تعالوا ياأمهات نطرح ماعندنا من وجبات صحيه لأولادنا

ما عندي اطفال بس صاااااااااادقه انتشرت السمنه بشكل فضيع وحبهم للوجبات السريعه عاد هذا موضوع لووووحده مشكلللللللله للاسف موضوووووووعك رااااااااااااااااائع

انا افضل عمل ساندوتشات الجبن للمدرسه لان الجبن مايفسد وبالبيت العصر لما يجوعوا اسويلهم تونه مع بقدونس وليمون واحشيها بتورتيلا واضغطها باله الساندوتش المخططه تكون حاره ولذيذه وشكلها مرتب او احشيلهم بيض او شكشوكه او جبنه ماعز بيضاء اسمها الفريده ماتلقيها الا في المحلات اللي تبيع المنتجات الشاميه مع بقدونس وانا حريصه على ادخال البقدونس والطماطم مع اغلب اكل اولادي لاني احسهم من افيد الخضار وبالنسبه للحلويات والشيبسات مستحيل اشتري كرتون ابدا اشتري لما اروح السوبر ماركت كل اسبوعين مره اسمح فقط بالشوكولاته مثل التويكس او الكتكات الشئ الى ماقدرت امنعه هو البيبسي الله يهديهم وهم راجعين من المدرسه يشترون حبه يشربوها مع الغداء والعشاء اسخنلهم علبة فول مدمس مع ثوم محموس وبقدونس وليمون والله لذيذ واحيانا احمس لهم لحمه مفرومه طازجه مع بصل وثوم وعصير طماطم وصلصه وياكلوها بخبز ماحط معلبات مثل القشطه والزيتون الا نادرا واعملهم بعد صينيه عباره عن بطاطس مسلوقه بعدين مهروسه مع بيض وبقدونس وجبنه على الوجه مبشوره بالفرن احسها مره طيبه مع سلطه وفي حركه اسويها مع اولادي وهم صغار علشان احببهم بالفواكه مااشتري انا الفواكه اخليهم هم يختارون اللي يعجبهم شكلها واحسسهم اني شاريتها لهم وهم يقررون الكميه يعني مااشتريها مع مقاضي البيت لا اقولهم الله حلوه اشكالها والوانها تتوقعون طعمها حلو وكل نزله يختارون يا فراوله ياكيوي ياجوافه مستحيل اشتري منها دائما كراتين علشان مايملوها والكريم كراميل خلاص مسحته من حياتنا لانه يسبب فرط الحركه والكتشب عندي استخدامه بحدود لان فيه نفس الماده اللي بالكريما والبساكيت اشتري فقط بسكوت شاي اولكر وبسكوت ديما بالفانيليا و بسكوت مالح والغداء من الليل اسئلهم وش تشتهون وهم يقولون واحيانا انا اقترح عليهم كذا طبق وهم يختارون لان اهم شئ ان الواحد يكرم النعمه وياكلها وعندي بالبيت مستحيل اطلب من مطعم وجبات سريعه مافي مطعم يدل بيتي بالشهر مره شاورما ومره فلافل وكل شهرين وجبة كباب والمطاعم السريعه فقط في المولات اذا رحت اتسوق واحاول اقنعهم بالبيتزا احسها انظف ولا فيها لحم

فكره روعه وياليت نتعاون فعلا ونجمع بهالموضوع كذا وجبه تكون مغذيه وصحيه بصراحه مرررررررررره احتار اش اعطيهم بين الوجبات 0000طبعا انا اعطيهم ساندويشات جبن وزبدة الفول السوداني وتونه وبيض واقلي لهم بطاطس مع كاتشاب او اسوي كيكه او شابوره مع شاهي او اقطع سلطه متنوعه طماط خيار بقدونس جزر خس واحط شوي خل وليمون وملح 00 ونااااااااادرا اسوي شوربة خضار او اندومي بس نادرا واحيانا اسوي بيض مقلي واخلط معاه بقدونس وشوي طماط وابشر فوقه جبن كرافت وادخله الفرن يطلع زي الكيكه مره احب هالاكله بس هذا ماعندي وننتظر الامهات السنعات يفيدوننا وشكرا

انا مهملة في اكلهم ولكن رحت مرة على جدتهم وكانت مسويه رز مصري على مرق خضار مشكلة لاحظت انهم تقبلوة وهو سهل في الطبخ ولكن يروح عن بالنا هالاشياء السهلة المفيدة مثل القرصان الجريش المرقوق القرص الحنيني بالتمر او العسل ................
المفروض نحط لها قائمة بالاسبوع
خلونا نقول لبعض طريقت كل وحدة في صنعها بااسهل الطرق...............شرايكم

مشكورات عالردود الحلوة اللي تثلج الصدر وننتظر المزيد من كل أم تحرص على صحة عيالها من مخاطر الوجبات السريعه والحلويات والتشيبسات اللي يعشقونها الأطفال
نبغى ثقافه صحيه عشان صحة أولادنا بالحاضر والمستتقبل كل من الأمراض المزمنه كالسمنه والسكر وقلة المناعه
لاهيه بعيالها عجبتني افكارك مره وكذلك أختي جنوبيه
أختي سماء كأنك تتكلمين عن الوالده الله يحفظها تحب تسوي أيدام اوملوخيه مع رز أبيض والله أولادي يحبون أكلها
أما انا يعتمد غالب طبخنا عالكبسات والمكرونه وطقتها بس مسويه حملة انتفاضه ضد كل الأكل اللي يسبب السمنه
وأبدله بالكل الصحي السليم
لاتحرمونا من تجاربكم يالغاليات