تعالوا اقول لكم ليه الوزن يرجع بسرعه بعد الرجيم و اكثر

السلام عليكم و رحمة الله وبركاته

اكيد مستغربين كلكم ليه يا ترا الوزن يرجع بسرعه بعد الرجيم

و متداوله عبارة الي تنزل بسرعه يرجع بسرعه

انا اقول لكم السبب و افهموه تمام

السبب نظامك يا حلوه

اغلبكم يسوي نظام مجوع وجبه وحده في اليوم

او تمرات ولبن و مويه

او سعرات ما تتعدي ال500 سعره او 300 سعره

طيب يا ستي مو الجسم زيه زي اي شي ثاني يتعود

يتعود على ايش على كميه الاكل اللي تعطينه هيا وقت الرجيم

فلما تستمرين تعطينه 300 سعره او 500 سعره حراريه في اليوم على مدار شهر او شهرين او ثلاثه

الجسم يتعود يحرقهم و ينقص و خلاص يتبرمج على كذا

فتنحفين لكن لما توصلين لرقمك اللي حلمتي توصلين له

طبيعي تفكين الرجيم ولما تفكينه تلاحظين بسرعه بسرعه الوزن يرجع وهب 4 كيلو في اسبوع

وتتعب النفسيه و كل شهر وانتي راجعه لمكانك

و تقولين هذا الرجيم ماينفع لاني رجعت زدت

طبعا هو الرجيم ماينفع لا هو ولا غيره اللي ينفع

هو كيف سويتي الرجيم

سبب الزياده هو تعويدك للجسم حرق كميه قليله من السعرات

فلما تعطينه بعد فتره و بصوره مفاجئه سعرات عاليه ايش تتوقعين يسوي ؟

يحرق السعرات اللي متعود عليها و الباقي يحطه على جنب في الحفظ والصون

ولا يحرقهم ولا لسى تبرمج يحرقهم و يظل يراكم على جنب كيلو ورا كيلو ورا كيلوا

حتى يرجع يتعدل النظام و يرجع ينشط الحرق عندك و يبدا يتوازن ولكن بعد مايرد لك كيلوات فوق اللي خسرتيهم

و لذلك نرجع نتخن اكثر ما كنا قبل الرجيم

و الحل فين الحل هو بالنزول البطئ المتوازن و مساعده الجسم على زياده كميه الحرق بدل قلتها

و ذلك بعمل رجيم متوزان كامل السعرات حسب الطول و الوزن والاحتياج اليومي

مع عمل تمارين مناسبه للمساعده في تقويه غدد وهرمونات الحرق

وهذا هو فقط النظام الناجح

و سلامتكم