حبيبتي من كلامك احس ان زوجك يقدرك ويخاااف عليك والاشياء الي قلتيها عنه ماتعجبك هي عيووبه وكل انسان فيه عيوب مااحد كامل

اقولك شو مشكلتك !!!

انه محاصرك باهتمامه لا تستغربين ترا الحريم ماينلامون فيهم ماحد يعرف لهن يعني اللي مهتم فيها زوجها وايد ويعاتبها وايد ويبغي يكون معاها بكل شي تمل وتبغي حريتها واللي سافها ولا معطيها وجه كله تقول مب معبرني وسافهني ومطنشني وهذا كله شي عادي يعني تعالي قيسيه على الرجل ترا نفس الشي ساعات ازواجنا يطفشون من محاصرتنا واهتمامنا الزايد فيهم بس لو يوم طنشنا شوفي كيف يزعلون

مشكلتك يا عمري بسيطه انتي تبغين تنطلقين شوي وتعيشين براحتك بدون تدقيق يعني بيبي صغير وزوج مثل زوجك يخلونك دايما عايشه على اعصابك ومتوتره

نصيحتي وانا اختك هل تحسين انه لو خفف اهتمامه وتدقيقه بكل شوي راح تحسين بالراحه اذا كان جوابك نعم قعدي معاه قعده هاديه وقولي اللي في خاطرك وممكن تروحين يوم كامل بيت اهلك مثلا وتتفقين معاه يعني مثلا جيبي عذر انه عشان يشتاق لك لا يتصل فيك ولا انتي تتصلين فيه وريحي شوي وممكن تخلين ولدك عند وحده من خاالاته او اهلك وروحي تسوقي تغدي برا غيري جو وارتاحي وشوفي كيف بتشتاقين لحنته ومكالماته

هذي نصيحتي لك قعدي معاه ومن باب تغيير جو وانه فرصه تغيير له ولك يطلع فيها هو مع ربعه بيت اهله على راحته وانتي بعد وبعدين تردون البيت اخر النهار

وابغي اقول لك شي بعد كلميه اذا تقدرين عن هوسه بالنظافه واذا ما فاد خليه كل ما انتقد او تكلم طنشي اذا شفتي انه يبالغ عشان انتي لا تتعبين لانه جدا صعب على الانسان يحس انه محاصر ومراقب ومحسوب عليه اي كلمه او اي تصرف انا ما الومك ولو اني اتمنى زوجي يعاملني مثل زوجك لو يوم واحد بس خخخخخخخ ماقلت لك حريم مانعرف شو نبغي

وبعدين انسي اللي فات بالمره ولا تتذكرين طليقك باي نوع من الذكرى سواء حلوه ولا مره انسيه بالمره وابعدي خوفك من ان زوجك يحس انك تقارنين بينه وبين طليقك او انك ممكن تفكرين وتهتمين بغيره ترا كلامه لما يقولك اللحين ماتبين تطلعين معاي او ماتحبين تكونين وياي هو نوع من انواع الغيره وحب التملك هذا من كثر حبه لك يغار عليك ويبغي يكون دايما بقربك فهميه باسلوبك ان لو الدنيا كلها معاي ماتغنيني عنك

:)

عليك اختي بالصبر والتغاضي عن دقائق الامور وزوجك رجل طيب وانتم في نعمه احمدوا الله عليها

حبيبتي اسمعي اقصد اقرئي اسمحيلي احلل شخصيه زوجك انت زوجك خلوق وعاطفي ومتسلط في ان واحد يتمتع بطاقه حب عظيمه مقابل ذلك لابد للمراة التي تحصل على مثل هذا الحب العظيم من ان تدفعه ثمن من حريتها واعصابها احيانا الحياه معه اشبه بالسجن وان كان سجنه من ذهب يغار على حبيبته ويتدخل في شؤونها الكبيرة والصغيره بالنسبه الى هذا الرجل على المراة ان تظهر له الطاعه وان تبدي اعجابها به وان تغمض عينيها عن امو كثيره وان تواحه حياتها معاه بالرزانه والتعقل
عزيزتي انا وحده من زميلاتي نفس قصتك مع زوجك تحبه ويحبها ومدلعها وينزل لمستوى تفكيرها بس يتدخل في كل شي ومطفشها من كثر تدخلاته في كل شي كانت في البدايه عادي بعدين طقت مثلك بس صدقيني الحل تنازلي عشان المركب تمشي وصدقيني انت بتتعودين على ذي الحياه ولو غير طريقته بتزعلين والله يوفقك ويسعدك مع زوجك ان شاء الله