السلام عليكم ورحمة الله وبركاته
انا قريت موضوعكم من الاول واتشجعت وقررت انضم لكم بعد اللي وصلت له من الاحباط
وقصتي مع الوزن طويله عريضه وهذابدا بعد ماحملت ببنتي والحين بنتي عمرها اربع سنوات وانا للحين متوهقه بوزني يعني طول الاربع سنوات محاولات فاشله زيدت وزني بدل ما تنقصه
وانا الحين مصره انزل وزني لاني ناويه احمل وعارفه مسبقا ان وزني في الحمل راح يزيد كثير
فخلكم معاي الله يعافيكم تكفوووووووووووووون
المهم وزني كان57 والحين ثمانين طبعاً انا بديت بالرجيم من اسبوع ونص ونزلت كيلوين يعني من82 الى80 واطمح الى60 على الاقل يعني لازم اطيح20 كيلو قبل الحمل
ها شقلتوا تساعدوني والا شلون؟؟؟؟؟
** شيماء ** شرايج تبدين وياي
انا بكون معاج
متى بديتي ريجيم ؟؟؟ انا بديت السبت وناويه انشالله اطيح 20 كيلو أذا مو 25 :(
يالله خل نشجع بعض
<------ محتاجة مساندة
انا بكون معاج
متى بديتي ريجيم ؟؟؟ انا بديت السبت وناويه انشالله اطيح 20 كيلو أذا مو 25 :(
يالله خل نشجع بعض
<------ محتاجة مساندة
الصفحة الأخيرة
الصبح بالدوام اخذ معاي خس وشويه جبن ( بعد ما عرفت ان كثرته مو زينه) ، جم حبة زيتون ( طبعا مو اكثر من 10 حبات )
واشرب الحين اي شاي للرشاقة عليه صوره وحده مادري شسمه لأني شايلة الاكياس من العلبة اذا تبين اعطيج الاسم انشالله
واليوم جربت الشاي الأخضر لأن سمعت ان مفيد لإذابة الدهون وملين إيضا للمعده ويمنع الامساك
ولازم اكل حبة فيتامينات باليوم
بالنسبة لباقي الوجبات اعمل اي وجبة خفيفة مرات دجاج او لحم مشوي مثل الكفته والكباب وطبعا قطعت البرغر الجاهز من عرفت ان عرفت فيه كربوهيدرات
والعشى احاول كثر ما اقدر انه يكون خفيف
وعلى فكره
مرات اخذ سلطة سيزر بالدجاج من مركز سلطان بس طبعا لازم تشيلين الخبز منها
وفي تتبيله سلطة السيزر مكتوب عليها ( 1 جم كربوهيدرات فقط) اذا كنتي تحبين تسوين سلطة السيزر بالبيت ومتوفره بمركز سلطان ايضا
قاعده احاول القى منتوجات قليلة بالكربوهيدرات بالكويت وكل ما القى شي بقول لكم انشالله
اقول لكم طريقة فادتني وايد؟؟
عندي دفتر صغير
واكتب فيه اي شي اكله باليوم الواحد
واحاول كثر ما اقدر احسب عدد جرامات الكربوهيدرات التي استهلكتها باليوم الواحد
اول يوم لما كليت ما كنت حاسبة الجرامات بعدها بيومين انصدمت اني استهلكت حوالي 30 جم والمفروض بس 20 جم
فديروا بالكم بنات ، التزموا بالاكلات المسموحة وايضا راعوا الكميات التي تاكلوها
وايضا استفيدوا من الجدول المرفق بالكتاب وايضا الجدول الموجود بموقع اتكنز
والموقع http://www.calorie-count.com لأنه فيه حتى الوجبات السريعة وما استغنى عته بجد
وانشالله نتواصل جميعا