امشوا على الاقل نص ساعه باليوم او 4 مرات بالاسبوع راح تستغربون الحرق السريع والنظام اللي ذكرتيه حلو ومناسب بس للعلم حتى الطماط ممنوع بالمرحله الاولى من الريجيم لان فيه كربوهيدرات وبقولكم معلومات عن ريجيم اتكنز يمكن بعضكم مايعرفونها هو عادة يكون على اربع مراحل وتقريبا كل مرحله تكون عشر ايام وممكن تكررينه لو احتجتي تنزلين اكثر وبالمرحله الاولى ممنوعه الفواكه وحتى الخضروات الغير ورقيه او خضرا مثل الجزر و الطماط لان فيها نشويات المسموح منها مثلا خس وسبانخ وخيار وفجل والبروتينات (المرتديلا والهوت دوغ ممنوعه فيها كربوهيدرات )واللحم والدجاج والبيض مسموح طبعا ويفضل تكثرون ماي العصاير ممنوعه والسكر والفواكه كلها بالمرحله الثانيه تبدون تزيدون النشويات بس مو تاكلون عيش مسموح مثر طماط او تزيدون كميه الجبن وبالمرحله الثالثه انا بديت اكل حبة فواكه العصر وبالمرحله الرابعه بديت اكل شريحة توست اسمر الصبح او كميه من الرز الاسمر الظهر ولو اتبعتوه وماخربتوا النظام راح تنزلون بسرعه انا باعتقادي اللي نزلني بسرعه هو المشي مع هالريجيم وعلى فكره انا بعد مامشيت على الريجيم اسبوعين ومانزلت فجاه وزنت نفسي بعد الاسبوعين حصلتي نفسي نزلت مره وحده سبعه كيلو وقعدت انزل بسرعه لين وصل النزل 14 كيلو وبعدين صار بطيء واستمريت على المرحله الرابعه والمشي حتى كملت 22 كيلو بس نصيحه بنات بس تحسون انكم قربتوا تنزلون للوزن المطلوب وقفوا الريجيم واكلوا معتدل لان النزول راح يستمر حتى وقفتوا الريجيم وراح تنزلون اربع او خمسه كيلو بعده سيئته الوحيده يوم تنزلون وايد يذوب الوجه نصائح اخذوا معاه فيتاميناااااااات احتياط اللي عندها كولسترول تنتبه فوايده رهيبه غير الرشاقه ونزل الوزن يعطي نشاط عجيب وتركيز بالمخ وانا كنت اعاني من فقر الدم اختفى مع الريجيم هذا وصار دمي ممتاز اي استفسارات انا كل يوم ادخل الصبح فاذا حبيتوا تسالون حياكم الله وموفقين جميعا :)

السلام عليكم بنات اسمحولي تاخرت عليكم لاني مااشبك اخر الاسبوع coconuteey وايد بالنت فيه مواقع...

جويل :

سلام عليكم بنات انا زمان عن منتدى الريجيم بس مريت وقريت كلامكم فحبيت اقولكم تجربتي من مده سنةة ونص سويت ريجيم اتكنز مده 3 شهور كامله ونزلت 22 كيلو تغيير رهيب وانجاز خطير بصراحه بعدين الاهل نبهوني ان وجهي وايد نحف وتبهدل لاني نزلت اكثر عن اللازم فوقفت الريجيم واستمريت اكل طبيعي (وانا بطبيعتي اكلي معتدل مااكل فاست فود او حلويات وايد وانتبه للدهون )واستمريت امشي يوميا نص ساعه ومازاد وزني ابدا على هالحال لمده سنه بس بعد السنه بديت اهمل وماقمت امشي تعرفون شهور الصيف والحر ورجعت اكل عادي بدا وزني يزيد وصار له يزيد ست اشهر للاسف من وقفت المشي وزدت سته كيلو بس للحين وزني بالعادي مو متينه بس وجهي وايد تعدل لاني يوم ضعفت فعلا تبهدل وجهي فرجاء لو ضعفتوا لاتتمادون مثلي وعندي ملاحظه قريتها شكاوي منكم لكل وحده طبقت نظام دكتور دشتي انا من شهرين حاولت اطبق نظام الدكتور دشتي وطبقته حرفيا ولا نزلت الا 2 كيلو في اسبوعين وللاسف نظامه فيه تجاوزات كثيره ويسمح بشغلات ممنوعه بنظام دكتور اتكنز فاللي تبغي تنزل فعلا تتبع نظام الدكتور اتكنز فهو مضبوط اكثر واعطيكم مثال دكتور دشتي يسمح باكل المرتديلا و الاجبان المطبوخه اما اتكنز فممنوعه الكرتديلا لان فيها نشويات كثيره وجربوا اقروا على العلبه نسبتها تنصدمون ونفس شي الاجبان في ريجيم اتكنز ناكل بس الاجبان الغير مطبوخه وبكميه محدوده مو سايبه مثل د دشتي للعلم انا كان وزني قبل ريجيم اتكنز 86 كيلو ووصل بعده ل 64 كيلو وحاليا للاسف رجع 72 وودي انزل 4 كيلو بس فراح احاول اطبق اتكنز مده 3 اسابيع او اثنين وانتبهوا النزول يكون اسرع مع المشيييييييييييييييييييييييي لاتنسووووووووووووووووون من غير مشي ينزل شويه بس وممكن بس مايزيد موفقين جميعا واذا حبيتوا اي استفسار حياكم الله :)

سلام عليكم بنات انا زمان عن منتدى الريجيم بس مريت وقريت كلامكم فحبيت اقولكم تجربتي من مده...