هلا والله بللي انضموا معنا :kissa:
وكيفكم بنات بشروني كم نزلتم الى الأن

انا الميزان جنني ومثل ما انتم عارفين انا خبصت قبل يومين لكن الأن شاده على نفسي حتى الطماطم بحاول الغيها اونادرا اكلها

المشكله كلها في الميزان ما هو راضي يثبت على وزن رغم انه جديد وشاريته من صيدلية النهدي

لكن بالنسبه لشكلي والله اتغير كثير وملابسي وبنطلوناتي اللي كانت مره ضيقه سرت مرتاحه فيها حتى اليوم في السوق امشي وكل شويه ارفع البنطلون يطيح مني رغم انه اول ابد ما كان ينقفل السحاب :icon28:

الحمد لله بس عسى الميزان يتحرك

ويا بنات كم مره سألتكم عن اسم ونوعية ميزان زين ما يغير الوزن كل ما طلعت ونزلت عليه :confused-

ويالله بشرونا عن اخباركم ودنا نتشجع :2thmup:

*دنيا من الألم*

انا يا اخت دنيا شاريه ميزان صارله عندي اقل من سنه و مريحني وايد و مشالله ثابت!! حتى لو انزل و اصعد عليه اكثر من مره يظل نفس الوزن، ماركته Tanita و فيه منه كذا نوع.....
و من انواعه :
- ميزان يقيس الوزن فقط
-يقيس الوزن و نسبة الدهون بالجسم
-يقيس الوزن و نسبة الدهون و عدد الكالوريز اللي تاكلينهم باليوم
و فيه ذاكره تخزنين فيها عمرك و طولك، و يسجل بيانات 5 اشخاص! و يقيس الوزن ابتداء من 1. و هذا اللي حبيته فيه, وايد حساس بالوزن و دقيق
و الله يوفقك حبيبتي و انشالله اكون افدتك :27:

اهلا بنات .....باركو لي ....واخيرا وبعد تردد سنوات هههههههههههه هاانا ابدا اول ريجيم في حياتي مع اني مرة كنت استغنيت عن وجبة العشاء والكل لاحظ اني نزلت كتيرا ......

المهم هذا اول يوم لي في الريجيم ....واقول لكم كيف كان برنامج اكلي وقولو لي هل اوكي؟؟؟؟
قمت ساعة 11 ...شربت نسكافيه بكوفي ميت وحليته بسبليندا ....بعد ساعة اكلت 2 شرائح ديك رومي مدخن....
تغديت الساعة 4 طبق سبانخ بالبيض وجمبري ببصل وبهارات وزيت زيتون..+ سلطة خس وطماطم ....
الساعة 7 شريت نسكافيه مثل الصبح
العشاء الساعة 10 2 شرائح مورتديلا وبيضة عيون .....
وبعد ذلك بساعة شربت كوب كبير شاي اخضر من غير سكر .....

مارايكم ؟؟؟؟؟بس ولا عملت رياضة غير شغل البيت العادي ....

وادعو لي لني اتبث على الريجيم واواصل ومااضعف ....

بنات ترى هالريجيم يمر عليج وقت يثبت فيه وزنج فعلا واذا بغيتيه ينزل اسرع امشي وازيدي الحرق

كوكونيوتي انا قصدت هالموضوع بكلامي ان وزني قعد ثابت تقريبا اسبوعين على ريجيم اتكنز وفجاه نزلت سبعه كيلو وصار ينزل بسرعه كبيره

والاخت اللي سالت عن الايدام طبعا تقدرين تاكلين بالملقعه من غير عيش او خبز ولازم تنتبهين مايكون فيه بطاطا او نشويات

ويفضل انج اول عشر ايام حتى المرق اللي فيه طماطم ابعدي عنه وابدي اكلي اي ايدام تحبينه ثاني مرحله

والقهوه ترى مسموحه بس الكوفي ميت والحليب ممنوع باول وثاني مرحله على مااذكر

حاولوا اول اسبوع والثاني تاكلون مشاوي ومقالي خضروات وبروتينات وسلطات وصدقوني هو تعب بس اول 3 ايام عقب تتعودون وتبدون تحسون بشبع

ونصيحه لاتوزنون وايد ويوميا كل اسبوع مره كافي بس التزموا بالريجيم وراح تذهلكم النتيجه

موفقين جميعا

الغالية جويل...أنا ابتديت أمس بالرجيم وانت ماشالله شكلج عالمة بخبايا هذا الرجيم...انا مرة سويته من سنة تقريبا وطحت بالمايونيز والأفكادو والجبن الفيتا طبعا مع المشاوي والمقالي ...نزل وزني اول شي بعدين وقف وصرت احس اني بتقيأ (سوري) من اللحوم والشحوم...ابيج تقولينلي شللي سويته خطأ واللحين شاسوي بالظبط ...وهل صحيح مثل ما قالت الأخت انة الطماط يسمن في هذا الرجيم.....سؤالي وآسفة على التطويل ..بخبرتج في هذا الرجيم شنو الأشياء المسموحة اللي تسمن أو توقف الوزن ؟؟؟؟وشنو الأشياء المسموحة اللي لو أقتصر الرجيم عليها بتكون أسرع في نزول الوزن ؟؟؟أنتظر ردك لأني ماباكل أغلب المسموح من الخوف من الفشل!!!!!!!