بنات .. وايد في خاطري شكر لكم ! على ردودكم الطيبة
وعلى نصايحكم اللي فعلاً بعضها يخليني اقول ليتني كتبت لكم من قبل

نفسيتي حالياً ما تسمح اني اكمل..

اتمنى تعذروني كلكم على قصوري معاكم كان ودي ارد عليكم وحده وحده

وأقولكم شكراً

بس حبيت اقول كلمة لبعض البنات اللي يسألوني انتي وش تبغين
أو انتي تشوفين مزاياه عيوب!

أنا ابغيه بمافيه ولا قاعدة اشتكي من اطباعه انا مثل ما قالت وحده
من الأخوات جزاها الله خير حسيت باختناق من التملك.. وكثرة
التدقيق وفكرة انه عزلني عن الكل عشان اكون معاه..

كنت محتاجة شوية حريه خصوصاً أنتي تعودت أكون مستقله

مع اني تفهمت طبعه من أول شهور زواج ورضخت لأنه انسان
طيب وحنون وقلت ماعليه بيعوضني عن الكل..

لكن لأبسط موقف يصير بينا احس اني بوحده شديده! وأحتاج حد
أتكلم معاه عن شعوري احد غيره افرغ له!! احتاج انه يخليني اختار
بنفسي .. ولو يدري اني في النهاية بختاره هو!!! وبشكيله هو منه

لكن اللي صار صار واحس اني فقدت كثير أشياء!!

انا ما اشكي من تملكه كثر ما اشكي لكم يا بنات من تغيري انا!!!

كل اللي قلته لكم مقدمات وحطيت مزاياه عشان حد يفهمني ليش انا قسيت
وابتعدت وحطيت حاجز كبير في داخلي اتجاه هالإنسان!! أفتقد اهتمامه الزايد
إذا خف,,, وأزعل مثل ما قلتوا!! لكن عندي احساس غريب اني ساعات ما أحس
انه موجود! تعرفون هيبة من تحب لما يكون جنبك!! أحيان يكون عندي ما أشوفه!!!

وما احس به وأراجع نفسي طيب ليش؟!!!! ماصار بينا اي شي كبير ؟! ولا ألقى جواب

كل اللي بينا امور يوميه عاديه!!! وأقول يا بنت خلي احساسج على صوب وتقربي
أتقرب منه يصدني ويبتعد!! وبالقليل يجاملني

تعبانه يا بنات اعذروني

ماقول غير الله يلوم اللي يلومج... احيانا احس نفس احساسج...بس بعدين ارجع و اتذكر اني احبه و ان بينا طفل.... و كل شيء يهون لجل الحب!

اختي انا حاسه فيك بس انتي مالك إلا الصبر والدعاء لزوجك لانه يستحق انك تصبرين عشانه ناقشيه بوقت تكونون اثنينكم رايقين وشوفي وش يقولك جددي الحب بسم الله عليك الله يحفظك انتي وزوجك انتم في نعمه توني ياريه موضوع يضيق الصدر عن وحده يخونها زوجها مع الشغلات ووحده ثانيه زوجه بعد يخونها الله يسخرلك زوجك اكثر واكثر

بنا إنك من اهل الإمارات الحبيبة

أنصحك بأن تلتحقي بدورات ألأخت الرائعة ... ناعمة الهاشمي

صدقيني سوف تلا حظين الفرق في نفسك

لأن المشكلة مشتركة بينك وبين زوجك

والأحساس اللي إنت حاسته هو من طبيعة الحياة الروتين والملل

صدقتي.. كل ما اشوف مشاكل البنات اقول الحمدلله وهالشي يعطيني دافع اني ارجع
زوجي مثل ما كان .. لكن اتقعطع من داخلي لما اشوفه ما يحاول معاي ومب عارفه
وش في خاطره,, لأول مره احس اني مب فاهمته