احلم بالسلام :

ميرسى على كلامك الطيب ,ولا مش واضح من كلامك يعنى ممكن العيب منى لانى بقرأ بالمصرى ..:) ريجيمك رائع جدا بس هكون صريحة معاكى انا مش هفكر اطبقه لانى 1- مش بشبع فى اى ريجيم الا ريجيم اتكنز 2-من قراءتى لمتقطفات من كتب اتكنز مقتنعة جدا بالنظام وبالاسس العلمية المبنية عليه. 3-اتكنز اكتر ريجيم بيبان فى المقاييس وبيخلص الجسم من دهونه العنيدة اللى فى الخصر والبطن ..يعنى بيعمل تنسيق للجسم. 4- انا من النوع اللى مش بحب اغير ريجيمات لانى عارفة انى هتخلبط وممكن ابطل ريجيمات من اساسه اما حكاية دمج نظامين غذائيين مع بعض فالحيلة دى مش بتنفع نهائى لان فيه انظمة مبنية على فكرة مناقضة لفكرة الانظمة التانية ...مثلا تطبيق اتكنز والسعرات مع بعض( زى اللى بيحاول يقلل من اكله فى اتكنز ويقلل من الدهون ويحاول انه مايخدش الا 1000 سعر يومى)فده نظام خاطىء جدا لان اتكنز اوصى ان عدد السعرات للمرأة لازم مايقلش عن 1500 سعر يوميا ولان الدهون هى العامل اللى مبنى عليه اتكنز فماينفعش نقننها او نقلل منها...انا بحاول اخد من كل نظام جديد شوية ارشادات اضيفها لنظامى ..بس مش بخل باسس النظام بحجة تسريع نزول الوزن ..لان صدقينى ده هيكون السيناريو المتوقع ..هابدأ اضيف الفاكهة الى نظامى..وهقلل الدهون مثلا (وعلى فكرة ده نظام بردو اسمه ساوث بيتش) لكن الحقيقة انى اول ماهرجع ادوق طعم الفواكه الجميل تانى هلاقينى بشتاق للسكريات والحلويات (واقول لنفسى يااه ازاى انا حارمة نفسى من كل المتعة دى) مرة ورا مرة هلاقينى مش قادرة اتحكم فى الكمية اللى بخدها من السكريات (وده طبيعى جدا لان السكريات بتحفز الانسولين اللى بيزود الشهية وبيحسس الانسان انه لو مكلش اى حاجة حلوة فورا ممكن يموت او يجيله صرع) كل ده وانتى بقالك شهور ماكلتيش اى فواكة او حلويات او شوكوليت فكرك هتعرفى تسيطرى على نفسك (صدقينى لا مش هتقدرى) علشان كده انا متمسكة باتكنز بايديا واسنانى ومش هفرط فيه ابدا لانه فعلا الافضل. هتوحشينى والله انا متابعة يومياتكم من زمااان وفعلا اتعودت عليكم جدا...تروحى وترجعى لنا بالسلامة يارب تلميذتك ياباشا انتا الاصل والباقى تقليد معنوياتى مع الريجيم عال العال بالرغم من تباطؤ النزول لكنى الحمد لله راضية وصابرة ومكملة نحنا هنا ..ومعاكى حق الجو النهاردة نااار ..ربنا يصبرنا والله قلت آمين من قلبى ..ربنا يعوض صبرك خير يارب

ميرسى على كلامك الطيب ,ولا مش واضح من كلامك يعنى ممكن العيب منى لانى بقرأ بالمصرى ..:) ريجيمك...

زعلانه. من. الدنيا :

ازيكم يابناااااااااااااات عقد لولو ترجعيلنا بالف سلامه ياحبيبتي ويارب تكون اجازه سعيده احلم بالسلام منوره ياقمر ورده فينك تيرااااااااا معلش متزعليش نفسك كل تاخيره وفيها خيره باذن الله وربنا يرزقك بالحمل السليم المكتمل ويجمع شملك باهلك علي خير يارب انا اليومين دول نفسيتي تعبانه معرفش ليه دايما مخنووووووووووقه وزهقانه ومش طايقه حد وبالنسبه للاكل بابقي جعانه اوووووووي بس ماليش نفس اكل(حد فاهم حاجه) لدرجه ان بقالي 3ايام مش باكل غير جبنه وشاي بنعناع وبس ماليش نفس لحاجه ابداااا انهارده صحيت من النوم مخنوقه برضه والجو كان بجد يخنق لواحده اكلت جبنه بيضا وفلفل اخضر وشربت شاي وبعدين اختي اتصلت وقالت انها هاتعدي علي قولتلها تجيبلي معاها مانجو واكلت 3وحدات علي مدار اليوم يعني اتغديت مانجو الغريب اني بعد مااكلت حسيت اني مش مبسوطه باعكس متضايقه اني اكلت وبوظت الرجيم ففضلت ادور علي العدادات علشان اطمن نفسي ولاقيت ان واحده المانجو فيها 6.3جرام كاربز يعني انا كترت الكاربز بس ان شاء الله مخرجتش من الرجيم خالص مش عارفه في ايه ومخنوقه كده ليه بس ربنا يسترررررررررر

ازيكم يابناااااااااااااات عقد لولو ترجعيلنا بالف سلامه ياحبيبتي ويارب تكون اجازه سعيده...