انا اتبعت هالرجيم من شهر 3 وخليته خمسة عشر يوم بس نزلت عليه 19 كيلو في

بس امس خربطت ووزني مثل ماهو 88 بس زاد كم غرام كان 88.5 وصار 88.9

امس كلت نقتس مع بقصمات وربيان

مادري شفيني امس شهيتي مفتوحه بس من اليوم برجع اشد على نفسي واكمل انشالله لين اوصل ال59

بعدين ابدا المرحله الثانيه والله يسهلها واقدر انشالله :)

انا اول مره يعني اسوي هالرجيم .. المرحله الاولى مرت بسلام وكل شي كان واضح بس الحين انا محتاره في المرحله الثانيه الصراحه مب فاهمه كيف يعني ازيد 5 جرام ؟؟؟؟؟؟

اختي ممكن تعطيي مثل على يوم كامل من المرحله الثانيه ؟؟ عشان اعرف بس واخذ فكره لاني مب فاهمه شي ومابي اخربط او اوقف الرجيم دام عندي عزيمه اني اكمل ..؟؟؟ يا ريت تساعددوني

عندي استفسار
------------

هل ممكن اكل الفشار ؟؟؟ لاني صراحه وحده كل يوم اروح السينما وخاطري اكل بوب كورن هههههه
كمية 5 جرام يعني شكثر بالظبط ؟؟؟؟
عادي اشرب لبن في المرحله الثانيه ؟؟؟
ممكن اكل تفاح او نوع من الفواكه المسموحه كل يوم ؟؟؟
ولا احدد لي مرات بالاسبوع ؟؟

هل الرياضه ضروريه في هاذي المرحله؟؟

ومشكورين انتظر الردووود

بنات مدري اذا نظامي صح ولا لا

شوفو وقولولي

الفطور مااكثر لاني مااشتهي بيضه وزيتون

والغدا سلطه مه كباب او شيش طاووق زملعقة مايونيز
والعشا لحم مشوي

لاتقولون تحب الاكل مع اني احط حيلي بالدجاج واللحم الا اني احس بجووووووووووووووووووع

وبالليل اكل جبنة كيري اتلهى فيها

نظامي صح ولا غلط

طيب بين الوجبات اكل شي بسراحه اجوع
لاحلا ولا فطاير

ابصيييييييييييييييييييييييييييح

أوكي، أنتي في المرحله الأولى كنتي تاخذين 20 جرام من الكربوهيدرات في اليوم، وهالعشرين جرام كنتي تاخذينها على هيئة خضراوات،، صح؟؟

الحين بتبتدين بالتدريج تزيدين مقدار الجرامات،، بتزيدين 5 كل أسبوع،، لكن هالخمسه مب على كيفنا،، لا،، الريجيم محدد لنا شلون ناخذهم

الأسبوع الأول ما راح يتغير وايد عن المرحله الأولى،، بتاكلين نفس الأكل، بس بدال لا تاكلين 20 جرام من الكربوهيدرات في اليوم، بتاكلين 25 جرام وطبعا كلها من الخضراوات اللي كانت مسموحه في المرحله الأولى، ما راح تتغير النوعيه

بعد الأسبوع وزني نفسك، اذا زدتي أو ما نقصتي، رجعي للمرحله الأولى لأنك بتكونين للحين تحتاجينها
أما اذا شفتي وزنك مازال ينقص، يا أنك تستمرين على نفس الوضع لمدة أسبوع ثاني (وأعتقد هو الأفضل) أو اذا انتي مليتي من هالأكل وتبين تغيرين بسرعه، تنتقلين للأسبوع الثاني ،، اللي هو بتاكلين نفس الأكل اللي قبل، مع فرق انك بتزيدين أجبان كريميه (كانت شبه ممنوعه في المرحله الأولى) ، بتزيدينها بمقدار 5 جرامات من الكربوهيدرات فقط، في هذا الأسبوع، ما راح تقدرين تضيفين أي شي لريجيمك غير عن الأجبان الكريميه

تجين بعد الأسبوع الثاني توزنين نفسك ،، اذا زدتي،، ترجعين لنظام الأسبوع اللي قبله (اللي هو تقريبا نفس المرحله الأولى بس بدال 20 جرام في اليوم تاكلين 25 جرام)،، واذا نقصتي،، تقدرين تواصلين للأسبوع الثالث من المرحله الثانيه (أو اذا حبيتي تستمرين أكثر من أسبوع ما يضر)

اذا واصلتي للاسبوع الثالث، تبتدين تضيفين المكسرات والحبوب لريجيمك تراعين ان الكميه اللي تزيدينها ما يكون فيها مقدرا الكربوهيدرات أكثر من 5 جرامات في اليوم ومو أكثر،، يعني على هالأسبوع بيكون المجموع عندك تقريبا 30 جرام من الكربوهيدرات في اليوم، عباره عن أكل المرحله الأولى + الأجبان الكريميه + المكسرات والحبوب

ونفس الشي، في نهاية الأسبوع توزنين، اذا زاد وزنك ترجعين لنظام الأسبوع اللي قبله (يعني تلغين المكسرات مره ثانيه) واذا استمر الوزن بالنقصان تواصلين للأسبوع اللي بعده واللي مسموح لك تضيفين لنظامك 5 جرامات من الكربوهيدرات تاخذينها من بعض أنواع الفواكه مثل الفراوله والتوت والبلوبيري

بعد نهاية الاسبوع، اذا زدتي (أو اذا ما نقص وزنك) تلغين الفواكه اللي أضفتيها وترجعين للأسبوع اللي قبله اللي كنتي تاكلين فيه مكسرات،، واذا نقص وزنك، تقدرين تبتدين تضيفين 5 جرامات اضافيه من الكربوهيدرات تاكلينها عن طريق البقوليات

ونفس الشي توزنين في نهاية الأسبوع، اذا استمر وزنك بالنزول، تضيفين 5 جرامات اضافيه في الأسبوع اللي بعده ، تاخذينها من أنواع الفواكه الثانيه (هنا تقدرين تاكلين التفاح!!) بس مو أكثر من 5 جرامات من الفواكه مثل التفاح والبرتقال والبطيخ والعنب بالاضافه طبعا للخمس جرامات اللي في التوت والفراوله..

الأسبوع اللي بعده تقدرين تضيفين 5 جرامات من الخضراوات النشويه اللي كانت ممنوعه علينا في المرحله الأولى مثل الجزر والبطاطس والذره ،، لاحظي ان احنا لازم نمر بكل المراحل اللي قبل بسلام واستمرار في نقصان الوزن عشان نقدر نبتدي نضيف البطاطس وغيره

وأخيرا لما تعدين كل هالمراحل بسلام ونقصان في الوزن تقدرين تاكلين whole grains


أتمنى اني شرحت بطريقه مفهومه...





الفشار ممنوع - أكليه في يوم البريك ، اذا انتي ناويه تاخين بريك.. :)
اللبن ممنوع
التفاح مسموح ولكن بعد ما تكونين مريتي بكل مرحله من مراحل الأسبوع الثاني،، يعني بالتدريج تضيفينه مو على طول
الرياضه دايما ضروريه طبعا حق الجسم ،، ولكن المفروض لو اتبعتي زيادة الجرامات بالتدريج الصحيح المفروض وزنك يستمر بالنزول حتى بدون رياضه

نظامك صح
وقت الجوع تقدرين تاكلين تونه أو مرتديلا أو شرائح الديك الرومي أو أجبان
ولما تشتهين شي حالي تقدرين تاكلين جيلي خالي من السكر مع قيمر أو كريمه مخفوقه