ديما
كلامك جدا رائع
الف شكر على مرورك ومتابعتك

تحياتي يالغالية

بسم الله الرحمن الرحيم
رب لا تذرني فردا وانت خير الوارثين


راح اكتب برنامج اليوم اللي ما امداها تشوف البرنامج عادي تبدا من الوقت الليشافت فيه الموضوع يا بنات


بنسوي شوي تغيير

تغيير حلو

تغيير عشان نكون افضل من جميع النواحي

وعشان نتعلم من هالحياة

وعشان نعيش براحة وسعادة بإذن واحد احد

وعشان نكسب الاجر بالنية الصافية

بسم الله نبدأ

الريجيم..........

كملوا يا بنات شدوا حيلكم اللي خلاكم تبدوا بيخليكم ان شاء الرحمن تكملوا
كلها فترة بسيطة وترتاحوا
حبيباتي
لا تخربوا الريجيم ولا تضعفوا امام اي من الاغراءات
اقولكم فكرة حلوة
خلي عندك صورتك من زمان لما كان جسمك حلو
او صورة لجسم حلو
وكل ما بغيتي تاكلين وحسيتي خلاص منتي قادرة تقاومين روحي شوفي الصورة
واذكري الله وقوي نفسك
اذكري ان الله سبحانه وتعالى خلق السماوات والارض في 6 ايام
وهو قادر انه يخلقهم في رمشة عين
وذلك عشان نتعلم الصبر والتأني
اصبري
وقاومي
منتي اقل من غيرك اللي نحفوا
ولا هم احسن منك
تراهم مثلك يحسون بالجوع لكن روضوا رغباتهم الين وصلوا لغايتهم
مافي احد يوصل للقمة بسهولة
ابدا
الصبر صفة حلوة في كل الامور
وتذكري
((ان مع العسر يسرا .. ان مع العسر يسرا))
وتذكري
كلما ضاقت حلقاتها فرجت

ولا تزعلوني منكم يا احلى اخوات في الدنيا
خلينا نكون واقعيين
انا لو انتوا نحفتوا او سمنتوا والا صرتوا حلوين والا شيون ما راح استفيد شي
لكن يشهد رب العالمين اني احبكم حيل ولأني اعرف ان اللي اعاني منه يعاني منه كثير عشان كذا ابي نفرح كلنا سوا لأن بالاخير حنا اخوات في الله
ومالنا غير بعض في يوم من الايام
والمحبة نعمة من الله رب العالمين عشان كذا شدوا حيلكم

<<<<<<<<<لاحظوا اليوم مافي تهديد عشان تحسون بالحنان شوي لأن التهديد دائما مايفيد ولا ينفع


الرياضة........

زي ماقلنا
المشي 45 دقيقة
و15 دقيقة خلوها تمارين شد او اي رياضة تفضلونها...
وشدوا حيلكم
الرياضة مو بس للرشاقة
لا راح تنفعكم بعدين اذا عجزتوا وحمتكم بعد حماية الله سبحانه من امراض كثير ومنها هشاشة العظام.... وبتقولون بإذن الله الله يذكر ميسون بالخير


الشعر ....

انا بكرة بحط زيت لمدة ساعتين
ان شاء الرحمن الرحيم
حاولي اذا حطيتي زيت تسوين مساج لفروة راسك 10 دقايق عشان تحركين الدورة الدموية......


البشرة....

راح نسوي خلطة الموسوسة للتشققات وخلطة الخل برضو اللي قالتها المسوسة

طبعا خلطة الخل اذا ما سويتيها حطي بدالها خل تفاح على بطنك مثلا ولفيها بالنايلون الشفاف حق الاكل والبسي وروحي امشي

وحطي على صدرك خل تفاح

وللركب والكيعان
ارجع اقول الليمون
احسن شي الليمون قبل لا تدخلين تتحمين حطي الليمون حتى لو ما تبين معاه حليب مجفف
حطي ليمون من ربع الى نصساعة وروحي تتحممي

في الحمام الله يكرمكم
سووا تقشير لجسمكم
انا استخدم تقشير افريكا سبا من بودي شوب بصراحة حلو وريحته حلوة

اخر شطفة لشعرك اشطفيه بغطا قارورة خل اسود مع قدر موية
وانتبهي لا تدخلي الخل والموية في عيونك واكتمي نفسك عشان ما تنكتمين
وبقولكم فوايده.......
يعطي لمعة خرافية للشعر ويوخر القشرة

بالنسبة للبشرة
حطوا الليمون والزبادي
وحطوا من خلطة البابونج
ومسحي وجهك بموية الورد بعد كل ماسك
اما الماسك الثاني راح يكون
م دقيق
قليل من الحليب
قليل من عصير الليمون
م عسل
يوضع على الوجه والرقبة 20 دقيقة ثم يمسح بقطنة فيها ماء ورد ثم يشطف بالماء البارد
الماسك الثالث
4 م ماء
مص نشا
م ص ماء ورد
نحركهم شوي على النار حتى يثخن واذا برد نحطه على الوجه لمدة 20 دقيقة واغسليه
القناع الرابع والاخير:
م عسل
م ماء ورد
حطيه على وجهك ومنطقة حول العينين والعنق ((كل الماسكات حطيها على رقبتك بعد))
واتركيه من 20 الى 60 دقيقة ثم يغسل بماء بارد

فيه اشياء ثانية ودي اسويها دامنا فاضيين

وش رايك تسوينلك حصالة
لا تضحكون
فعلا فكرة حلوة
كل يوم حطي فيها اي مبلغ
ولا تفتحينها
يمكن يجي يوم الله لا يقولها تصيرين محتاجة
وحتى اذا ما احتجتي
بعد فترة افتحيها وتبرعي للمؤسسات الخيرية باللي فيها
مافي احلى من مساعدة الغير ودعوة في ظهر الغيب لك

الفكرة الثانية
ابقولكم على اسم كتاب ياريت تروحون تشترونه وكلنا نقراه سوا
وكل يوم نقرا فصل
فائدة وثقافة وعلم
يا شينك بعد وانتي قاعدة بمجلس وانفتح موضوع ولا تعرفين تجاوبين او تناقشين

وش رايكم فيه كتاب حلو راح نبدا فيه من بكرة بإذن الله اسمه

كيف تضاعف ذكاءك
للمؤلف
سكوت وات
وهو من اصدارات جرير
انا راح ابدا فيه من بكرة اللي تبي تبدا معي تتفضل على الاقل سلي نفسك وانتي حاطة الماسكات بدل الطفش وتضييع الوقت بدون فائدة


شي بعد
راح اقولكم طريقة تختمين كل يوم جزء من القران بسهولة وويسر
بعد كل صلاة اقري صفحتين
يعني صفحه وجه ووجه
وصفحه وجه ووجه

بتلاقين نفسك اخر اليوم مختمة جزء بكل راحة وسهولة

طبعا لا تنسون بعد صلاة الفجر والمغرب
تقررون اذكار الصباح والمساء
انا عندي كتاب فيه اذكار الصباح والمساء مرة حلو اذا تبون اكتبلكم ايش الادعية اللي فيه انا في الخدمة


غير كذا


ودي نسوي نشاط جماعي

لا تستغربون
يمكن احنا اللي نقدر نسوي شي نغير فيه اشياء كثيرة في المجتمع وقبل في اسرنا وانفسنا

انا بقترح عليكم كم شي

مثلا ليش ما نخصص يوم في الاسبوع
نروح نزور دار العجزة ونعطيهم الدعم المعنوي او الايتام او المعاقين او غيره

او مثلا
نسوي بحث عن موضوع معين
نروح المكتبة
وندور في الانترنت عن اي موضوع معين
والله شي حلو ومفيد

وش رايكم يالله علموني

انتظركم
تحياتي يا اخواتي

ماشاءالله بروجرام كامل متكامل ومفيد ياميسونه واليوم الي تقررين فيه الذهاب لدار عجزه اوايتام بلغوني والله العظيم انو لي فترا افكر في هالموضوع بس مااعرفلهم طريق

ولالقيت من يشجعني على هالاعمال الى درجة كنت ناويه اعمل متطوعه في احد الجمعيات وكلمتهم فعلا بس ماشاءالله كانو مكتفين
اليوم الي تقررون بالرياض تروحون ابد اعلنوه هنا وانابروح معكم ومافي احلى
من التعاون الله سبحانه خلقنا نعين ونعاون والناس بالناس والكل بالله
ويد الله مع الجماعه الله يقوينا وياكي يااميسونه الحلوه
وبرنامجك ححاول اعمله انا توني جايه من زواج بنوووم واصحى باذن واحد احد
واطبقه بارك الله فيك

يسلمو .................... الله يعطيك العافيه ...................

ما رديتوا علي كيف كان برنامجكم اليوم


الموسوسة تسلمين يا بعدي على مرورك

mazagea
حبيبتي شوفي اي يوم يناسبك وانا على اتم استعداد اني اروح