تجمع خاص لمتبعات رجيم اتكنز ، دشتي(البروتينات)

سابرينا 2005 • 20 سنة

سلام بنات شخباركم00 ماتصورون كيف متعبني هالريجيم بس لايأس مع الحياه
وراااااااااك وراك ياالرشاقه000
امس الصبح شربت كافي مع حبة سكر سبليندا والساعه 1الظهر قليت بيضتين وحطيت عليها
شريحة جبن كرافت000وقعدت عليها الى الساعه 9بالليل وقليت بصله كبيره وحبة كوسا
وحبة باذنجان واكلتها مع ملعقتين مايونيز وعينكم ماتشوف الا النور ذبحني طفح على كبدي
الين اليوم الصبح 0000بالنسبه للماء اشرب 8اكواب يوميا 00ولاافكر اوزن الا بعد
10ايام من بداية النظام يعني بعد 3ايام000
وش رااااااااااااااااااااااااايكم؟؟؟؟؟؟؟؟؟؟؟؟؟

^^بنت الكويت^^ • 20 سنة

Q8ShrooQbg :

بنت الكويت شلووووووونج ؟؟؟ انا جربت انواع كثيره من الرجيم المختلفة وكنت اضعف بس تاركه الرجيم صارلي سنتين مابديت والحين اول بدايه لي برجيم دشتي بس ماني عارفة ليش صعد وزني :((( وخليني اقولج شنو اكلي كل يوم الفطور : قطعتين جبن كرافت + نسكافية مع كوفي ميت مع سكر السويت اند لو الغدا : دجاج مشوي او مقلي مع سلطه سيزر والسلطه عبارة عن خس + خيار العشا : 3 همبرجر لحم مقلي مع سلطه احيانا بين الوجبات : اطلب من ستاربكس اسبريسو فرابتشينو بدون الكافيين مع الكريمه فقط او الجلي قليل السكر .. اذا في اي غلط في نظامي قوولولي لاني قاعده امشي على النظام بالضبط ومو قاعده اخربط بولا شي :(

بنت الكويت شلووووووونج ؟؟؟ انا جربت انواع كثيره من الرجيم المختلفة وكنت اضعف بس تاركه الرجيم...

هلا حبيبتي

سلطة سيزر الصلصة الي فيها فيها سكر

الكريمة لاتكثرين منهااا حاولي تاخذينها بالاسبوع مرتين بسسس

الجلي لازم يكون خالي من السكر ولا يخترب نظامج

جربي هالاسبوع وحاولي تاكلين سلطة مره باليوم وان شاءالله تنزلين

^^بنت الكويت^^ • 20 سنة

zOOna :

أختي Q8ShrooQbg أنا قاريه كتاب Dr. Atkins و هاذي ثاني مره امشي على ريجيمه واتمنى اني أقدر أفيدك.. اولا: سلطة السيزر, هل أنتي تاخذينها مع صلصة السيزر الجاهزه؟ لأن معظم الصلصات الجاهزه فيها نسبه من السكر والنشا.. وأقل كميه من هالمواد ممكن انها تبطل ريجيمك.. ثانيا: أنواع القهوه من ستاربكس وغيره تحتوي على الحليب والسكر فلازم اتراعين هالنقطه وايد زين ثالثا: الجيلي قليل السكر ممنوع .. لازم اتشوفين لك جيلي خالي من السكر.. لأن أقل نسبه من السكر في جسمنا راح تحفز الجسم لانتاج الانسولين وبالتالي راح يبتدي الجسم بمحاولة حرق هالسكر لانتاج الطاقه بدل لا يحرق الدهون المخزنه.. أتمنى تلاقين هالنوع من الجيلي في الكويت واذا لقيتيه خبريني لأني مو لاقيته في البحرين رابعا: تأكدي ان الهمبرجر ما يحتوي على السكر أو الطحين او البقسماط.. لازم تقرين المكونات قبل لا تشترين أي نوع الخضراوات محدده ب 3أكواب يوميا من خضراوات السلطه (مثل الخيار والخس والفجل والفطر والخضراوات الورقيه والبصل والطماطم بس لا تكثرين من الطماطم والبصل لأن فيهم نسب أعلى من الكربوهيدرات نسبيا.. تقدرين تستبدلين البصل العادي بالبصل الأخضر) أو كوبين من خضراوات السلطه و كوب واحد من الخضراوات الأخرى مثل البروكلي والقرنبيط والكرفس والباذنجان والكوسه لا تنسين على الأقل 8 قلاصات ماي و يفضل تجنب الشاي والقهوه اخذي من الصيدليه حبوب multil vitamins و fiber عشان اتعوضين الفيتامينات و تحاشيا للامساك وانا حاضره لأي استفسار

أختي Q8ShrooQbg أنا قاريه كتاب Dr. Atkins و هاذي ثاني مره امشي على ريجيمه واتمنى اني أقدر...

مشكورة على المعلومات المفيده

بس ديرو بالكم مو أي فيتامين يمشي مع الرجيم

جربو : أوميغا3 رووعه

^^بنت الكويت^^ • 20 سنة

زهره وبس :

مرحبا بنات انا جديده معكم وهذي اول مشاركه لي ياليت تتحملون اسالتي 1) هل في فرق بين نظام اتكنز ودشتي 2) شالفرق بين الجبنه المطبوخه والغير مطبوخه مع مثال على كل نوع 3) ياليت توضحولي نظام اتكنز بالتفصيل 4) انا طولي 157 ووزني 59 هل نظام اتكنز ممكن ينزلني 20 كيلو في شهرين ونص

مرحبا بنات انا جديده معكم وهذي اول مشاركه لي ياليت تتحملون اسالتي 1) هل في فرق بين نظام اتكنز...

هلا اختي وحياج الله معانا

في فرق بين النظامين بشغلات بسيطة منها ان الجبن المطبوخ ممنوع وهو
(جبن الكاسات - جبن السلايس - جبن المثلثات ....الخ)

المسموح بأتكنز : الجبن الابيض (جبنة الغنم) وجبنة الفيتا

وزنك يبيله صبر ورياضة

وعسى الله يوفقك

* جناين ورد * • 20 سنة

بناااااااااااااااااات الوزن :scream: :scream: ثبت بعد ما كان ينزل كل يوم نص كيلو.........والله حدي متضايقة :icon33: :icon33: