السلام عليكم

شخباركم خواتي

انا الحمدلله تمام

اعتذر عن الخطأ انا رح اكمل 7 اسابيع يوم السبت مو ستة .

4 اسابيع قبل المسابقة والآن احنا في ثالث اسبوع من المسابقة

صححوا لي اذا كنت ناسية .

اوشال ماتشوفين شر يالغالية

ان شاء الله انتي احسن الحين .

عندي ملاحظات على اكلي من اكثر من اسبوع واللي احس انه ثبت فيه وزني .

بالإضافة الى لخبطة الدورة - الله يعزكم -

اول شي اني كنت قبل اسبوع الى اسبوع وشوي كنت آكل يومياً 2 بيض مقلي مع نص جبن سلايس مع القليل من سلطة .

اكل ثلاث وجبات واذا قللت تركت وجبة الظهر .

طبعاً من الحماس

قمت غيرت صرت اكل 2 بيضة مسلوق ومعظم الأحيان اكل بيضة فقط .

وصرت آخذ معاي شاي اخضر في العمل واشرب في حدود كوب الى كوبين مو اكثر .

مع شرب الماي واحاول قد ما اقدر اكثر من الماي .

صرت اطول المسافات في الحركة .. صح حركتي مو ذاك الزود ولا اعمل رياضة , ولكن صارت حركتي اكثر من قبل .

نقطة ثانية صرت آكل وجبة الظهر واترك الأكل في الليل .

ولكم ان تتخيلوا بعض الأحيان اضل من الساعة 2او 3 الى يوم ثاني بدون اكل سوى الشاي الأخضر والماي .

ولاحظت ثبوت الوزن .

البارح اكلت 2 بيض مقلي مع جبن

لقيت ان وزني قل نوعاً ما

وكذلك حاولت اني آكل البيضتين ولا اكتفي ببيضة وحدة .

ولما رجعت البيت ووزنت لقيت وزني ناقص .

وهذا دليل ان الواجب ناكل مو نترك الأكل .

يعني في هذا الريجيم ان التقليل من الأكل والزيوت والدهون يثبت الوزن .

لذلك انا رايحة ارجع للبيض المقلي مرة ثانية بدل المسلوق .

وانا ماودي آكل الحين .

بس رح احاول آكل جبن اذا اشتهيت والله يعين .

هذه تجربتي وشرايكم فيها .

اختي شيما

اوميقا مايسمنا احنا بتوع ريجيم اتكنز

يسمن اللي يستخدموا ريجيم السعرات

لأنه مكون اساساً من زيت السمك

لذلك افرحي رح يساعد على النزول وليس العكس

جوي حبيبتي انت متأكده ان تعبي ماحيروح بلاش مثل قبل
لاني فكرت اترك الاوميغا مثل ما تركت غيره
وابصبر الين السبت وبشوف النتيجه يافيها يا في الخيشه مثل مايقولون

بالعكس اختي شيماء تراه منصوح فيه

ومو تضري عمرج بدونه

ارجعي لردود الأخت هالة تراها اكثر من مرة تكتب الأسماء

شيماء

لا تخلين هالة تعصب تراها اكثر من مرة تحط الرد وتعيد وتكرر .

انا اتمنى لو ينعمل تلخيص للصفحات وتنحذف الأشياء غير الضرورية وتتخلى بقية الصفحات الضرورية .

عن جد مقهوره
اليوم بديت المرحله الثانيه و شربت 1\2 قلاس عصير الليمون مو لاني ما ابيه بس الخدامه ما كانت مسويته زين انا قعدت عابلت اليهال ما قدرت اسويه بروحي اللى ترجع و اللى نشله و اللى تصرخ

المهم ما عجبني اللى سوته فما قدرت اكمله بس عل عشا كليت وايد جبن كيري يمكن 5 او 6 مربعات منه و زيتون بس و النتيجه ان فحص شرايط الكيتون الساعه 1.15 دق الفجر ما صار بنفسجي غامق و لا الغامق اللى بعده
لاء البنفسجي اللى قبل اللون الفاتح يعني درجه من حرق الكيتون تهقون السبب من العصير و الا من الجبن الزايد؟
اخاف لازم اكمل بالمرحله الاولى بعد كم اسبوع بعدين انتقل الثانيه


اوشال لا عمري من خرعتي عليج
انا اضطريت اسوي شوربة المشروم حق بنتي اللى ترجع بدون طحين او كريمه
قطعت بصل حمسته مع مربعين زبده صغار و فوقه 3 فصوص ثوم و بعدين حطيت المشروم علبه كبيره عليه و هو حار جدا لان المشروم يحترق على درجة حراره عاليه و يمنع الطهاه في البرامج وضعه على نار هاديه يخسر الماي اللى فيه و خليته يطبخ شوي بس معاه 1\2 مكعب ماجي دجاج ملح اقل
ضفت 1 كوب ماي و 1 علبة حليب كامل دسم شسوي للحين ما شريت 1\2 دسم و نطرته يغلي 10 دق او اقل و خلطته بالخلاط
بعد الخلط رديته عل نار و ضفت ملح و فلفل ابيض و بعض قطع مشروم شلتها قبل الخلاط و شكرته و خذاله غلوه
شربتها منه و انا بعد شربت منه و لكن في الطاسه الخاصه فيني زدت الكريمه على طول قبل ما اكل منه يعني الكريمه شوي بارده من الثلاجه و الله طلع لذيذ نفس حلاته لما كنت اسويه قبل النظام مع طحين