الرز بالشعرية

2كوب رز مغسول -كوب الا ربع شعرية-2ملعقة كبار سمن -4 كوب ميه ملح حسب الذوق ومبدئي ملعقة صغيرة لكل كوب ملح
احمر الشعرية في السمن واقلب لحد لما تبقي لونها احمر واضيف الرز واقلب لدقيقتين


اضيف المية والملحواسيبهم لحد لما يغلي تماما اقلبه وانقله علي نار هادية لحد لما يستوي تقريبا حوالي نص ساعة وفي نص الوقت افتح واقلب وان كان شارب المية ونشف ممكن اذود حوالي نص كوب مية واغطي واسيبه يكمل السوا
هنا بعد لما اتشرب ولسة ماستواش


وبالف هنا وشفا يؤكل جنب اي صنف خضار

بسم الله الرحمن الرحيم
والصلاة والسلام علي سيدنا محمد
صباح العسل عليكن

السحلب:
لتر لبن-4 حبات مستكة-4 ملاعق نشا كبيرة- ربع ملعقة صغيرة فانيليا -سكر حسب الرغبة-2ملعقة سمسم -مكسرات للزينة




اطحن المستكة واخد كمية من اللبن لتدويب النشا واغلي الباقي علي النار مع السكر
اللبن اللي جنبته احطه في كوب واضيف عليه النشا والمستكة واقلبهم كويس واول لما اللبن يغلي اوطي النار


اضيف اللبن اللي فيه النشا والمستكة ببطء بيدي الشمال وامسك المضرب اليدوي السلك بيدي اليمين واقلب لحد لما الخليط يطخن
اضيف السمسمس اثنا الغليان واطفي

يغرف في الكوبايات ويجمل بالسمسم والمكسرات او االفول السوداني


وبالف صحة وعافية يتشرب في البرد ويعطي طاقة
ان شاء الله المرة الجاية تحضروا فول مقشور وبقدونس وكسبرة خضرا وناشفة وباذنجان عروس (الاسود الرفيع ) علشان حنعمل بصارة وباذنجان مخلل

بسم الله الرحمن الرحيم والصلاة والسلام علي خير العباد سيدنا محمد صلي الله عليه وسلم
صباح الخير والسعادة
البصارة
ربع كيلو فول مقشور ومغسول كويس -بصلة متوسطه -بقدونس وكسبرة خضر(البقدونس يملا كوب والكسبرة نص كوب ) وممكن نذود الخضرة كمان -نص راس توم مقشرة-شطة ودي اختياري

نضع كل المكونات في حلة علي النار ونضيف مية مش كتيرة بس تكفي للسلق


نسيبه يتسلق لحد لما يطري الفول خالص ويبقي كدة

نضرب الخليط كله في الخلاط لحد لما ينعم تماما نرجعه تاني للحلة ونضيف له ملح حسب الرغبة وملعقة صغيرة كمون ونحطه علي النار ونقلب لحد لما يبقي خليط قوامه زي قوام الكيك اطفي النار واغرفه في اطباق وابدا اعمله التقلية


التقليه زي تقليه الكشك احمر بصلة لدرجة الاصفرار واضيف توم مفروم وكسبرة ناشفة واقلبهم لحد لما يحمروا ارشهم فوق البصارة



وبالف هنا وشفا مع الباذنجان المخلل او الطماطم المخللة وده اللي حنعمله دلوقتي علشان يبقي طبق كامل

تؤكل البصارة في اي وجبة وئؤكل باردة

الباذنجان المخلل والطماطم المخللة

نحضر الخلطة : نص كيلو بادنجان عروس (الرفيع الاسود وممكن الابيض بس يفضل الاسود ) 4 او 5حبات طماطم حسب الرغبة -3قرون فلفل حامي لو مالكوش في الحامي خليها فلفلة او 2 رومي-راس توم صغيرة او نص راس كبيرة -ملعقة صغيرة كمون -2ملعقة ملح ملعقة كبيرة نعناع جاف نص فنجان صغير خل -2ليمونة وحنخليهم للاخر
افرم الخليط كله مع بعض ثم اضيف عليه الخل واقلي الباذنجان واسيبه يبرد ثم افتحه من حنب واحد واحشي بالخلطه وارصه في طبق ولو كتير ارصه في علبة واخد منه عند الاكل واشيله في التلاجة نيجي للطماطم اغسلها واشقها 4

احط الخلطة بين الشقوق الاربع

ارص الجميع واعصر الليمون عليه

وبالفهنا وشفا يفضل اننا ماناكلوش بعد التخليل مباشرة لازم نسيبه شوية يتشرب الخلطات
ده طبق المخلل الاول في مصر ويتاكل جنب اي وجبة وممكن تخزينه في علبة في التلاجة لعدة ايام لكن الطماطم لاتخزن علشان بتحمض علشان كدة لوخللناها نعمل علي قد اليوم فقط وممطن الاستغنا عنها
(ان شاء الله المرة الجاية تحضروا دقيق وسمن حنعمل الفطير المشلتت )

بسم الله الرحمن الرحيم وبه نستعين
اللهم صلي وسلم علي كامل النور
صباح الخير ياحبيباتي ان شاء الله تكونوا كلكم بخير واسعد حال
الفطير المشلتت :
العجينة : 2ونص كوب دقيق -2ملعقة زيت - 2ملعقة كبار زيت- ملعقة صغيرة ملح -ملعقة صغيرة خميرة (لو فيه فرن فلاحي حامي جدا بيستغني عن الخميرة لانها مش بيتحط خميرة بس لو عملناها في فرن منزلي بتطلع ناشفة علشان كدة حنحط كمية بسيطة من الخميرة بتديها طراوة ) -ماء للعجن بالتقريب حوالي كوب بينحط تدريجي
نعجن كله مع بعض لحد لما نحصل علي عجينة ملساء طرية ومش بتلزق في اليد



نتركها حوالي ربع ساعة تستريح ونقسمها حوالي 8 كرات وممكن اكتر ونحضر طبقين كل واحد فيه حوالي نص كوب سمن والتاني نص كوب زيت ونرش من الاتنين علي الرخامة اللي منظفينها ومنشفينها ونسيبها نص ساعة تستريح والا مش حتتجاوب معانا
htthttps://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/9a4bcffaa58251a5c52da78bbccea517.jpeg
نرش من السمن والزيت علي الرخامة ونجيب اول كرة ونبطط باليد ونرش عليها من السمن والزيت ونفرد براحة اليد لحد لما تبق شفافة وننقلها علي جنب برضه علي سطح مرشوش بالدهون

نرش علي وشها ملعقة سمن وده غير اللي بنفرد بيه ولو زيادة في السمن يكون افضل
نمسك الكرة التانية ونفردها بنفس الطريقة ونحطها فوق اللي اتفردت قبل كدةونرش عليها ملعقة سمن والتالتة وهكذا لحد لما نخلص ال8 وطبعا سمن بين كل واحدة


بعد لما خلصنا ال8 ارش سمن واقفل من كل جانبلبعد النصعلشان تبقي الطبقات اكتر
انقلها صينية مدهونة سمن واخلي الناحية اللي فيها الثنايات لتحت واسيبها تستريح مش اقل من نص ساعة وبعدها ابطط لنهاية الصينية واسيبها حوالي ربع ساعة واسخن الفرن علي نار حامية وتحت وفوق واسيبه لحد لما يسخن اوي وادخل الصينية (لو كانت انكمشت تاني وقتها مافيش مانع ابطط تاني ) واتابع سواها ولو كانت واخدة راحتها في الراحة حتديني نتيجة افضل
حنلاحظ انها حتتنفخ في الفرن وتبدا تحمر اخرجها من الفرن واغطيها بصينية 10 دقائق علشان تفضل طرية وساخنة

وهنا بعد لما خرجت من الفرن شوفوا طرية ازاي

وبالف صحة وعافية مع سكر بودرة او عسل اوجبنة
httphttps://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/7bd69026779877eaaf480a7d0ea80e00.jpeg
زي ماشوفتوا الفكرة طبقات عجين مستريحة وبينهم سمن
(ان شاء الله المرة الجاية نحضر قلقاس وسلق وكسبرة خضرا وشبت علشان نعمل طبق القلقاس بالسلق وخصوصا انه في اوانه دلوقتي علشان لو عجبكم نلحق نخزنه )
اسيبكم دلوقتي في رعاية الله