مشكوره أختي اليــــــــــــــــن على التشجيع
إنشاء الله ببدأ من يوم السبت وبكتب لكم النتيجه
وزني الحالي 80 وطولي 156 أتمنى يكون وزني 65 كيلو
وبالتوفيق لكل البنات:26:

بنات أنا أظن اتشجعت ... حابدأ معاك يا وهج الخيال يوم السبت 10/4

أظن في واحدة من البنات كمان حتبدأ نفس اليوم

الله يعينا على الريجيم .... والله أنا خايفة يحصل لي مثل ما حصل مع البسمة الباكية ... بموت قهر بعد كل هذا الحرمان

الكيكة .... أغيثينا وعايزين نعرف السبب في عدم نزول وزن أختنا البسمة الباكية .... ترى أنا قرأت تعليقك في موضوع الأخت (واحدة من الناس) وكمان تعليق (ألين 1) بأن الكيميائي هو الحل .... أنا اللي مشجعني إنك نزلتي عليه كثير حسب تجربتك ... على الرغم من تكرارك له

محتاجين تشجيع يا بنات

مبروك ريانة العود على النزول أمابالنسبه لوجهك أختك قالتلك ظعفان تراه شي عادي
كل اللي يظعفوا يضعف وجههم لكن مع مرور الوقت راح يتعودوا
مين قدك ياقمر عقبالنا انشاء الله كلنا


أم شدوني حبيبتي لاتخافي جسم عن جسم يفرق وتقريبا معظم البنات استفادوا من هذا الريجيم
واتشجعي انتي والبنات اللي بيبدأوا معاكي وبالتوفيق انشاء الله


البسمة الباكية ولا يهمك حبيبتي حاولي في هذي اليومين انك تسوي ريجيم ينقصك أو خففي في الأكل
وانتبهي لنوعية أكلك
لكن ممكن أسألك سؤال هل انتي طبيعة جسمك ترجع الوزن المفقود بسرعة أو لا



بتول ماشاء الله عليكي وكملي الثلاثة أيام الباقية وانشاء الله تنقصي في كل يوم كيلو



الكيكة وينك مختفية هذا كله من الريجيم بشرينا عنك


ألين الله يسعدك وتستمري تشجعي البنات لأنهم مستفيدين من تشجيعك جدا

هاي بنات

ام المشاميش .. تسأل عنج العافيه ..الله يسهل يا عمري و يقوينا و يقدرنا على الاستمرار..

البسمه الباكيه .. ماقلتيلي كم نزل وزنج مع الريجيم؟
و ترا الثلاث كيلوات اللي ارجعت ابيومين هذي سوائل .. و صدقيني اذا حافظتي ماراح يرجع وزنج .. تدرين ليش؟
لاني انا لما نزل وزني عالكيميائي من 120 لل 78 ... اول ما هديت الريجيم بيومين صار وزني 81 و ثبت مده طويييييله .. كنت مره اكل و مره امسك نفسي .. و يوم اخربط و ثاني يوم من الخوف ما اكل شي و والله حافظت على وزني ..لكن جاتني فتره اهملت نفسي و قمت اكل بشراهه و نسيت الريجيم .. و صار وزني 85 .. و الحين من ريجيم لرجيم .. ودي يصير وزني 78 او 77 ...لا تزعلين يا عمري مثل ما قلت لج الثلاث كيلوات هذي سوائل صدقيني و احتمال بعد يكون هذا وقت الدوره . بس حافظي على وزنج ولا ترجعين للاكل بشراهه .. اكلي باعتدال

الله يوفق الجميع :26:

بتول و ام الجود ..مبرووك النزول الف مبروك .. حافظوا عالوزن الجديد .. و بالنسبة لسؤالكم عن نزول 30 كيلو .. الجواب عندي ... النزول يا نظر عيني يعتمد على الوزن .. اذا كان وزنج زايد كثير بينزل كثير ... انا نزلت اول مره 15 كيلو ... و يمكن اللي وزنهم اكثر من وزني ذاك الوقت يمكن كانوا ينزلون اكثر من 15 ... يعني مثلا اختنا ريانه العود ماشالله عليها الله يحفظها وزنها بالخمسينات وين فيها شحم 20 كيلو تنزله؟ ..
صدقوني الدعايه ماهي قويه ..الريجيم عجيييييييب

ام الجود .. ماشالله عليج .. شدي حيلج هاااانت .... البقول ممنووووع ( مثل النخي و باجلا )
يوم الخضار كاتبين اكلي فاصوليا خضرا او مولوخيه او سبانخ او كوسا او زهره او جزر .. اللي تشتهينه ... الله يسهل عليج للاخر يا رب .. و نسمع عنج اخبار حلوه

عبير .. ياعمري التعب بس اول الايام .. استمري و كل ما حسيتي بتعب تخيلي جسمج حلو و لابسه لبس يهبل و كل اللي يشوفج يسأل عبير اشلون صارت جذي؟ و اشهالجسم؟ ... بس لا تنسين تقولين اعوذ بكلمات الله من شر ما خلق ... لا تحوشج عين الله يكافيج الشر

ام شدوني و وهج الخيال موفقيييين يا رب ... الله يسهل و تعدي الايام بسرعه و ما تحسون بتعب ولا حرمان يا رب .. و ينزل وزنكم للوزن المطلوب على صحه :26:

و سامحوني اذا نسيت اكتب رد على كلام اي وحده فيكم :17:

تراني انا بعد بديت الريجيم يوم السبت 3/4 واليوم ثالث يوم ، الحمدلله لا احساس بجوع و لا احساس بتعب ، يمكن اول يوم بس تعبت و حسيت بدوخة خفيفة يمكن علشان الغداء كان فواكه و انا اكلت بطيخ فانهضم بسرعة
انشاء الله راح اوزن يوم الجمعة و اخبركم بالنتيجة.

على فكرة انا وزني 92 كيلو و طولي 166 يعني لازم انزل 33 كيلو

دعواتكم.