سنا بدر الدجى: لا أنا للحين في المرحله الأولى والله أعلم اذا عمري بنتقل للثانيه أو لا!! والسبب... الله لا يبلاج، ان انا معاي تكيس في المبايض ف نزول الوزن عندي صعب جدااااااا وبطلعة الروح.. تخيلي بالمرحله الأولى وعليها اكثر من شهر ونص .. ومانزلت الا 4 كيلو.. فماعندي جرأه أبداااا اني أزيد في نوعية وكمية الكربوهيدرات... مادري لي متى ببقى على هالحال!!
مع اني متأكده اني ماشيه أوكي.. تأكدت بالصدفه الأسبوع اللي طاف.. سمعي اشصار لي:
ياني الم في البطن (كالعاده) ف ركض على المستشفى عشان الابره.. وكالعاده سووا لي تحليل بول وانتي بكرامه فالدكتوره واقفه على راسي وتناقش الممرضه في نتيجة التحليل، فأسمعها تقول للممرضه بما معناه ان نسبة الكيتونز "ketones" عندي مرتفعه (والمعروف انها ترتفع لما تمشين على هالريجيم وفيه اختبار بسيط ينباع في الصيدليات تقدرين من خلاله تعرفين اذا انتي ماشيه صح على الريجيم.. بس أنا ما تعبت أدور عنه هني لأني ما توقعت القاه) فلما بالصدفه سمعت الدكتوره قالت جذي.. وين اتجوفيني .. ولا كأني أون من الألم.. طرررررت من الفرحه وطبعا خبرتها ليش الكيتونز مرتفع عندي..
الخلاصه،،، اني حتى وانا متأكده اني أسوي كل شي صح.. هم وزني ما ينزل بسهوله.. لدرجه تييب الاحباط..
بس عموما>>>> توها تجاوب السؤال عقب ما قالت قصة حياتها!! .... عموما، في المرحله الثانيه تبتدين تزيدين 5 جرامات كل أسبوع وتشوفين نفسج تتحملين هالزياده في الكربوهيدرات بدون زيادة وزن أو لا.. وتضيفينهم أسبوعيا وتختبرين نفسج الى ان تحسين انج زدتي، على طول تنقصينهم 5 مره ثانيه، يعني الفكره انج تعلمين جسمج (او بالصح أنتي تتعلمين مدى تقبل جسمج لأي حد من الجرامات)
في هالمرحله تدخلين بعض الفواكه مثل التوت والفراوله وال.. blueberry وهالفصيله عموما.. واذا انا مو غلطانه.. بعض المكسرات.. أقدر اتأكد لج عن هالنقطه..

وااسفه على القصه الطويــــــــــــــــــــــــــــــــــــــــــــــــــــله..

سنا بدر الدجى
تنميل الريوول ماصادني..
بس ليش ماتراجعين الدكتور بخصوص تعب القلب؟؟؟ لا تهملين

زوونا...
مشكوره اختي على تجاوبك معي..
خليها على ربك..
ابوي رجال كبير ..ومو حمل مشاوير كثيررره ومضطره اسكت..لا شفت الحاله زادت باخذ الفيتامينات واذا مانفع باوقف الريجيم..
والله يعين..
ماعندنا رجال نعتمد عليهم بالمره..غير الوالد وصعبه احمله هم كل شيء..فالسكوت افضل..

سنا بدر الدجى : ما يصير تسكتين.. على الأقل سألي أو سوي بحث في الانترنت أو راسلي د.حسين دشتي؟

السلام عليكم ورحمة الله وبركاته
احب اشكر بنت الكويت على جهدها الكبير والواضح في تفصيل هالرجيم
لدرجة حمستني كثير اسويه
انا لي يومين مسويته ونزلت علية 1كليو وان شاء الله استمر
بس لي شوية اسئلة يليت بنت الكويت او اي احد عنده فكرة يجاوبني
1/ الكريمة المخفوقة ..........احترت ناس تقول مسموحة وناس تقول لا
2/ المايونيز .......عادي والا لايت
3/ البامية , الكوسا , الطحينة , صلصة الطماطم ,صوص السلطات
4/ قرات ان بعض البنات يستخدمون خبز من دقيق الصويا هل مسموح ووين القاه
واعذروني عن كثرة اسئلتي بس والله من زود الحماس
تحياتي للجميع ..............